জৱাহৰলাল নেহৰু আন্তঃৰাষ্ট্ৰীয় ষ্টেডিয়াম (কোচি)

জৱাহৰলাল নেহৰু আন্তঃৰাষ্ট্ৰীয় ষ্টেডিয়াম, (Jawaharlal Nehru International Stadium (Kochi)) যাক স্থানীয়ভাৱে কালুৰ ষ্টেডিয়াম বুলি জনা যায়, ই হৈছে কেৰালাৰ কোচিৰ এক বহুমুখী আন্তঃৰাষ্ট্ৰীয় ষ্টেডিয়াম। ষ্টেডিয়াম খনৰ ক্ষমতা হৈছে ৬০,৫০০।^১ ইণ্ডিয়ান চুপাৰ লীগৰ খেলসমূহৰ বাবে ইয়াক ৩৯,০০০ ত সীমাবদ্ধ কৰা হৈছে কিয়নো খেলসমূহৰ বাবে কেৱল নিম্ন আৰু মধ্যস্তৰৰ ষ্টেডিয়াম ভাড়াত দিয়া হয়।^২৩ কেৰালাত এখন বিশ্বমানৰ আন্তঃৰাষ্ট্ৰীয় ক্ৰীড়া ষ্টেডিয়াম নিৰ্মাণৰ অনুমোদন কেৰালাৰ প্ৰয়াত মুখ্যমন্ত্ৰী কে. কৰুণা কৰণৰ চৰকাৰে কৰিছিল। ষ্টেডিয়ামখন ১৯৯৬ চনত "ভি. জোচেফ থমাছ আই.পি.এছ."ৰ নেতৃত্বত "গ্ৰেটাৰ কোচিন ডেভেলপমেণ্ট অথৰিটি"ৰ দ্বাৰা নিৰ্ধাৰিত সময়ৰ আগতে সম্পূৰ্ণ কৰা হৈছিল।^৪৫ এই ষ্টেডিয়ামখন ইয়াৰ স্বকীয় স্থাপত্যৰ বাবে বিশ্বৰ অন্যতম কোলাহলপূৰ্ণ ফুটবল ষ্টেডিয়াম হিচাপে পৰিগণিত হয়।

ষ্টেডিয়ামে কেইবাখনো আন্তঃৰাষ্ট্ৰীয় ক্ৰিকেট আৰু ফুটবল খেলৰ আয়োজক হিচাপে খেলিছে কিন্তু ২০১৪ চনৰ পিছত ই আইএছএলৰ বাবে কোনো ক্ৰিকেট খেল অনুষ্ঠিত কৰা নাছিল। ষ্টেডিয়ামৰ বিস্তৃত খেলপথাৰখনে চহৰখনত গুৰুত্বপূৰ্ণ প্ৰদৰ্শনী, চিনেমা অনুষ্ঠান আৰু ৰাজনৈতিক সমদলৰ স্থান হিচাপে কাম কৰে। ষ্টেডিয়ামৰ আটাইতকৈ অভিনৱ দিশটো হ'ল ইয়াৰ ২ কিলোৱাট ফ্লাডলাইটৰ অনন্য লাইটিং টাৱাৰ যিটো সম্পূৰ্ণৰূপে অন কৰিলে এইচ ডি টেলিকাষ্টৰ বাবে পোহৰৰ স্তৰ প্ৰদান কৰিব পাৰে।^৬৭ বৃহত্তৰ কোচিন উন্নয়ন প্ৰাধিকৰণে কালুৰৰ জৱাহৰলাল নেহৰু আন্তঃৰাষ্ট্ৰীয় ষ্টেডিয়ামখন কেৰেলা ক্ৰিকেট এছ'চিয়েশ্যনক (কে চি এ) ৩০ বছৰৰ বাবে লীজত দিছিল। ষ্টেডিয়ামখনে কেৰালা ক্ৰিকেট দল, কেৰালা ব্লাষ্টাৰ্ছ এফ চি (ইণ্ডিয়ান চুপাৰ লীগ) কে ধৰি দলবোৰৰ বাবে ঘৰুৱা খেলপথাৰ হিচাপে কাম কৰে। ষ্টেডিয়ামে বিশ্বৰ পঞ্চম সৰ্বাধিক ভিৰ (128 db) থকাৰ বিশেষাধিকাৰ লাভ কৰিছে,^৮ আই এছ এল ২০১৬ ৰ চূড়ান্ত খেলৰ সময়ত য'ত "কেৰালা ব্লাষ্টাৰ্ছে" "এটলেটিকো ডি কলকাতা"ৰ বিৰুদ্ধে জৱাহৰলাল নেহৰু আন্তঃৰাষ্ট্ৰীয় ষ্টেডিয়াম খেলিছিল। কোচি ভাৰতত অনুষ্ঠিত ২০১৭ ফিফা অনুৰ্ধ-১৭ বিশ্বকাপৰ বাবে ছয়খন আয়োজক চহৰৰ ভিতৰত এটা আছিল।^৯ ১৯ আগষ্ট ২০১৭ তাৰিখলৈকে, ষ্টেডিয়ামত ১০ খন এদিনীয়া খেল অনুষ্ঠিত হৈছে।

ইতিহাস

কালুৰ ষ্টেডিয়াম খন মূলতঃ ফুটবল ষ্টেডিয়াম হিচাপে নিৰ্মাণ কৰা হৈছিল।কাৰণ কেৰেলা ভাৰতৰ কেইটামান অঞ্চলৰ ভিতৰত এটা য'ত ফুটবলে যথেষ্ট জনপ্ৰিয়তা লাভ কৰে, এইটো বিবেচনা কৰি ইয়াক ফুটবল খেলৰ বাবে ব্যৱহাৰ কৰা হৈছিল। প্ৰকৃততে, ১৯৯৭ চনত ভাৰত আৰু ইৰাকৰ মাজত অনুষ্ঠিত এখন খেলত প্ৰায় ১,০০,০০০ দৰ্শকে স্থানটো পূৰ্ণ কৰিছিল, আৰু এনেদৰে ইয়াক অত্যাধিক ভিৰ কৰিছিল, যিটো এই স্থানত এক অভিলেখ হৈ আছে। এয়া আছিল ১৯৯৭ চনৰ নেহৰু কাপ আন্তঃৰাষ্ট্ৰীয় ফুটবল টুৰ্ণামেণ্টত, যিটো এই স্থানত প্ৰথম প্ৰতিযোগিতা আছিল। ষ্টেডিয়ামখন সময়মতে নিৰ্মাণ কৰাৰ বাবে কেইবাটাও সন্মান লাভ কৰিছিল।^১০গ্ৰেটাৰ কোচিন উন্নয়ন প্ৰাধিকৰণৰ মুৰব্বী স্বৰ্গীয় "ভি জোচেফ থমাছ আইপিএছ"ৰ সতৰ্ক দৃষ্টিত ষ্টেডিয়ামখন সম্পূৰ্ণ কৰা হৈছিল। তেওঁ পালাইৰ "ছেইণ্ট থমাছ কলেজৰ দিনৰ পৰা ফুটবলৰ এজন ডাঙৰ অনুৰাগী আছিল আৰু কেৰালা ৰাজ্যিক এথলেটিকছ এছ'চিয়েচনৰ পৃষ্ঠপোষক হিচাপেও কাৰ্যনিৰ্বাহ কৰিছিল।^১১ ১৯৯৬ চনত ভাৰতৰ ৰাষ্ট্ৰপতি শংকৰ দয়াল শৰ্মাই ষ্টেডিয়ামখন উদ্বোধন কৰে। ১৯৯৮ চনৰ পিছত, ফুটবল তললৈ নামি যায় আৰু ক্ৰিকেটে বহু বছৰধৰি কেন্দ্ৰীয় পৰ্যায়লৈ যায় (বিক্ৰী আৰু উচ্চ ধন উপাৰ্জনকাৰী খেল হিছাপে)। দৰাচলতে, ২০০৫ চনৰ এপ্ৰিলত ভাৰত আৰু ইয়াৰ চিৰ প্ৰতিদ্বন্দী পাকিস্তানৰ মাজত অনুষ্ঠিত ক্ৰিকেট এদিনীয়া খেলত এই স্থানত সৰ্বাধিক ধন উপাৰ্জন কৰা হৈছিল। ১৯৯৮ চনৰ ১ এপ্ৰিলত ভাৰত আৰু অষ্ট্ৰেলিয়াৰ মাজত এই খেলপথাৰত খেলা প্ৰথম খন এদিনীয়া খেল আছিল ষ্টেডিয়ামত প্ৰথম খন ইণ্ডিয়ান প্ৰিমিয়াৰ লীগ খেল আছিল ৯ এপ্ৰিল ২০১১ তাৰিখে, ("কোচি টাস্কৰ্ছ কেৰালা" আৰু "ৰয়েল চেলেঞ্জাৰ্ছ বাংগালোৰ"ৰ মাজত আয়োজন কৰা হৈছিল)। কোচি টাস্কাৰছৰ বাবে এইখন প্ৰথম আই পি এল খেল আছিল। তেওঁলোকৰ পাঁচখন ঘৰুৱা খেল এই ষ্টেডিয়ামত ২০১১ চনত খেলা হৈছিল, আৰু বাকী দুখন ইন্দোৰৰ হোলকাৰ ক্ৰিকেট ষ্টেডিয়ামত খেলা হৈছিল। ষ্টেডিয়ামে ২০১৩ চনৰ দলীপ ট্ৰফীৰ ছেমি ফাইনেল আৰু ফাইনেল আয়োজন কৰিছিল।

কেৰালা ব্লাষ্টাৰ্ছ এফ চি

ষ্টেডিয়ামখন ইণ্ডিয়ান চুপাৰ লীগৰ পৰা (২০১৪ চনৰ পৰা) কেৰালা ব্লাষ্টাৰ্ছ এফ চিৰ আনুষ্ঠানিক ঘৰুৱা খেলপথাৰ। কেৰালা ব্লাষ্টাৰ্ছে ০৬-১১-২০১৪ তাৰিখে অনুষ্ঠিত এফ চি গোৱাৰ বিৰুদ্ধে তেওঁলোকৰ প্ৰথমখন আইএছএল ঘৰুৱা মেচ ১-০ ত জিকিছিল। ২০১৪ চনৰ ৩০ নৱেম্বৰত কেৰালা ব্লাষ্টাৰ্ছ এফ চি আৰু চেন্নাইয়িন এফ চিৰ মাজৰ খেলখনত ৫৯,৩২৩ জন দৰ্শক দেখা গৈছিল। ঘৰুৱা লীগ খেলত ইউৰোপৰ বাহিৰৰ ফুটবল ক্লাববোৰৰ বাবে কেৰালা ব্লাষ্টাৰ্ছৰ গড় উপস্থিতি সৰ্বাধিক (৪৭,৪২৭)।^১২ইণ্ডিয়ান চুপাৰ লীগৰ উদ্বোধনী ছিজনত কেৰালা ব্লাষ্টাৰ্ছে ১৪ খন খেলৰ পৰা ১৯ পইণ্ট লাভ কৰি গ্ৰুপ পৰ্যায়ত চতুৰ্থ স্থান লাভ কৰে আৰু "পুনে চিটি এফ চি"ক পৰাস্ত কৰি ছেমি ফাইনেলৰ বাবে যোগ্যতা অৰ্জন কৰে। "কেৰালা ব্লাষ্টাৰ্ছ এফ চি" তেওঁলোকৰ সাতখন ঘৰুৱা খেলৰ ভিতৰত ছয়খনত অপৰাজিত আছিল।^১৩হিৰো ইণ্ডিয়ান চুপাৰ লীগ ২০১৭/১৮ৰ উদ্বোধনী অনুষ্ঠান এই ষ্টেডিয়ামত আয়োজন কৰা হৈছিল।

অৱস্থিতি

জৱাহৰলাল নেহৰু আন্তঃৰাষ্ট্ৰীয় ষ্টেডিয়াম চহৰখনৰ মাজভাগত অৱস্থিত। ই কালুৰ আৰু পালাৰিভাট্‌মৰ মাজৰ বেনাৰ্জী ৰোডৰ কাষত অৱস্থিত। দক্ষিণ ফালৰ পৰা ষ্টেডিয়াম লিংক ৰোডে থাম্মানাম আৰু কাথ্ৰিকাদাভুৰ পৰা প্ৰৱেশৰ অনুমতি দিয়ে, যদিও এই পথত কোনো ৰাজহুৱা পৰিবহন নাই। ষ্টেডিয়ামখন উত্তৰ (নগৰ) আৰু দক্ষিণ (জংচন) ৰেল ষ্টেচনৰ পৰা ক্ৰমান্বয়ে ২.৫ আৰু ৫.২ কিমি (১.৬ আৰু ৩.২ মাইল) ত অৱস্থিত। কোচি মেট্ৰ' ষ্টেচন জৱাহৰলাল নেহৰু আন্তঃৰাষ্ট্ৰীয় ষ্টেডিয়ামৰ ঠিক সন্মুখত অৱস্থিত। এখন বিশিষ্ট বাছ ষ্টপৰ লগতে মেট্ৰ' ষ্টেচনৰ উপস্থিতিয়ে ইয়াক এক মুখ্য স্থান আৰু চহৰৰ যিকোনো প্ৰান্তৰ পৰা সহজে প্ৰৱেশ কৰিব পৰা স্থান কৰি তুলিছে।

বাহ্যিক সংযোগ

• 360-degree view of stadium