জুলি ছুইট

জুলি টেৰেছ ছুইট ( Julie Terese Sweet; জন্ম: স্পেলমেন, জন্ম ১৯৬৭)^১২ এগৰাকী আমেৰিকান ব্যৱসায়িক কাৰ্যবাহী আৰু অধিবক্তা। তেওঁ বহুজাতিক পেছাদাৰী সেৱা কোম্পানী এচেঞ্চাৰৰ অধ্যক্ষ আৰু মুখ্য কাৰ্যবাহী বিষয়া (চিইঅ')।^৩

প্ৰাথমিক জীৱন আৰু শিক্ষা

ছুইট কেলিফৰ্ণিয়াৰ টাষ্টিনত ডাঙৰ-দীঘল হৈছিল ^৪ আৰু টাষ্টিন হাইস্কুলত ভাষণ আৰু বিতৰ্ক প্ৰতিযোগিতাত অংশগ্ৰহণ কৰিছিল। ^৫ তেওঁ ক্লেয়াৰমন্ট মেকেনা কলেজৰ পৰা স্নাতক ডিগ্ৰী আৰু কলম্বিয়া ল স্কুলৰ পৰা জে.ডি. ডিগ্ৰী লাভ কৰে। ^৬

কৰ্মজীৱন

ছুইটে এচেঞ্চাৰত কাম কৰাৰ আগতে তেওঁ ক্ৰেভাথ, শ্বেইন এণ্ড মূৰ নামৰ আইন সংস্থাৰ এটৰ্নী আছিল।^৭৮৯ ১৭ বছৰ ধৰি এই প্ৰতিষ্ঠানত কাম কৰিছিল আৰু ১০ বছৰ অংশীদাৰ আছিল।^১০১১ ছুইট আছিল এই প্ৰতিষ্ঠানটোৰ অংশীদাৰ হোৱা নৱমগৰাকী মহিলা।^৭ তেওঁ বিত্তীয় সাহায্য, একত্ৰীকৰণ আৰু অধিগ্ৰহণ, আৰু সাধাৰণ কৰ্পৰেট অধিবক্তাৰ কাম কৰিছিল।^১২

এচেঞ্চাৰ

এচেঞ্চাৰে ২০১০ চনত ছুইটক সাধাৰণ অধিবক্তা হিচাপে নিযুক্তি দিয়ে।^৭ ২০১৫ চনত তেওঁ কোম্পানীটোৰ সৰ্ববৃহৎ বজাৰ এচেঞ্চুৰৰ উত্তৰ আমেৰিকা ব্যৱসায়ৰ চিইঅ' হয়।^৭ এচেঞ্চাৰত কেৰিয়াৰৰ আৰম্ভণিৰে পৰাই কোম্পানীটোৰ গ্ল’বেল মেনেজমেণ্ট কমিটীত কাৰ্যনিৰ্বাহ কৰিছিল। তেতিয়াৰ মুখ্য কাৰ্যবাহী বিষয়া পিয়েৰ নাণ্টাৰমেৰ সৈতে ছুইটে এচেঞ্চাৰৰ একত্ৰীকৰণ আৰু অধিগ্ৰহণৰ কৌশল প্ৰস্তুত কৰে।^১৩

ব'ৰ্ড সেৱা

এচেঞ্চাৰৰ পৰিচালনা সমিতিৰ উপৰিও ছুইট দ্য বিজনেছ কাউন্সিল, বিজনেছ ৰাউণ্ডটেবল আৰু কেটালিষ্টৰ সদস্য আছিল।^{১৪১৫১৬১৭} তেখেতে চেণ্টাৰ ফৰ ষ্ট্ৰেটেজিক এণ্ড ইণ্টাৰনেশ্যনেল ষ্টাডিজ,^১৮ ৱৰ্ল্ড ইকনমিক ফ'ৰাম,^১৯ আৰু মেৰিয়েট ইণ্টাৰনেশ্যনেলৰ প্ৰতিষ্ঠাপকসকলে স্থাপন কৰা ব্ৰীজছ ফ্ৰম স্কুল টু ৱৰ্কৰ ট্ৰাষ্টী ব'ৰ্ডতো কাৰ্যনিৰ্বাহ কৰি আহিছে।^২০২১

ব্যক্তিগত জীৱন

জুলি ছুইটৰ চাড ক্ৰেইটন ছুইটৰ সৈতে বিবাহ হৈছিল,^১ আৰু তেওঁলোকৰ দুগৰাকী কন্যা সন্তান আছে।^২ তেওঁলোকৰ ঘৰ মেৰিলেণ্ডৰ বেথেছডাত।^২২২৩

স্বীকৃতি

নিউয়ৰ্ক টাইমছে ২০১৯ চনত ছুইটক "কৰ্পৰেট আমেৰিকাৰ অন্যতম শক্তিশালী মহিলা" বুলি অভিহিত কৰিছিল।^৪ ফৰ্চুন আলোচনীয়ে ২০১৬ চনৰ পৰা জুলি ছুইটক তেওঁলোকৰ "সৰ্বাধিক শক্তিশালী মহিলা" তালিকাত অন্তৰ্ভুক্ত কৰিছিল,^২৪ আৰু ২০২০ চনৰ বাবে তালিকাত তেওঁক ১ নম্বৰ স্থান দিয়া হৈছিল। ^২৫ ফৰ্চুনে লক্ষ্য কৰিছে যে তেওঁ “৫১খন দেশৰ এচেঞ্চুৰৰ ডেৰ লাখতকৈ অধিক কৰ্মচাৰীক মহামাৰীৰ মাজেৰে পৰিচালিত কৰিছিল।” তাৰ পিছত ছুইটক ফৰ্চুনে ২০২১ চনৰ বাবে তালিকাৰ ৩ নং,^২৬ আৰু ২০২২ চনৰ বাবে তালিকাৰ ২ নং স্থানত স্থান লাভ কৰে।^২৭

২০২৫ চনত ফৰ্বছে (ষষ্ঠ স্থানত) "বিশ্বৰ ১০০ গৰাকী শক্তিশালী মহিলা"ৰ তালিকাত চুইটক অন্তৰ্ভুক্ত কৰা হৈছিল। ইয়াৰ পূৰ্বে ২০২৪ চনত সপ্তম, ২০২৩ চনত ১১ নম্বৰ, ২০২২ চনত নৱম আৰু ২০২১ চনত দশম স্থানত আছিল।^২৮

২০২৪ চনত এণ্টি-ডিফেমেচন লীগে ছুইটক ২০২৪ চনৰ কৌৰেজ এগেইনষ্ট হেট বঁটা প্ৰদান কৰে।^২৯