চাবিলা নেতম

ছাবিলা অৰবিন্দ নেতম (Chhabila Netam, জন্ম ২২ মে' ১৯৪৮) এজন ভাৰতীয় জাতীয় কংগ্ৰেছ ৰাজনীতিবিদ আৰু একাদশ লোকসভা কংকৰ সংৰক্ষিত সমষ্টিৰ সদস্য।^১

আৰম্ভণি জীৱন

১৯৪৮ চনৰ ২২ মে'ত বস্তৰ জিলাৰ ভৈছমুণ্ডী গাঁৱত চাবিলাই জন্মগ্ৰহণ কৰে৷ তেওঁ স্থানীয় চৰকাৰী বিদ্যালয়ৰ পৰা মেট্ৰিক ডিগ্ৰী লাভ কৰিছিল।^২

কৰ্মজীৱন

১৯৯৬ ভাৰতীয় সাধাৰণ নিৰ্বাচনৰ সময়ত ভাৰতীয় জাতীয় কংগ্ৰেছ (INC) দলে অৰবিন্দ নেতমক টিকট দিবলৈ অস্বীকাৰ কৰিছিল কাৰণ তেওঁৰ নাম হাৱালা কেলেংকাৰীত ওলাইছিল৷ তাৰ পৰিৱৰ্তে তেওঁৰ পত্নী চাবিলাক চৰকাৰী প্ৰাৰ্থী হিচাপে সাজু কৰিছিল।^৩৪ তেওঁ ২,১৯,১৯১ টা ভোট লাভ কৰি ভাৰতীয় জনতা পাৰ্টিৰ সোহন পটাইক (১৯৪,৭৭১ ভোট) পৰাস্ত কৰি অনুসূচিত জনজাতিৰ বাবে সংৰক্ষিত কাংকেৰ আসনৰ পৰা সংসদ সদস্য হয়।^২৫ অৱশ্যে ডেৰ বছৰৰ ভিতৰতে সদন ভংগ কৰা হয় আৰু নেটামে ১৯৯৮ চনত অনুষ্ঠিত হোৱা নিৰ্বাচনত প্ৰতিদ্বন্দ্বিতা কৰা নাছিল।^৪৬ তেওঁ ১৯৯৯ চনৰ ভাৰতীয় সাধাৰণ নিৰ্বাচনত থিয় দিছিল যদিও ৮৮,১৯১ টা ভোটৰ পাৰ্থক্যত পটাইৰ হাতত পৰাস্ত হৈছিল।^৭

ব্যক্তিগত জীৱন

১৯৬৯ চনৰ মে’ মাহত চাবিলাই অৰবিন্দ নেতমৰ সৈতে বিবাহপাশত আবদ্ধ হয়৷ দুয়োৰে চাৰিটা সন্তান আছে৷ দুজন পুত্ৰ আৰু দুগৰাকী কন্যা।^২ তেওঁলোকৰ এগৰাকী কন্যা প্ৰীতি নেতমে ২০০৮ চনৰ ছত্তীশগড় বিধানসভাৰ নিৰ্বাচন প্ৰতিদ্বন্দ্বিতা কৰিছিল।^৮