জুলিয়া বেনছন

জুলিয়া বেনছন (ইংৰাজী ভাষা: Julia Benson; জন্মতে এণ্ডাৰছন; জন্ম: ২৬ জুন, ১৯৭৯) এগৰাকী কানাডিয়ান অভিনেত্ৰী। তেওঁ বিজ্ঞান কল্পকাহিনী ধাৰাবাহিক ষ্টাৰগেট ইউনিভাৰ্ছত ভেনেছা জেমছৰ চৰিত্ৰত অভিনয় কৰিছিল।

প্ৰাৰম্ভিক জীৱন

জুলিয়া এণ্ডাৰছনৰ জন্ম হৈছিল কানাডাৰ মনিটোবাৰ উইনিপেগত। তেওঁ ছয় বছৰ বয়সৰপৰাই বেলে (ballet), টেপ ডান্স আৰু জাজ ডান্সৰ প্ৰশিক্ষণ লৈছিল।^১ ২০০১ চনত তেওঁ ব্ৰিটিছ কলম্বিয়া বিশ্ববিদ্যালয়ৰ (ভেনকুভাৰ) পৰা থিয়েটাৰ আৰু মনোবিজ্ঞানত ডিগ্ৰী লাভ কৰে। তেওঁ নিউয়ৰ্ক চহৰৰ ডেভিদ মেমেটৰ আটলাণ্টিক থিয়েটাৰ কোম্পানীত এগৰাকী অভিনেত্ৰী হিচাপে প্ৰশিক্ষণ লৈছিল।

কেৰিয়াৰ

২০০৭ চনৰ চলচ্চিত্ৰ ৰোড টু ভিক্টৰীত বেনছনে আন্নাৰ চৰিত্ৰত অভিনয় কৰিছিল। এই ছবিখন এগৰাকী ষ্ট্ৰিপাৰৰ বিষয়ে আছিল যিয়ে এজন ফুটবল খেলুৱৈৰ প্ৰেমত পৰে। এই চৰিত্ৰটোৰ বাবে তেওঁ ভেনকুভাৰৰ এটা ষ্ট্ৰিপ ক্লাবৰ এগৰাকী নৃত্যশিল্পীৰ ওচৰত প্ৰশিক্ষণ লৈছিল।^১

ষ্টাৰগেট ইউনিভাৰ্ছৰ অভিনয় শিল্পীৰ দলটোৰ অংশ হোৱাৰ আগতে তেওঁ হাণ্টাৰ ৰাইলী (যিটো চৰিত্ৰ পিছলৈ হেইগ ছাদাৰলেণ্ডে কৰিছিল) আৰু এণ্ড্ৰিয়া পালমাৰ (ক্ৰিষ্টিনা শ্বিল্ড) চৰিত্ৰৰ বাবেও অডিচন দিছিল। অৱশেষত তেওঁ চেকেণ্ড লেফটেনেণ্ট ভেনেছা জেমছৰ সহযোগী চৰিত্ৰটো লাভ কৰে। চৰিত্ৰটোৰ বাবে নিজকে শাৰীৰিকভাৱে সক্ষম কৰি তুলিবলৈ অভিনেত্ৰীগৰাকীয়ে কিকবক্সিং কৰিবলৈ আৰম্ভ কৰিছিল।^২ ২০০৯ চনৰপৰা ২০১১ চনলৈ বেনছনে বিজ্ঞান কল্পকাহিনী ধাৰাবাহিক ষ্টাৰগেট ইউনিভাৰ্ছৰ দুয়োটা ছিজনতে লেফটেনেণ্ট ভেনেছা জেমছৰ চৰিত্ৰত অভিনয় কৰিছিল। ধাৰাবাহিকখনৰ প্ৰথম ছিজনৰ "পেইন" নামৰ খণ্ডটোত কৰা অভিনয়ৰ বাবে তেওঁ ২০১০ চনত "ড্ৰামাটিক ছিৰিজত শ্ৰেষ্ঠ সহযোগী অভিনেত্ৰী"ৰ লিঅ’ বঁটা লাভ কৰে।^৩

চলচ্চিত্ৰপঞ্জী

চলচ্চিত্ৰ

টেলিভিছন