ছাদিয়া আয়মান

ছাদিয়া আয়মান (জন্ম: ১৭ মাৰ্চ, ১৯৯৯) এগৰাকী বাংলাদেশী চলচ্চিত্ৰ আৰু টেলিভিছন অভিনেত্ৰী। তেওঁ মূলতঃ বাংলাদেশী টেলিভিছন নাটক আৰু বাংলাদেশী চলচ্চিত্ৰত কাম কৰে। ইমৰাউল ৰাফাতৰ পৰিচালনাত ২০১৯ চনত টু বি ৱাইফ নাটকৰ জৰিয়তে তেওঁৰ টেলিভিছনত অভিষেক ঘটে। ২০২২ চনত শিহাব শাহীনে পৰিচালিত মায়াশালিক ৱেব চলচ্চিত্ৰৰ বাবে তেওঁ সৰ্বশ্ৰেষ্ঠ অভিনেত্ৰীৰ বি.চি.আৰ.এ. বঁটা লাভ কৰে। গিয়াছউদ্দিন ছেলিমৰ পৰিচালনাত ২০২৪ চনৰ কাজলৰেখা চলচ্চিত্ৰৰ জৰিয়তে তেওঁৰ ডাঙৰ পৰ্দাত অভিষেক ঘটে।^১

তেওঁ ভাৰতৰ জনপ্ৰিয় কচমেটিক ব্ৰেণ্ড ‘বৰো প্লাছ’ৰ ‘বৰো প্লাছ নিম ফেচৱাছ’ৰ ব্ৰেণ্ড এম্বেছাদৰ হিচাপে কাম কৰি আহিছে। ইয়াৰ উপৰিও তেওঁ জিঅ’মি বাংলাদেশ (Xiaomi Redmi 14C স্মাৰ্টফোন)ৰ ব্ৰেণ্ড এম্বেছাদৰ।^২

প্ৰাৰম্ভিক জীৱন আৰু শিক্ষা

আয়মান ১৭ মাৰ্চ, ১৯৯৯ তাৰিখে বৰিশালত জন্মগ্ৰহণ কৰে।^৩ তেওঁ ঢাকাৰ ইষ্ট ৱেষ্ট বিশ্ববিদ্যালয়ত অধ্যয়ন কৰিছিল। তেওঁৰ দুগৰাকী ভাই আছে।^৪

কৰ্মজীৱন

আয়মান ২০১৯ চনত ইমৰাউল ৰাফাতৰ পৰিচালনাত টেলিভিছন নাটক টু বি ৱাইফৰ জৰিয়তে অভিনয় জীৱন আৰম্ভ কৰিছিল। তাৰপিছত, তেওঁ বহু জনপ্ৰিয় টেলিভিছন নাটকত অভিনয় অব্যাহত ৰাখে, যেনে আজ আকাশে চাঁদ নেই, বৃষ্টিৰ অপেক্ষায়, হাঁশি, মেডিছিন মেন, নীৰেৰ পাখি, তুই ছাড়া মন ভালো নেইসাদা পায়ৰা আৰু একটা ছেলে মনেৰ আঙ্গিনায়।^৫

২০২২ চনত তেওঁ মায়াশালিক চলচ্চিত্ৰৰ বাবে বাংলাদেশ কালচাৰেল ৰিপৰ্টাৰছ এছ'চিয়েছনৰ পৰা সৰ্বশ্ৰেষ্ঠ অভিনেত্ৰী (সমালোচক)ৰ বি.চি.আৰ.এ. বঁটা লাভ কৰে। ২০২৩ চনত তেওঁ বেঙ্গল মাল্টিমিডিয়া দ্বাৰা উৎপাদিত আৰু মাসুম শাহৰিয়াৰ শপ্নভূকৰ পৰিচালিত এখন ৱেবফিল্মত অভিনয় কৰে আৰু লগতে অ'টিটি মঞ্চত কাবাডী (২০২৩)ত অভিনয় কৰে, যি বাইওস্কোপত মুক্তি পায় আৰু ইণ্টাৰ্নশ্বিপ (২০২৩) চোৰকিত মুক্তি পায়। তেওঁৰ অভিষেক চলচ্চিত্ৰ হৈছে কাজলৰেখা (২০২৪) যি গিয়াছউদ্দিন ছেলিমৰ পৰিচালনাত নিৰ্মিত হৈছিল।^৬