চুতিমন চুয়েংচাৰোএনচুকয়িং

চুতিমন চুয়েংচাৰোএনচুকয়িং (থাই: ชุติมณฑน์ จึงเจริญสุขยิ่ง, ইংৰাজী: Chutimon Chuengcharoensukying; জন্ম ২ ফেব্ৰুৱাৰী ১৯৯৬), ডাকনাম আওকবাব (ออกแบบ), এগৰাকী থাই মডেল আৰু অভিনেত্ৰী। তেওঁ ২০১৭ চনৰ চলচ্চিত্ৰ বেড জিনিয়াচত লিনৰ ভূমিকাৰ বাবে প্ৰসিদ্ধ। ২০২৪ চনত, তেওঁ হাংগাৰ চলচ্চিত্ৰত অভিনয়ৰ বাবে আন্তৰ্জাতিক এমি বঁটাত শ্ৰেষ্ঠ অভিনেত্ৰী বঁটা লাভ কৰে।^১

প্ৰাৰম্ভিক জীৱন আৰু শিক্ষা

চুতিমন ১৯৯৬ চনৰ ২ ফেব্ৰুৱাৰী তাৰিখে বেংকক, থাইলেণ্ডত জন্মগ্ৰহণ কৰে। তেওঁ এজন থাই-চীনা পৰিয়ালৰ সদস্য। তেওঁৰ চীনা পৰিয়ালিক উপনাম ঝুআং (莊)। তেওঁ চুলালংকৰ্ণ বিশ্ববিদ্যালয়ত সুন্দৰ আৰু প্ৰয়োগিক কলা অধ্যয়ন কৰে।^২ তেওঁৰ ডাকনাম "আওকবাব", যাৰ অৰ্থ থাই ভাষাত 'ডিজাইন'।^৩

কেৰিয়াৰ

চুতিমনে ১৫ বছৰ বয়সতে মডেলিঙৰ জগতে প্ৰৱেশ কৰে। তেওঁ প্ৰথমগৰাকী থাই মডেল যাক হাৰ্পাৰচ্ বজাৰ ইউ.কে.ত ২০১৩ চনৰ অক্টোবৰত "এ শ্বেডো ক'ব এ জেড এম্পেয়াৰ" শীৰ্ষক ফেচন ফটোশ্যুটত স্থান দিয়া হয়।^৪ লগতে, তেওঁ "আনফ্ৰেইণ্ড" (হেলমেটহেডচ্) আৰু "পাঝোনপাই" (মিচেছ স্লেভ) গানৰ মিউজিক ভিডিঅ'ত অংশ গ্ৰহণ কৰে। এছ এছ নৱাপোল থাম্ৰংগ্ৰত্তনাৰিটৰ "থেংক ইউ ফ'ৰ শ্বেয়াৰিং" চুটি চলচ্চিত্ৰতো অভিনয় কৰে।^৫ ২০১৭ চনত বেড জিনিয়াচ চলচ্চিত্ৰত "লিন"ৰ ভূমিকাত অভিনয় কৰি তেওঁ ব্যাপক স্বীকৃতি লাভ কৰে। এই চলচ্চিত্ৰৰ বাবে তেওঁ ১৬তম নিউ ইয়ৰ্ক এছিয়ান চলচ্চিত্ৰ মহোৎসৱত স্ক্ৰীণ ইণ্টাৰনেশ্যনেল ৰাইজিং ষ্টাৰ এছিয়া বঁটা লাভ কৰা প্ৰথমগৰাকী থাই অভিনেত্ৰী হয়।^৬

চলচ্চিত্ৰগ্ৰাফি

চলচ্চিত্ৰ

দূৰদৰ্শন শৃংখলা

বঁটা আৰু মনোনয়ন