জুবান বুকচ্

জুবান বুকচ্ ২০০৩ চনত স্থাপন কৰা ভাৰতৰ দ্বিতীয়টো নাৰীবাদী প্ৰকাশন সংস্থা।^১২৩ ই নতুন দিল্লীত অৱস্থিত আৰু দক্ষিণ এছিয়াৰ মহিলাসকলৰ বাবে, মহিলাসকলৰদ্বাৰা আৰু তেওঁলোকৰ বিষয়ে কল্পকাহিনী, অকল্পকাহিনী, শৈক্ষিক আৰু শিশুৰ কিতাপ প্ৰকাশ কৰে।^৪উৰ্বশী বুটালিয়াই ইয়াক প্ৰতিষ্ঠা কৰিছিল আৰু ই মহিলাৰ বাবে কালি(কালি=চিঞাহী)ৰ ছাপ।^৫

ইতিহাস

১৯৮৪ চনত উৰ্বশী বুটালিয়া আৰু ঋতু মেননে ভাৰতৰ প্ৰথম নাৰীবাদী প্ৰকাশন প্ৰতিষ্ঠান কালি ফৰ উইমেন প্ৰতিষ্ঠা কৰে। ইয়াৰ উদ্দেশ্য আছিল আন্তঃৰাষ্ট্ৰীয় মানদণ্ড পূৰণ কৰা মানসম্পন্ন কাম প্ৰকাশ কৰা। কেইবাবছৰো কাম কৰাৰ পিছত ই ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত এক গুৰুত্বপূৰ্ণ প্ৰকাশন প্ৰতিষ্ঠানত পৰিণত হৈছে।^৩ কালি ফৰ উইমেনৰ উত্তৰাধিকাৰী হিচাপে উৰ্বশী বুটালিয়াই ২০০৪ চনত জুবান প্ৰতিষ্ঠা কৰে। ২০১১ চনত ভাৰত চৰকাৰে জাতিলৈ আগবঢ়োৱা অৱদানৰ বাবে উৰ্বশী বুটালিয়া আৰু ৰিতু মেননক যৌথভাৱে পদ্মশ্ৰী প্ৰদান কৰে।^৬

২০২০ চনত ক'ভিড-১৯ মহামাৰীৰ পৰিপ্ৰেক্ষিতত জুবানে তেওঁলোকৰ সমগ্ৰ সংগ্ৰহৰ পিডিএফ তৈয়াৰ কৰাৰ কাম কৰিছিল, ২০২০ চনৰ আগষ্ট মাহত তেওঁলোকৰ ই-বুকষ্ট'ৰ মুকলি কৰিছিল।^৭ তেওঁলোকে ক'ভিড-১৯ৰ প্ৰভাৱৰ ওপৰত অধিৱেশনকে ধৰি জুমৰ ওপৰত সভা আৰু আলোচনাৰ আয়োজন কৰিছিল।^৭ তেওঁলোকৰ ভাৰ্চুৱেল ফটো প্ৰদৰ্শনী, লেখাৰ কৰ্মশালা আদিও আছিল।^৭

জুবানৰ অৰ্থ

'জুবান' শব্দটো হিন্দুস্তানীৰপৰা আহিছে আৰু ইয়াৰ আক্ষৰিক অৰ্থ হ’ল, জিভা, কিন্তু ইয়াৰ আন বহুতো অৰ্থ আছে, যেনে কণ্ঠ, ভাষা, বাক্য আৰু উপভাষা।^৮

ধাৰা আৰু ছাপ

জুবানৰ হাতত লিংগৰ বিষয়সমূহ পৰীক্ষা কৰা একাডেমিক কিতাপৰ যথেষ্ট তালিকা আছে। ইয়াত মহিলাৰ আত্মজীৱনীৰ তালিকা ক্ৰমাৎ বৃদ্ধি পাইছে, ইয়াৰে আটাইতকৈ পৰিচিত হৈছে বেবী হালদাৰৰ এ লাইফ লেছ অৰ্ডিনেৰী। বহল ভিত্তিক জনপ্ৰিয় গ্ৰন্থ প্ৰকাশৰ পদক্ষেপৰ অংশ হিচাপে জুবানে নিয়মিতভাৱে মহিলা লেখিকাৰ কল্পকাহিনী প্ৰকাশ কৰে। সাহিত্যিক কল্পকাহিনীৰপৰা আৰম্ভ কৰি কল্পবিজ্ঞানলৈকে জল্পনা-কল্পনাৰ কল্পকাহিনীলৈকে ধাৰাসমূহ। ইয়ং জুবানৰ ছাপৰ অধীনত ৬ৰপৰা ১৮ বছৰ বয়সৰ বাবে ৰিডেল অৱ দ্য চেভেনথ ষ্টোনৰ দৰে কিতাপকে ধৰি কল্পকাহিনীৰ তালিকাও বৃদ্ধি পাইছে।^২

জুবানে সাধাৰণ গ্ৰন্থও প্ৰকাশ কৰে:কল্পকাহিনীৰ লগতে অকল্পকাহিনী যিয়ে সংঘাত অধ্যয়ন, স্বাস্থ্য, মানৱ অধিকাৰ, লিংগ ন্যায়, ইতিহাস, সাংস্কৃতিক অধ্যয়ন, আৰু নাৰীবাদী আৰু বিচিত্ৰ তত্ত্বৰ দৰে বিষয়-বস্তুৰ ওপৰত গুৰুত্ব আৰোপ কৰে।^৪

প্ৰকাশন প্ৰতিষ্ঠানটোৱে ভাৰতৰ উত্তৰ-পূব অঞ্চলৰ মহিলা লেখিকাসকলৰ লেখাসমূহ প্ৰচাৰৰ বাবেও প্ৰচেষ্টা চলাইছে, যেনে, সংকলন, চেণ্টাৰপিছ:উত্তৰ-পূৱ ভাৰতৰপৰা নতুন লেখা আৰু কলা, য'ত উত্তৰ-পূব অঞ্চলৰ ভিতৰত ২১ গৰাকী শিল্পী আৰু সাহিত্যিকক সন্নিৱিষ্ট কৰা হৈছে।