ছিংগাপুৰ জেনেৰেল হস্পিটেল

ছিংগাপুৰ জেনেৰেল হস্পিটেল বা ছিংগাপুৰ সৰ্বজনীন চিকিৎসালয় (SGH) হৈছে এখন শৈক্ষিক প্ৰতিষ্ঠান। ই বুকিত মেৰাহ আৰু ছাইনা টাউন অঞ্চলৰ ওচৰৰ, কেন্দ্ৰীয় এলেকাত অৱস্থিত। ইয়াৰ অৱস্থান আউত্ৰাম সামূহিক চিকিৎসালয় (OCH)-ৰ কাষত। ই নতুনকৈ ৰোগ মুক্ত হোৱা ৰোগীৰ বাবে এটা সামূহিক চিকিৎসালয় আৰু পুনৰ্বাসন চিকিৎসালয় হিচাপে কাম কৰে।^১ ইয়াত বহিঃ বিভাগৰ ৰোগীৰ বাবে আউত্ৰম পলিক্লিনিক আছে। এই সকলোবোৰ প্ৰতিষ্ঠান SingHealthদ্বাৰা পৰিচালিত, যি ছিংগাপুৰৰ স্বাস্থ্য মন্ত্ৰণালয়ৰ অধীনত আছে।

ই ছিংগাপুৰৰ আটাইতকৈ ডাঙৰ আৰু পুৰণি চিকিৎসালয় আৰু দেশখনৰ ৰাষ্ট্ৰীয় চিকিৎসালয় হিচাপে কাৰ্য কৰে। ১৮২১ চনত ইয়াক স্থাপন কৰা হৈছিল।^২ পৰৱৰ্তীকালত কেইবাবাৰো চিকিৎসালয়খনৰ প্ৰসাৰণ আৰু সংস্কাৰ কৰা হৈছিল।