জেচি পাল

জেচি পাল (Jessie Paul) এগৰাকী ভাৰতীয় বিপণনকাৰী, বিপণন পৰামৰ্শদাতা প্ৰতিষ্ঠানৰ প্ৰতিষ্ঠাপক আৰু মুখ্য কাৰ্যবাহী বিষয়া, ৰাজহুৱা বক্তা, আৰু লেখক।^১২ তেওঁ তেওঁ উইপ্ৰ' আই টি বিজনেছৰ মুখ্য বিপণন বিষয়া আৰু ইনফোচিছৰ গ্ল'বেল ব্ৰেণ্ড মেনেজাৰ আছিল।।^{২৩৪৫৬}

পাল এছকিউএছ ইণ্ডিয়া বিএফএছআই লিমিটেড, এক্সপ্লিঅ' ছলিউচন, বাজাজ কনজিউমাৰ কেয়াৰ, ৰয়েল অৰ্কিড হোটেল, ক্ৰেডিটএক্সেছ গ্ৰামীনৰ এজন অকাৰ্যবাহী সঞ্চালক।^{৭৮৯১০১১১২}

শিক্ষা আৰু ব্যক্তিগত জীৱন

তেওঁ দিল্লীৰ কনভেণ্টত শিক্ষা আৰম্ভ কৰিছিল, অষ্ট্ৰেলিয়াৰ ছিডনীত ২য়ৰ পৰা ৫ম শ্ৰেণীলৈকে কৰিছিল আৰু তামিলনাডুৰ জন্ম গাঁও নাচৰতত থকা অল গাৰ্লছ স্কুলৰ পৰা স্কুলীয়া শিক্ষা সম্পূৰ্ণ কৰিছিল।^১৩১৪

পালে কম্পিউটাৰ বিজ্ঞানত স্নাতক ডিগ্ৰী আৰু তিৰুচিৰাপল্লীৰ নেচনেল ইনষ্টিটিউট অৱ টেকন'লজিৰ পৰা অভিযান্ত্ৰিক ডিগ্ৰী আৰু ইণ্ডিয়ান ইনষ্টিটিউট অৱ মেনেজমেণ্ট কলিকতাৰ পৰা বিপণনত এম বি এ ডিগ্ৰী লাভ কৰিছে।^{১৫১৬১৪}

পাল বিবাহিত, এগৰাকী কন্যা সন্তান আছে আৰু ভাৰতৰ বেংগালুৰুত বাস কৰে।

কেৰিয়াৰ

এন আই টিৰ পৰা স্নাতক হোৱাৰ পিছত তেওঁ টেকন’লজি ডিজাইন ফাৰ্ম টাটা এলক্সচিত প্ৰশিক্ষক আৰু বিক্ৰী সহায়ক দলৰ অংশ হিচাপে যোগদান কৰে।^১৪

পালে প্ৰায় ১৫ বছৰ ধৰি অ’ এণ্ড এম, ইনফ’ছিছ আৰু আইগেটকে ধৰি কোম্পানীত কাম কৰিছিল।^১৭ ১৯৯৮ চনত পালে ইনফ’ছিছত গ্ল’বেল ব্ৰেণ্ড মেনেজাৰ হিচাপে কাম কৰিছিল। তেওঁৰ ভূমিকাৰ ভিতৰত আছিল কোম্পানীটোৰ বিপণন দল আৰু ৱাৰ্টন ইনফ'ছিছ বিজনেছ ট্ৰান্সফৰ্মেচন এৱাৰ্ডৰ দৰে ফিল্ড মাৰ্কেটিং কাৰ্যসূচীৰ নেতৃত্ব দিয়া, য'ত তেওঁ এংকৰ কৰিছিল। তেওঁৰ সময়ত ইনফ'চিছে আমেৰিকা যুক্তৰাষ্ট্ৰত অৱস্থিত আইটি চাৰ্ভিচেছ মাৰ্কেটিং এছ'চিয়েশ্যনৰ হীৰা বঁটাও লাভ কৰিছিল। ১৯৯৯ চনত ইনফ'ছিছৰ আমেৰিকান ডিপ'জিটৰী শ্বেয়াৰছৰ নাছডাক তালিকাত জড়িত থকা দলৰো তেওঁ অংশ আছিল।^১৪

পালে ইনফ’ছিছ এৰি ২০০৩ চনত এটা ষ্টাৰ্ট-আপ বেক-অফিচ ফাৰ্ম কুইণ্টেণ্ট কৰ্প’ৰেশ্যনৰ গ্ল’বেল মাৰ্কেটিং হেড হিচাপে যোগদান কৰে। কুইণ্টাণ্টক অতি সোনকালেই আইগেট কৰ্পৰ দ্বাৰা অধিগ্ৰহণ কৰা হৈছিল য'ত তেওঁ দুবছৰ ধৰি কাম কৰিছিল।^১৪

২০০৫ চনত পাল মুখ্য বিপণন বিষয়া হয় আৰু উইপ্ৰ’ত ৫০ জনীয়া এটা দলৰ নেতৃত্ব দিয়ে।^১৮

২০০৯ চনত পালে উইপ্ৰ’ টেকন’লজিছ এৰি নিজাকৈ এটা উদ্যোগ পল ৰাইটাৰ ষ্ট্ৰেটেজিক এডভাইজাৰী আৰম্ভ কৰে।^{১৯২০২১} পালক ভাৰতৰ তথ্য প্ৰযুক্তিৰ ক্ষেত্ৰত অন্যতম প্ৰভাৱশালী মহিলা হিচাপে ধৰা হয়।^২২২৩