এনি মৌড নৰ্টন বেটেল

এনি মৌড নৰ্টন বেটেল (Annie Maude Norton Battelle) (২৬ জানুৱাৰী, ১৮৬৫ - ২৩ মাৰ্চ, ১৯২৫) এগৰাকী ভোটাধিকাৰী আৰু লোকহিতৈষী আছিল।

১৯১৮ চনত স্বামীৰ মৃত্যুৰ পিছত ৰিপাব্লিকান দলৰ বেটেলে ৰাজনৈতিকভাৱে অতি সক্ৰিয় হৈ পৰে।^১ ১৯২০ চনত ৰিপাব্লিকান নেচনেল কনভেনচনত ৰাষ্ট্ৰপতি পদৰ মনোনয়ন লোৱাৰ পূৰ্বে মহিলাৰ ভোটাধিকাৰৰ সমৰ্থনৰ বাবে লবীং কৰিবলৈ তেওঁ প্ৰতিবাদত অংশগ্ৰহণ কৰিছিল।^২

তেওঁ অহাইঅ'ৰ মহিলা ৰিপাব্লিকান ক্লাবৰ সভানেত্ৰী হোৱাৰ লগতে ১৯২৪ চনৰ ৰিপাব্লিকান ৰাষ্ট্ৰীয় অধিৱেশনৰ সাধাৰণ প্ৰতিনিধি আছিল।^১২ ১৯২৩ চনত স্থাপিত দ্য জুনিয়ৰ লীগ অৱ কলম্বাছৰ তেওঁ সন্মানীয় প্ৰতিষ্ঠাপক সদস্য আছিল। ১৯২৩ চনৰ বাবে বেটেলে ৰাষ্ট্ৰপতি হাৰ্ডিঙে নিযুক্তি দিয়া বাৰ্ষিক পৰীক্ষা আয়োগত কাৰ্যনিৰ্বাহ কৰিছিল।^১ তেওঁ বেটেল মেম'ৰিয়েল ইনষ্টিটিউট স্থাপন কৰাত সহায় কৰিছিল৷ তেওঁৰ মৃত্যুৰ সময়ত তেওঁৰ সম্পত্তিৰ প্ৰায় ২০ লাখ ডলাৰ (২০২০ চনত ২৯.৫১ মিলিয়ন ডলাৰৰ সমতুল্য) সংস্থাটোৰ হাতত এৰি থৈ গৈছিল।^৩২ তেওঁ কলম্বাছ মেট্ৰ'পলিটান লাইব্ৰেৰীৰ প্ৰথম মহিলা ন্যাসৰক্ষী আছিল।^৪৫

আলাবামাৰ বাৰ্মিংহামত চেমুৱেল এডউইন নৰ্টন আৰু জুলিয়া জাষ্টিনা এলষ্টন নৰ্টনৰ ঘৰত বেটেলৰ জন্ম হৈছিল।^১ ১৮৮১ চনত টেনেচিৰ মেম্ফিছৰ তীখাৰ ব্যৱসায়ী কৰ্ণেল জন গৰ্ডন বেটেলৰ সৈতে তেওঁৰ বিবাহ হয়।১৯০৫ চনত অহাইঅ'ৰ কলম্বাছত বসতি স্থাপন কৰাৰ আগতে তেওঁলোকে চিনচিনাটি আৰু পিকুৱালৈ গুচি যায়।^৬ ১৯২৩ চনত তেওঁলোকৰ এজন পুত্ৰ গৰ্ডন বেটেলৰ মৃত্যু হয়। ১৯২৫ চনৰ ২৩ মাৰ্চত ৱাশ্বিংটন ডি চিত হৃদৰোগত আক্ৰান্ত হৈ বেটেলৰ মৃত্যু হয়।^১