গান্ধী মেণ্ডেলা পুৰস্কাৰ

গান্ধী মেণ্ডেলা পুৰস্কাৰ (Gandhi Mandela Awards) হৈছে এটা অতি সন্মানীয় আন্তৰ্জাতিক পুৰস্কাৰ৷ এই পুৰস্কাৰৰ জৰিয়তে গান্ধীবাদ আৰু নেলছন মেণ্ডেলাৰ আদৰ্শক প্ৰচাৰ কৰা হয়৷^১ বিচাৰকৰ আসন শুৱনি কৰা বিশিষ্ট আইনজ্ঞ কে.জি. বালকৃষ্ণণ, ন্যায়াধীশ দীপক মিশ্ৰ, কেদাৰ নাথ উপাধ্যায়, এম ডি তফজ্জুল ইছলাম, জ্ঞান সুধা মিশ্ৰৰ দ্বাৰা বঁটাপ্ৰাপকৰ নাম নিৰ্বাচিত কৰা হয়৷ এই বঁটাটো ২০১৯ চনত প্ৰতিষ্ঠা কৰা হৈছিল৷ বঁটা প্ৰৱৰ্তন কৰিছিল "ইণ্টাৰএক্টিভ ফ'ৰাম অন ইণ্ডিয়ান ইক'ন'মি" আৰু "দ্য গান্ধী মেণ্ডেলা ফাউণ্ডেছনে"৷ ^২ এই পুৰস্কাৰটো প্ৰতি বছৰে মুঠ সাতটা শিতানত প্ৰদান কৰা হয় আৰু সাধাৰণতে এছিয়া তথা আফ্ৰিকান দেশৰ ৰাষ্ট্ৰপতি, উপ-ৰাষ্ট্ৰপতি, প্ৰধান মন্ত্ৰী অথবা কোনো প্ৰখ্যাত আন্তৰ্জাতিক ব্যক্তিত্বই উক্ত পুৰস্কাৰ প্ৰদান কৰে৷ ^৩৪

পুৰস্কাৰ প্ৰদান সমাৰোহ প্ৰতি বছৰৰ ১৮ জুলাই (নেলছন মেণ্ডেলাৰ জন্ম দিৱস) আৰু ২ অক্টোবৰ (মহাত্মা গান্ধীৰ জন্ম দিৱস)ত অনুষ্ঠিত হয়৷^৫

মহাত্মা গান্ধী আৰু নেলছন মেণ্ডেলা আছিল কুৰি শতিকাত বৰ্ণবাদ আৰু ঔপনিৱেশিক শাসনৰ বিৰোধ কৰা দুগৰাকী স্মৰণীয় ব্যক্তি৷ দুয়োগৰাকীকেই দুয়োখন দেশত পিতৃৰূপে গণ্য কৰা হয়৷ ^৬৭৮

বিচাৰক মণ্ডলী

• ন্যায়াধীশ কে.জি বালকৃষ্ণণ (ভাৰতৰ প্ৰাক্তন মুখ্য ন্যায়াধীশ আৰু NHRCৰ প্ৰাক্তন অধ্যক্ষ)
• ন্যায়াধীশ দীপক মিশ্ৰ (ভাৰতৰ প্ৰাক্তন মুখ্য ন্যায়াধীশ)
• ন্যায়াধীশ কেদাৰ নাথ উপাধ্যায় (নেপালৰ প্ৰাক্তন মুখ্য ন্যায়াধীশ আৰু NHRCনেপালৰ প্ৰাক্তন অধ্যক্ষ)
• ন্যায়াধীশ এম ডি তফজ্জুল ইছলাম (নেপালৰ প্ৰাক্তন মুখ্য ন্যায়াধীশ)
• ন্যায়াধীশ জ্ঞান সুধা মিশ্ৰ (সৰ্বোচ্চ ন্যায়ালয়ৰ প্ৰাক্তন ন্যায়াধীশ)

(NHRC-National Human Rights Commission of India, ভাৰতৰ ৰাষ্ট্ৰীয় মানৱাধিকাৰ আয়োগ)