জোহানা ৱেলিন

জোহানা ৱেলিন ( Johanna Welin; জন্ম: ২৪ জুন ১৯৮৪) এগৰাকী ছুইডেনত জন্মগ্ৰহণ কৰা জাৰ্মান ২.০ পইণ্ট হুইলচেয়াৰ বাস্কেটবল খেলুৱৈ। তেওঁ জাৰ্মান হুইলচেয়াৰ বাস্কেটবল লীগত ইউ এছ চি মিউনিখৰ হৈ খেলিছিল আৰু ২০১২ চনত লণ্ডনত অনুষ্ঠিত হোৱা গ্ৰীষ্মকালীন পেৰালিম্পিকত সোণৰ পদক লাভ কৰা জাতীয় দলটোৰ হৈ খেলিছিল, ইয়াৰ পাছত ৰাষ্ট্ৰপতি জোৱাচিম গ'কে দলটোক ছিলবাৰ্নেছ ল'ৰবিয়াৰব্লাট (ৰূপালী লৰেল লিফ) বঁটা প্ৰদান কৰে।

জীৱনী

জোহানা ৱেলিনৰ জন্ম হৈছিল ১৯৮৪ চনৰ ২৪ জুনত আৰ্কটিক চাৰ্কলৰ পৰা প্ৰায় ১০০ কিলোমিটাৰ (৬২ মাইল) উত্তৰে ছুইডেন আৰু ফিনলেণ্ডৰ সীমান্তৰ ওচৰৰ এখন সৰু চহৰ পাজালাত৷ ছুইডিছ লীগত তেওঁ ট’ৰেবোডা আই কেৰ হৈ ফুটবল খেলিছিল। শীতকালত স্নোবৰ্ডিঙৰ প্ৰতি তেওঁৰ গভীৰ আসক্তি‍ আছিল, ২০০৪ চনৰ জানুৱাৰী মাহত গোটেনবাৰ্গত অনুষ্ঠিত হোৱা স্নোবৰ্ডিং প্ৰতিযোগিতাত বেয়াকৈ পতিত হৈ তেওঁৰ কঁকালৰ পৰা শৰীৰৰ তলৰ অংশ পক্ষাঘাতগ্ৰস্ত হৈ পৰে।^১২ তাৰ পাছত তেওঁ হুইলচেয়াৰ বাস্কেটবল খেলিবলৈ আৰম্ভ কৰে‍, ছুইডিছ লীগত তেওঁ জি আৰ বি কে গোটেনবাৰ্গৰ হৈ খেলিছিল, কিন্তু ছুইডেনৰ কোনো হুইলচেয়াৰ বাস্কেটবল ৰাষ্ট্ৰীয় মহিলা দল নাছিল। ২০১৮ চনৰ ইনছব্ৰুকত জাৰ্মান অধ্যয়ন কৰি দুটা ছেমিষ্টাৰ কটায়। কিন্তু তাতো হুইল চেয়াৰ বাস্কেটবল দল নাছিল আৰু তেওঁ ইউ এছ চি মিউনিখৰ হৈ খেলিবলৈ আৰম্ভ কৰিছিল, প্ৰথমতে তেওঁ তেওঁলোকৰ দ্বিতীয় দলৰ হৈ‍ খেলিছিল৷ তাত তেওঁ জাৰ্মান জাতীয় দলৰ প্ৰশিক্ষক হোলগাৰ গ্লিনিকিৰ চকুত পৰে আৰু তেওঁ জোহোনাক জাৰ্মান জাতীয় দলৰ হৈ খেলিব বিচাৰে নেকি সেয়া জানিব বিচাৰে‍৷ তেওঁ জাৰ্মান নাগৰিকত্ব গ্ৰহণ কৰে, যিটো এজন খেলুৱৈৰ বাবে তুলনামূলকভাৱে বেদনাহীন পদ্ধতি, আৰু জাৰ্মান জাতীয় দলত স্থান লাভ কৰে আৰু ২০১১ চনত ইজৰাইলৰ নাজাৰেটত অনুষ্ঠিত ইউৰোপীয় চেম্পিয়নশ্বিপত ফাইনেলত নেদাৰলেণ্ডক ৪৮-৪২ গ’লত পৰাস্ত কৰি সোণৰ পদক লাভ কৰে।^২৩

২০১২ চনৰ জুন মাহত তেওঁক ২০১২ চনৰ লণ্ডনত অনুষ্ঠিত গ্ৰীষ্মকালীন পেৰালিম্পিক গেমছত অংশগ্ৰহণ কৰা দলটোৰ অংশ হিচাপে নিৰ্বাচিত কৰা হয়,^৩ য'ত তেওঁলোকে অষ্ট্ৰেলিয়া মহিলাৰ ৰাষ্ট্ৰীয় হুইলচেয়াৰ বাস্কেটবল দলৰ সৈতে মুখামুখি হয়,^৪ যিটো দলে মাত্ৰ কেইমাহমানৰ আগতে ছিডনীত তেওঁলোকক ৪৮–৪৬ গ'লত পৰাস্ত কৰিছিল।^৫ নৰ্থ গ্ৰীণউইচ এৰিনাত ১২,০০০ৰো অধিক লোকৰ সন্মুখত অষ্ট্ৰেলিয়ান দলক ৪৪-৫৮ গ'লত পৰাস্ত কৰি সোণৰ পদক লাভ কৰে‍৷^৪ ১৯৮৪ চনৰ পাছত পেৰালিম্পিকত মহিলাৰ হুইলচেয়াৰ বাস্কেটবলত জাৰ্মানীয়ে জয়লাভ কৰা এইটো আছিল প্ৰথমটো পদক।^৬ ২০১২ চনৰ নৱেম্বৰ মাহত ৰাষ্ট্ৰপতি জোৱাচিম গ'কে তেওঁলোকক আন এটা ৰূপালী লৰেল লিফ প্ৰদান কৰে^৭ আৰু ২০১২ চনৰ বাবে পুনৰ বছৰৰ দল হিচাপে দলটো নিৰ্বাচিত হয়।^৬ ২০১৩ চনৰ ফেব্ৰুৱাৰী মাহত ৱেলিনৰ নাম মিউনিখৰ সোণালী গ্ৰন্থত সন্নিৱিষ্ট কৰা হয়।^৮ ২০১৪ চনত কানাডাৰ অন্টাৰিঅ'ৰ টৰন্টোত অনুষ্ঠিত হোৱা মহিলা বিশ্ব হুইলচেয়াৰ বাস্কেটবল চেম্পিয়নশ্বিপত জাৰ্মান দলটোৱে ৰূপৰ পদক লাভ কৰে^৯ আৰু ২০১৫ চনৰ ইউৰোপীয় চেম্পিয়নশ্বিপত নেদাৰলেণ্ডক পৰাস্ত কৰি দশমটো ইউৰোপীয় খিতাপ দখল কৰে।^১০ ২০১৬ চনৰ পেৰালিম্পিক গেমছত আমেৰিকাৰ হাতত ফাইনেলত পৰাস্ত হোৱাৰ পাছত ৰূপৰ পদক লাভ কৰে।^১১

তেওঁ দলীয় পৃষ্ঠপোষক আই এন জি ডিবা আৰু ল'ফ্ৰিকৰ বিজ্ঞাপন অভিযানৰ বাবে মডেলিং কৰি আহিছে আৰু বৰ্তমান মিউনিখত চিকিৎসা বিজ্ঞানত অধ্যয়ন কৰি আছে।^১২

কৃতিত্ব

• ২০১১: ইউৰোপীয় চেম্পিয়নশ্বিপত সোণ (নাজাৰেথ, ইজৰাইল) ^৩
• ২০১২: পেৰালিম্পিক গেমছত সোণ (লণ্ডন, ইংলেণ্ড) ^৪
• ২০১৩: ইউৰোপীয় চেম্পিয়নশ্বিপত ৰূপ (ফ্ৰেংকফৰ্ট, জাৰ্মানী) ^১২
• ২০১৪: বিশ্ব চেম্পিয়নশ্বিপত ৰূপ (ট’ৰণ্টো, কানাডা) ^৯
• ২০১৫: ইউৰোপীয় চেম্পিয়নশ্বিপত সোণ (ৱৰ্চেষ্টাৰ, ইংলেণ্ড)^১০
• ২০১৬: পেৰালিম্পিক গেমছত ৰূপ (ৰিঅ’ ডি জেনেইৰ’, ব্ৰাজিল)^১১১৩

Awards

• ২০১২: বছৰৰ দল ^৬
• ২০১২: ৰূপালী লৰেল লিফ্ ^৭
• ২০১৩: মিউনিখৰ সোণালী গ্ৰন্থত অন্তৰ্ভুক্ত ^৮