টেনেচি ক্লাফলিন

টেনেচি চেলেষ্ট ক্লাফলিন, মণ্টচেৰাটৰ ভিছকাউণ্টেছ (Tennessee Celeste Claflin, Viscountess of Montserrat (২৬ অক্টোবৰ, ১৮৪৪ – ১৮ জানুৱাৰী, ১৯২৩), টেনি চি নামেৰেও পৰিচিত৷ তেওঁ এগৰাকী আমেৰিকান ভোটাধিকাৰী আছিল আৰু তেওঁৰ ভগ্নী ভিক্টোৰিয়া উডহালৰ সৈতে ৱাল ষ্ট্ৰীটত দালালি সংস্থা মুকলি কৰা প্ৰথমগৰাকী মহিলা হিচাপে বেছি পৰিচিত আছিল৷^১২৩

জীৱন

টেনেচি ক্লাফলিনৰ জন্ম তাৰিখৰ সঠিক তথ্য স্পষ্ট নহয় যদিও সাধাৰণতে তেওঁৰ জন্ম ১৮৪৩ চনৰ পৰা ১৮৪৬ চনৰ ভিতৰত হোৱা বুলি কোৱা হয়। জীৱনীকাৰ মাইৰ্না মেকফাৰ্চনে ক্লাফলিনৰ জন্ম তাৰিখ ১৮৪৫ চনৰ ২৬ অক্টোবৰ বুলি উল্লেখ কৰিছে^৪আনহাতে সাংবাদিক বাৰ্বাৰা গোল্ডস্মিথে ১৮৪৬ চনত জন্ম হৈছে বুলি উল্লেখ কৰিছে।^৫

১৮৭১ চনত ভগ্নীদ্বয়ে পৌৰসভাৰ নিৰ্বাচনত ভোট দিবলৈ চেষ্টা কৰে আৰু নাকচ কৰা হয়।^৬

১৮৭১ চনৰ ১১ আগষ্টত টেনেচি ক্লাফলিনে নিউয়ৰ্কৰ অষ্টম কংগ্ৰেছ জিলাৰ বাবে প্ৰাৰ্থীত্ব ঘোষণা কৰে। সেই সময়ত অষ্টম কংগ্ৰেছৰ জিলাখন বহুলাংশে জাৰ্মান-আমেৰিকান আছিল। জাৰ্মান আৰু আমেৰিকাৰ পতাকাৰে আগুৰি থকা আৰভিং প্লাজাত ক্লাফলিনে প্ৰাৰ্থীত্ব ঘোষণা কৰে। তেওঁ জাৰ্মান ভাষাত ভাষণ দিছিল।^২৭

১৮৭২ চনৰ ১০ মে'ত নৱগঠিত ইকুৱেল ৰাইটছ পাৰ্টিয়ে উডহালক আমেৰিকাৰ ৰাষ্ট্ৰপতি পদৰ বাবে মনোনীত কৰে।^৩৮ফ্ৰেডেৰিক ডগলাছক উপ-ৰাষ্ট্ৰপতি হিচাপে মনোনীত কৰা হয় যদিও তেওঁ মনোনয়নক আওকাণ কৰি ইয়াৰ পৰিৱৰ্তে ইউলিছিছ এছ গ্ৰাণ্টৰ হৈ সক্ৰিয়ভাৱে প্ৰচাৰ চলায়।^৯