ছাৰা জেমি লুইছ

ছাৰা জেমি লুইছ (Sarah Jamie Lewis) এগৰাকী পৰিচয়হীনতা (anonymity) আৰু গোপনীয়তা সংক্ৰান্তীয় গৱেষক। তেওঁৰ গৱেষণা বিশেষকৈ ‘ডিএনোনিমাইজেচন’^১ আৰু ই-ভোটদানৰ ক্ষেত্ৰত প্ৰকাশিত হৈছে।^২ তেওঁ গোপনীয়তা গৱেষণা আৰু ওকালতিৰ বাবে বিশেষভাৱে পৰিচিত কানাডিয়ান অলাভজনক সংস্থা ‘অ’পেন প্ৰাইভেচি ৰিচাৰ্চ চচাইটি’ৰ কাৰ্যবাহী সঞ্চালিকা।^৩ ২০১৯ চনত মেলবৰ্ণ বিশ্ববিদ্যালয় আৰু ইউচিএলুভেইনৰ গৱেষকসকলৰ সৈতে সহযোগিতা কৰি লুইছে ছুইজাৰলেণ্ড^৪ আৰু অষ্ট্ৰেলিয়াৰ ইলেক্ট্ৰনিক ভোটদান ব্যৱস্থাত থকা গুৰুতৰ ত্ৰুটিসমূহৰ বিশদ বিৱৰণ প্ৰকাশ কৰিছিল।^৫৬

লুইছে যৌন পুতলা (sex toys)সমূহৰ গোপনীয়তা সম্পৰ্কীয় নীতি (বা নীতিৰ অভাৱ) সন্দৰ্ভতো গৱেষণা কৰিছে।^৭৮ এই পুতলাসমূহৰ সুৰক্ষা সন্দৰ্ভত তেওঁৰ কথা শৈক্ষিক গৱেষণাত উল্লেখ কৰা হৈছে।^৯ তেওঁ বিশ্বাস কৰে যে ‘টেলিডিলডনিক্স’ বা ‘অনিয়ন ডিলডনিক্স’ৰ ক্ষেত্ৰত আইনী কাঠামোৰ অভাৱ আছে। তেওঁৰ মতে সন্মতি, গোপনীয়তা বা সুৰক্ষাৰ কথা বিবেচনা নকৰাকৈয়ে আমি বৰ্তমান ইণ্টাৰনেট সংযোজিত যৌন প্ৰযুক্তিৰ পৃথিৱীখনত প্ৰৱেশ কৰিছোঁ আৰু ইয়াৰ পৰিত্ৰাণৰ বাবে তেওঁ ‘টৰ হিডেন চাৰ্ভিচেচ’ৰ জৰিয়তে সম্পূৰ্ণৰূপে এনক্ৰিপ্ট কৰা পি আৰ-টু-পি আৰ চাইবাৰ যৌন সম্পৰ্কৰ পৰামৰ্শ দিয়ে।^১০ কম্পিউটাৰ সুৰক্ষা গৱেষকসকলে যি ধৰণৰ আইনী প্ৰত্যাহ্বানৰ মাজত কাম কৰিবলগীয়া হয়, সেই পৰিৱেশৰ প্ৰতি লক্ষ্য ৰাখি লুইছে ভঙা চিষ্টেমসমূহ মেৰামতি কৰাতকৈ বিশেষভাৱে ডিজাইন কৰা সুৰক্ষিত চিষ্টেম তৈয়াৰ কৰাৰ ওপৰত গুৰুত্ব দিয়ে।^১১

২০১৭ চনত লুইছে প্ৰান্তীয় সম্প্ৰদায়ৰ ওপৰত প্ৰযুক্তিৰ প্ৰভাৱক কেন্দ্ৰ কৰি ‘কুইয়াৰ প্ৰাইভেচি’ শীৰ্ষক এখন প্ৰবন্ধ সংকলন সম্পাদনা তথা স্ব-প্ৰকাশ কৰে।^১২১৩ ইয়াত কুইয়াৰ আৰু ট্ৰেন্সজেণ্ডাৰ সম্প্ৰদায়ৰ লোকসকলে লিখা প্ৰবন্ধ সংকলিত কৰা হৈছে য’ত সংবাদ মাধ্যমৰ চিত্ৰণৰ দৰে বিষয়সমূহ আলোচনা কৰা হৈছে। লুইছে নিজকে এগৰাকী "ভেগান লেচবিয়ান, কুইয়াৰ এনাৰ্কিষ্ট" বুলি বৰ্ণনা কৰে।^১৪ তেওঁ ব্ৰিটিছ কলম্বিয়াৰ ভ্যানকুভাৰত বাস কৰে।^১৪

গ্ৰন্থপঞ্জী

• Queer Privacy: Essay from the Margins of Society (২০১৭; স্ব-প্ৰকাশিত)

বাহ্যিক সংযোগ

• The law isn’t ready for the internet of sexual assault: What happens when our most intimate devices get hacked?
• Tricky tech questions: Is hacking a sex toy sexual assault?