তেহমিনা ছানি

তেহমিনা ছানি (ইংৰাজী ভাষা: Tehmina Sunny)^১ এগৰাকী ব্ৰিটিছ অভিনেত্ৰী, বেহেলাবাদক আৰু কণ্ঠশিল্পী। তেওঁ ভাৰতীয় বংশোদ্ভৱ।^২

জীৱন আৰু কৰ্মজীৱন

ছানিৰ কৰ্মজীৱন লণ্ডনত থকাৰ সময়তে আৰম্ভ হৈছিল। এজন অভিনয় শিক্ষকৰ ওচৰত অধ্যয়ন কৰিবলৈ লছ এঞ্জেলছলৈ যোৱাৰ পাছত তেওঁ লছ এঞ্জেলছতে থাকি কাম কৰাৰ সিদ্ধান্ত লৈছিল। প্ৰত্যাহ্বানমূলক পৰিৱৰ্তন সত্ত্বেও তেওঁ নিজৰ সপোন পূৰণৰ বাবে লছ এঞ্জেলছলৈ গুচি যায়।

ছানীয়ে কেভিন বেকনৰ সৈতে দ্য ফল’য়িং,^৩ ২৪, হিৰ’জ, কেলিফৰ্ণিকেচন, এন.চি.আই.এছ., জে. জে. আব্ৰামছে লিখা আণ্ডাৰকভাৰ্ছ, এ.বি.চি.ৰ মিষ্ট্ৰেছেছ^৪৫ আৰু এৰন ছৰ্কিনৰ দ্য নিউজৰুমকে ধৰি কেইবাখনো টিভি ধাৰাবাহিকত চৰিত্ৰ লাভ কৰে।^৬ তেওঁৰ প্ৰথম চলচ্চিত্ৰ চৰিত্ৰ আছিল আলফনছো কুৱাৰনৰ অস্কাৰ মনোনীত ছবি চিলড্ৰেন অৱ মেনত। তেওঁ মাইক ফিগিছ, ৰোলেণ্ড জফ আৰু বেন এফ্লেকৰ দৰে পৰিচালকৰ সৈতে কাম কৰিছে।^৭ বেন এফ্লেকৰ অস্কাৰ বিজয়ী ছবি আৰ্গোতো তেওঁ অভিনয় কৰিছিল।^৮৯

২০১৩ চনত ছানীয়ে ৬০০০ জন লোকৰ বিৰুদ্ধে প্ৰতিযোগিতাত অৱতীৰ্ণ হৈ চি.বি.এছ. ডাইভাৰ্চিটি শ্ব’কেছ কাৰ্যসূচীৰ বাবে অন্তিম ২০জনৰ ভিতৰত নিৰ্বাচিত হৈছিল। এই অনুষ্ঠানটোৱে তেওঁক মনোৰঞ্জন জগতৰ মাজত জনপ্ৰিয় কৰি তুলিছিল।^১০ ২০১৪ চনৰ নৱেম্বৰ মাহত স্ক্ৰীণ ইণ্টাৰনেশ্যনেলে তেহমিনাক তেওঁলোকৰ ‘এল.এ. ষ্টাৰ্ছ অৱ টুমৰ’ হিচাপে নামকৰণ কৰে। ২০১৫ চনত তেওঁ দ্য ভেটিকান টেপছ নামৰ থ্ৰিলাৰখনত এগৰাকী সাংবাদিকৰ চৰিত্ৰত অভিনয় কৰিছিল।^১১

তেওঁ চি.বি.এছ.ৰ শ্ব’ ট্ৰেনিং ডেত বিল পেক্সটনৰ বিপৰীতে অভিনয় কৰিছিল আৰু চি.ডব্লিউ.ৰ ছাই-ফাই শ্ব’ পেণ্ডোৰাৰ প্ৰথম ছিজনত নিয়মীয়া অভিনয় কৰিছিল। ২০২০ চনত তেওঁ চিকাগো মেডৰ ষষ্ঠ ছিজনত ড° চাবিণা বিৰাণীৰ চৰিত্ৰত অভিনয় কৰে।^১২

হেলেন ৱানৰ একে নামৰ উপন্যাসৰ ওপৰত আধাৰিত নেটফ্লিক্সৰ ড্ৰামা ছিৰিজ পাৰ্টনাৰ ট্ৰেকতো ছানীয়ে অভিনয় কৰিছিল। এই ধাৰাবাহিকখন নিউয়ৰ্কত চিত্ৰগ্ৰহণ কৰা হৈছিল আৰু ২০২১ চনৰ ২৬ আগষ্টত মুক্তি দিয়া হৈছিল।^১৩১৪ ২০২৫ চনৰ নৱেম্বৰ মাহত ডেডলাইন হলিউডে বাতৰি প্ৰকাশ কৰে যে ছানীয়ে বহু প্ৰত্যাশিত ছবি দ্য ছচিয়েল ৰেকনিংত অভিনয় কৰিব, যিখন অস্কাৰ বিজয়ী ছবি দ্য ছচিয়েল নেটৱৰ্কৰ পৰৱৰ্তী খণ্ড। ছবিখন ২০২৬ চনৰ অক্টোবৰত মুক্তি পাব।^১৫

ব্যক্তিগত জীৱন

ছানিৰ জন্ম ইংলেণ্ডৰ ক্ৰইডনত হৈছিল। তেওঁ বেহেলা (violin) আৰু ভায়োলা (viola) বজোৱাৰ বাবে জলপানি লাভ কৰিছিল। পূৰ্বৰ কোনো প্ৰশিক্ষণ নোহোৱাকৈয়ে তেওঁ বিবিচিৰ অভিনয় প্ৰতিভাৰ দেশজোৰা সন্ধানৰ চূড়ান্ত প্ৰতিযোগী আছিল। ছানীয়ে ইংলেণ্ডৰ লীডছ বিশ্ববিদ্যালয়ত অধ্যয়ন কৰিছিল,^১৬ য’ত তেওঁ কৃত্ৰিম বুদ্ধিমত্তা (AI) আৰু কম্পিউটাৰ বিজ্ঞানৰ ওপৰত গুৰুত্ব দি 'বিজনেছ ইনফৰ্মেশ্যন চিষ্টেম' অধ্যয়ন কৰিছিল।^১৭১৮ মাৰ্কেটিং আৰু ব্যাৱসায়িক অধ্যয়নৰ সৈতে তেওঁ সন্মানসহ বিজ্ঞানৰ স্নাতক ডিগ্ৰী লাভ কৰে। মনোৰঞ্জন জগতলৈ তেওঁৰ কেৰিয়াৰৰ পৰিৱৰ্তন আছিল সম্পূৰ্ণ অপৰিকল্পিত।^১৯২০ তেওঁ বৰ্তমান নিউয়ৰ্ক আৰু লণ্ডনৰ মাজত নিজৰ সময় অতিবাহিত কৰে।

অভিনয় তালিকা