গেভাকালাৰ

গেভাকালাৰ (Gevacolor) এক ৰঙীন মোচন পিকচাৰ প্ৰক্ৰিয়া। ১৯৪৭ চনত বেলজিয়ামৰ গেভাৰ্টে ইয়াক প্ৰৱৰ্তন কৰিছিল আৰু ই আগফাকালাৰৰ সহযোগী প্ৰতিষ্ঠান আছিল। ১৯৫০ৰ দশকত এই প্ৰক্ৰিয়া আৰু কোম্পানীটো ফলে-ফুলে জাতিস্কাৰ হৈ উঠে; কাৰণ অন ল’কেচন শ্বুটিঙৰ বাবে ই উপযোগী আছিল। ১৯৬৪ চনত দুয়োটা কোম্পানীয়ে একত্ৰিত হৈ আগফা-গেভাৰ্ট (Agfa-Gevaert) গঠন কৰে আৰু ১৯৮০ৰ দশকলৈ ফিল্ম ষ্টক উৎপাদন কৰি থাকে।^১

ইতিহাস

যদিও ১৯৪৭ চনত গেভাৰ্টে প্ৰথমবাৰৰ বাবে গেভাকালাৰ নিৰ্মাণ কৰিছিল, ব্ৰেণ্ড নামটো তিনি বছৰৰ পিছতহে সুৰক্ষিত কৰা হৈছিল, কাৰণ কোম্পানীয়ে এই নামটো আন কোনোৱে দাবী নকৰে বুলি ধৰি লৈছিল।^২ তেওঁলোকৰ আভ্যন্তৰীণ আলোচনী Foto-dienst ত কোম্পানীয়ে গেভাকালাৰৰ দুটা প্ৰাৰম্ভিক প্ৰকাৰ নিৰ্দিষ্ট কৰিছিল: এটা দিনৰ পোহৰত চিত্ৰগ্ৰহণৰ বাবে আৰু এটা কৃত্ৰিম পোহৰত চিত্ৰগ্ৰহণৰ বাবে। দুয়োটাই ৩৫ মিলিমিটাৰৰ সৰু ফৰ্মেট ফিল্মত উপলব্ধ আছিল।^৩ দ্বিতীয় বিশ্বযুদ্ধৰ পিছৰ সময়ছোৱাত গেভাৰ্টেই ৰঙীন ছবি নিৰ্মাণ কৰা প্ৰথমটো কোম্পানী বুলি দাবী কৰা হৈছে যদিও ৰুজেন্সে এই দাবীক লৈ সন্দেহ প্ৰকাশ কৰিছে। ফেৰানিয়াই ইতিমধ্যে ১৯৪২-১৯৪৪ চনৰ ভিতৰত আৰু পুনৰ ১৯৫১ চনত এক ডায়েপজিটিভ ফিল্ম নিৰ্মাণ কৰিছিল।

গেভাকালৰত চিত্ৰগ্ৰহণ কৰা কেইখনমান ছবি