ট্ৰাছিং বেজী

ট্ৰাছিং বেজী হৈছে ২০ ছেমি দীঘল আৰু ৩ মিমি ব্যাসৰ এটা বেজী, যিটো পোহনীয়া চৰাইৰ মাংস যেনে হাঁহ, কুকুৰা আৰু টাৰ্কিৰ মাংস ৰান্ধিবলৈ মাংস চিলাবলৈ ব্যবহাৰ কৰা হয়৷^১ এইটো এইকাৰণেই কৰা হয়, যাতে মাংসখিনি ভালকৈ ধৰি সেকিব পৰা যায় আৰু ইয়াৰ আকাৰ ঠিকে থাকে৷^২ ট্ৰাছিং বেজীৰে পৰম্পৰাগত পোহনীয়া হাঁহ, কুকুৰা বা টাৰ্কিৰ মাংস চিলাই কৰাৰ উপৰি শেন আদি চিকাৰীৰ মাংসও চিলাবলৈ ফলপ্ৰসূভাৱে ব্যৱহাৰ কৰিব পাৰি৷^৩ বেজী নোহোৱাকৈয়ো চৰাইৰ মাংস চিলাব পাৰি৷ কিন্তু হাঁহ, কুকুৰা বা টাৰ্কিৰ মাংস ট্ৰাছিং কৰাৰ বহুত লাভ আছে৷ ট্ৰাছিং বেজী ব্যৱহাৰ নকৰিলে মাংসখিনি সমভাবে সেকিব পৰা নাযায়, কাৰণ চৌকাৰ তাপত চৰাইৰ বুকু অংশহে মেৰ খাই থাকে আৰু ভালকৈ সিজে, চৰাইটোৰ ফিছা আৰু ঠেং ভালদৰে মেৰ খাই নাথাকে৷^৪ ট্ৰাছিং কৰাৰ বহুত পদ্ধতি আছে, ই নিৰ্ভৰ কৰে চৰাইৰ ধৰণ আৰু ব্যঞ্জনৰ ওপৰত৷ তেনে এটা ট্ৰাছিং পদ্ধতি হ’ল পৰম্পৰাগত ট্ৰাছিং পদ্ধতি, য’ত কিচ্ছেন ষ্ট্ৰীং ব্যৱহাৰ কৰা হয়৷ এই কৌশলত ঠেঙৰ ভাঁজটো সামৰি আনি গোটেই গাটো মেৰাই দিয়া হয় য’ত বহুত লম্বা বেজী এটাত সূতা ভৰাই সেই বেজীৰে সহজভাবে চৰাইৰ নেজ আৰু কাষবোৰ তিনিটা গাঁঠিৰে ভালকৈ বন্ধা হয়৷^৫