দ্বিতীয় অৰি সিংহ

মহাৰাণা দ্বিতীয় অৰি সিংহ^১ (২৭ জুলাই ১৭২৪ – ৯ মাৰ্চ ১৭৭৩ চনৰ পিছত) মেৱাৰ ৰাজ্যৰ মহাৰাণা আছিল। তেওঁ সিংহাসনত অধিষ্ঠিত হোৱাটো বিতৰ্কিত হৈ পৰিছিল কাৰণ তেওঁ তেওঁৰ ভতিজা আৰু পূৰ্বৰ মহাৰাণা ৰাজ সিংহ দ্বিতীয় (জন্ম ১৭৪৩, ৰাজত্ব ১৭৫৪–১৭৬১)ৰ একমাত্ৰ পুত্ৰ কুঁৱৰ ৰতন সিং (১৯)ক হত্যা কৰি ৰাজপাট নিষ্কণ্টক আৰু প্ৰতিদ্বন্দ্বীহীন কৰি তুলিছিল।

মহাৰাণা দ্বিতীয় প্ৰতাপ সিংহৰ কনিষ্ঠ ভাতৃ দ্বিতীয় অৰি সিংহই প্ৰতাপৰ পুত্ৰ ৰাজ সিংহ দ্বিতীয়ৰ মৃত্যুত সিংহাসনৰ উত্তৰাধিকাৰী হৈছিল যিয়ে ১১ বছৰ বয়সত পিতৃৰ উত্তৰাধিকাৰী হৈছিল আৰু সাত বছৰ ৰাজত্ব কৰিছিল। ১৭৬২ চনত অৰি সিংহই ১৭৭৩ চনৰ ৯ মাৰ্চত বুণ্ডীৰ মহাৰাও অজিত সিংজীয়ে হত্যা নকৰালৈকে এঘাৰ বছৰ ৰাজত্ব কৰিছিল; পাছলৈ অজিত সিংজীও অৰি সিংহক হত্যা কৰাৰ পিছত মাত্ৰ কেইমাহমানহে জীয়াই আছিল।^২

অৰি সিঙ খিংখিঙীয়া স্বভাৱৰ আছিল বুলি কোৱা হৈছিল, যাৰ বাবে মেৱাৰৰ মুখীয়াল আৰু সম্ভ্ৰান্ত লোকসকলে অৰি সিংহৰ পৰা আঁতৰি আহিছিল। ইয়াৰ ফলত মেৱাৰৰ ক্ষমতা হ্ৰাস পাইছিল। মেৱাৰ দৰবাৰৰ পৰা ওলাই অহা সম্ভ্ৰান্ত লোকসকলে এটা গোট গঠন কৰিলে। এই গোটটোৱে অৰি সিংহক হত্যা কৰি তেওঁৰ পূৰ্বৰ পুত্ৰ ৰত্ন সিংহৰ অনাথ পুত্ৰক শাসক হিচাপে প্ৰতিষ্ঠা কৰাৰ পৰিকল্পনা কৰিছিল। যদিও ৰত্ন সিংহই সাময়িকভাৱে কুম্ভলগড় দখল কৰিবলৈ সক্ষম হয়, পিছলৈ তেওঁ পৰাজিত হয়।^৩

অৰি সিংহৰ দিনত সমগ্ৰ ভাৰততে মাৰাঠাসকল দুৰ্বল হৈ পৰিছিল যদিও মহাদাজী সিন্ধিয়াই উত্তৰত মাৰাঠা ক্ষমতা পুনৰুদ্ধাৰ কৰিছিল। অৰি সিংহই মোগল সাম্ৰাজ্যৰ বিৰুদ্ধে মাৰাঠাসকলৰ লগত মিত্ৰতা কৰিছিল।