খৰচৰ অনুপাত (Expense Ratio) হৈছে এটা বিনিয়োগ পৰিচালনা কৰাৰ বাবে এটা মিউচুৱেল ফাণ্ড বা ETF-য়ে বছৰি লোৱা মাচুল, যিটো শতাংশ হিচাপে প্ৰকাশ কৰা হয়।১ সাধাৰণতে, খৰচ অনুপাত যিমান কম হ’ব, দীৰ্ঘম্যাদী বিনিয়োগৰ বাবে সিমান ভাল। গতিকে, মিউচুৱেল ফাণ্ড বা ETF বাছনি কৰোঁতে খৰচ অনুপাত তুলনা কৰাটো গুৰুত্বপূৰ্ণ।
খৰচৰ অনুপাতৰ সংজ্ঞা
খৰচৰ অনুপাত হৈছে বিনিয়োগ পৰিচালনা সংস্থা (যেনে মিউচুৱেল ফাণ্ড, ETF আদি)য়ে তাৰ বিনিয়োগকাৰীসকলৰ পৰা বাৰ্ষিকভাৱে আদায় কৰা পৰিচালনা আৰু প্ৰশাসনিক খৰচৰ হাৰ, যিটো মুঠ বিনিয়োগকৃত সম্পদৰ শতাংশ হিচাপে প্ৰকাশ কৰা হয়। ইয়াক সাধাৰণতে এনেদৰে গণনা কৰা হয়:
খৰচৰ অনুপাত (%) = (ফাণ্ডৰ বাৰ্ষিক মুঠ অপাৰেটিং খৰচ / ফাণ্ডৰ মুঠ সম্পদৰ মূল্য) × ১০০
ইয়াত অন্তৰ্ভুক্ত খৰচসমূহ
- পৰিচালনা খৰচ
- প্ৰশাসনিক খৰচ
- বজাৰকৰণ আৰু বিতৰণ খৰচ
- অন্যান্য কাৰ্য্যকৰী খৰচ
উদাহৰণ স্বৰূপে যদি এটা ফাণ্ডৰ খৰচৰ অনুপাত ০.৫০% হয়, তেন্তে প্ৰতি ₹১,০০০ টকা বিনিয়োগৰ বাবে আপুনি বছৰি ₹৫ টকা দিব লাগিব। ইয়াত ব্ৰোকেৰেজ ফি বা ট্ৰেডিং খৰচ অন্তৰ্ভুক্ত নহয়।
খৰচ অনুপাতৰ সাধাৰণ মানদণ্ড
| + | ফাণ্ডৰ প্ৰকাৰ | সাধাৰণ খৰচ অনুপাত |
| ইণ্ডেস্ক ফাণ্ড | ০.০৩% – ০.২০% | |
| সক্ৰিয়ভাৱে পৰিচালিত ETF | ০.৫০% – ১.৫০% | |
| মিউচুৱেল ফাণ্ড | ০.৫০% – ২.০০% | |
| ৰোব’-এডভাইজাৰ | ০.২৫% – ০.৫০% |
তথ্যসূত্ৰ
- http://www.dividendusa.com/expense-ratio/
- What is an expence Ratio?, Vangaurd
- Expense Ratio Calculator, AiCalculator.in
তথ্যসূত্ৰ
- ↑ United States of America Securities and Exchange Commission. Invest wisely: An introduction to mutual funds—Annual fund operating expenses. SEC.gov
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “খৰচৰ অনুপাত” প্ৰবন্ধৰ সংশোধন ৬১২৬৫০ (১৭ জুন ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।