জুডি বাৰী

জুডিথ বিয়েট্ৰিছ বাৰী (Judith Beatrice Bari; ৭ নৱেম্বৰ, ১৯৪৯ – ২ মাৰ্চ, ১৯৯৭)এগৰাকী আমেৰিকান পৰিৱেশবিদ, নাৰীবাদী আৰু শ্ৰমিক নেত্ৰী আছিল যি মূলতঃ উত্তৰ কেলিফৰ্ণিয়াত সক্ৰিয় আছিল।^১ ১৯৮০ আৰু নব্বৈৰ দশকত 'আৰ্থ ফাৰ্ষ্ট!' মেণ্ডোচিনো কাউণ্টি আৰু আনুসংগিক অঞ্চলৰ প্ৰাচীন ৰেডউড অৰণ্যত কাঠ কটাৰ বিৰুদ্ধে অভিযান চলাইছিল৷

১৯৯০ চনৰ ২৪ মে'ত কেলিফৰ্ণিয়াৰ অকলেণ্ডত^২ বাৰীয়ে তেওঁৰ গাড়ীৰ আসনৰ তলত পাইপ বোমা বিস্ফোৰণ ঘটাত গুৰুতৰভাৱে আঘাতপ্ৰাপ্ত হয়। সামান্য আঘাতপ্ৰাপ্ত সহকৰ্মী ডেৰিল চেৰ্ণীৰ সৈতে তেওঁ গাড়ী চলাই আছিল। সন্ত্ৰাসবাদী উদ্দেশ্যত বোমা কঢ়িয়াই নিয়াৰ অভিযোগ উত্থাপন কৰি এফ বি আইৰ সহায়ত অকলেণ্ড আৰক্ষীয়ে তেওঁলোকক গ্ৰেপ্তাৰ কৰে। সেই অভিযোগসমূহ বাতিল হোৱাৰ বিপৰীতে ১৯৯১ চনত এই যুটিয়ে বোমা বিস্ফোৰণৰ তদন্তৰ সময়ত নাগৰিক অধিকাৰ উলংঘা কৰাৰ বাবে অকলেণ্ড আৰক্ষী বিভাগ আৰু এফ বি আইৰ বিৰুদ্ধে গোচৰ দাখিল কৰে। ২০০২ চনত গোচৰটো বিচাৰলৈ যোৱাৰ সময়ত বিচাৰকে তেওঁলোকৰ পক্ষত সন্ধান পাইছিল। ১৯৯৭ চনত কৰ্কট ৰোগত আক্ৰান্ত হৈ বাৰীৰ মৃত্যু হৈছিল।

১৯৯৯ চনত ব্যুৰো অৱ লেণ্ড মেনেজমেণ্টৰ প্ৰশাসনৰ অধীনত হেডৱাটাৰ্ছ ফৰেষ্ট ৰিজাৰ্ভ (H.R. 2107, Title V. Sec.501.^৩) স্থাপনৰ বাবে এখন বিধেয়ক গৃহীত কৰা হয়। এইটোৱে মিশ্ৰিত পুৰণি-বৃদ্ধ আৰু পূৰ্বতে চপোৱা অৰণ্যৰ সুৰক্ষা লাভ কৰে। এইটো বাৰীয়ে বহুদিনৰ পৰা সমৰ্থন কৰি অহা এটা প্ৰকল্প আছিল।