জাহান আৰা (চলচ্চিত্ৰ)

জাহান আৰা ১৯৬৪ চনৰ বিনোদ কুমাৰ পৰিচালিত ইতিহাস আধাৰিত এখন হিন্দী ভাষাৰ ছবি। এইখন কুমাৰৰ প্ৰথম পৰিচালিত ছবি।[2] ইয়াত পৃথ্বীৰাজ কাপুৰ, ভাৰত ভূষণ, মালা সিনহা,আৰু শশীকলাই মুখ্য চৰিত্ৰত অভিনয় কৰিছে। জাহান আৰা মালা সিনহাই নাম ভূমিকাত অভিনয় কৰা জাহানাৰা বেগমৰ জীৱনৰ আধাৰত নিৰ্মিত এখন ঐতিহাসিক ৰোমাঞ্চ। এই চৰিত্ৰটোক প্ৰথমবাৰৰ বাবে পৰ্দাত চিত্ৰিত কৰা হৈছিল।^১

বক্স অফিচক ছবিখনে ভাল প্ৰদৰ্শন কৰা নাছিল।^২৩

কাহিনী

মিৰ্জা ইউছুফ চাংগেজী আৰু জাহান আৰা সৰুৰে পৰা ভাল বন্ধু। ডাঙৰ হোৱাৰ লগে লগে কথাবোৰ একেবাৰে একে নহয়, কিয়নো জাহান আৰাৰ পিতৃ আন কোনো নহয় সম্ৰাট ছাহজাহান, আৰু কোনো কাৰণতে পুৰুষে ৰাজকুমাৰীক লগ পোৱাৰ অনুমতি নাই। অৱশ্যে জাহান আৰু মিৰ্জাই গোপনে লগ হয় আৰু ইজনে সিজনক বিয়া কৰোঁৱাৰ প্ৰতিশ্ৰুতি দিয়ে। কিন্তু দুৰ্ভাগ্যই এৰা নিদিয়ে। ছাহজাহানৰ পত্নী মুমতাজ মহলৰ মৃত্যু হয়। সম্ৰাট বিধ্বস্ত হৈ পৰিল। মৃত্যুশয্যাত মুমতাজে জাহানৰ পৰা প্ৰতিশ্ৰুতি আদায় কৰে যে তাই দেউতাকৰ যত্ন ল’ব। এই দায়িত্বই তাইক মিৰ্জাৰ প্ৰতি থকা প্ৰেমক ত্যাগ কৰিবলৈ বাধ্য কৰে। মিৰ্জাই বিশ্বাস কৰি থাকে যে জাহানে সোনকালে বা পিছত হ’লেও তেওঁৰ সৈতে পুনৰ মিলিত হ’ব।

বঁটা

• শ্ৰেষ্ঠ কলা নিৰ্দেশনাৰ ফিল্মফেয়াৰ বঁটা (ৰঙীন চলচ্চিত্ৰ) – সন্ত সিং^৪