ক্ৰেডিট ইনফৰ্মেচন ব্যুৰো (ইণ্ডিয়া) লিমিটেড

ক্ৰেডিট ইনফৰ্মেচন ব্যুৰো (ইণ্ডিয়া) লিমিটেড(Credit Information Bureau (India) Limited) হৈছে ভাৰতত কাম কৰা এটা ক্ৰেডিট তথ্য কোম্পানী। ই ৬০০ নিযুত ব্যক্তি আৰু ৩২ নিযুত ব্যৱসায়ৰ ওপৰত ক্ৰেডিট ফাইল বজাই ৰাখে। ট্ৰেন্সইউনিয়ন চিবিল লিমিটেড হৈছে ভাৰতত কাম কৰা চাৰিটা ক্ৰেডিট ব্যুৰোৰ ভিতৰত এটা আৰু ই আমেৰিকান বহুজাতিক গোট ট্ৰেন্সইউনিয়নৰ অংশ।^১

চিবিল স্কোৰ হৈছে গ্ৰাহক এজনৰ ক্ৰেডিট ইতিহাসৰ তথ্যৰ ওপৰত আধাৰিত কৰি তেওঁলোকৰ বিশ্বাসযোগ্যতাৰ মূল্যাঙ্কন। নম্বৰ যিমানে বেছি হয়, বেঙ্কটো গ্ৰাহকৰ বাবে সিমানেই অনুকূল হয়। ই হৈছে ৩০০ ৰ পৰা ৯০০-ৰ ভিতৰত ৩-অংকৰ সংখ্যা। আদৰ্শভাৱে, ৭২০ বা তাতকৈ অধিক নম্বৰ ক এক ভাল চিবিল নম্বৰ হিচাপে গণ্য কৰা হয়।^২

উপভোক্তাৰ ক্ৰেডিট প্ৰতিবেদন

ট্ৰেন্স ইউনিয়ন চিবিলে ঋণৰ বিপদাশংকা আৰু মূল্য নিৰ্ধাৰণ ৰ বাবে উপভোক্তাৰ ঋণ আৰু পৰিশোধৰ তথ্য একত্ৰিত কৰে।^৩ ই চিকাগো স্থিত ট্ৰেন্সইউনিয়নৰ সৈতে অংশীদাৰীত্ব কৰিছে।^৪৫

ব্যৱসায়িক ক্ৰেডিট প্ৰতিবেদন

ট্ৰেন্সইউনিয়ন চিবিলে ঋণৰ বিপদাশংকা আৰু মূল্য নিৰ্ধাৰণ ৰ বাবে ব্যৱসায়িক বিত্তীয় আৰু পৰিশোধ তথ্য একত্ৰিত কৰে। ই নিউ জাৰ্চি স্থিত ডুন আৰু ব্ৰেডষ্ট্ৰীটৰ সৈতে অংশীদাৰীত্ব কৰিছে। ডি এণ্ড বিয়ে বিশ্বব্যাপী ১৫০ নিযুত ব্যৱসায়ৰ ফাইল বজাই ৰাখে।^৬

চিআৰআইএফ আৰু চিবিল

বেংক আৰু বিত্তীয় সংগঠনবোৰে চিআৰআইএফ আৰু চিবিল ব্যাপকভাৱে ব্যৱহাৰ কৰে। তেওঁলোক দুয়োটা কম বেছি পৰিমাণে একে।

চিআৰআইএফ আৰু চিবিলৰ তুলনামূলক বিশ্লেষ:-

চি.আৰ.আই.এফ. ক্ৰেডিট স্কোৰ:

চিবিল ক্ৰেডিট স্কোৰ:

ইতিহাস

• ২০০০ চনত চিবিল (ক্ৰেডিট ইনফৰ্মেচন ব্যুৰো (ইণ্ডিয়া) লিমিটেড) অন্তৰ্ভুক্ত কৰা হৈছে।
• ২০০৪ চনত ভাৰতত ক্ৰেডিট ব্যুৰো সেৱা আৰম্ভ কৰা হয় (উপভোক্তা ব্যুৰো)।
• ২০০৬ চনৰ পৰা বাণিজ্যিক ব্যুৰো কাৰ্যকলাপ আৰম্ভ হয়।
• ২০০৭ চনৰ পৰা বেংক আৰু বিত্তীয় প্ৰতিষ্ঠানসমূহৰ বাবে ভাৰতৰ প্ৰথম জেনেৰিক ৰিস্ক স্কোৰিং মডেল চিবিল স্কোৰ প্ৰৱৰ্তন কৰা হৈছিল।^৭
• ২০১১ চনত চিবিল স্কোৰ ব্যক্তিগত গ্ৰাহকসকলৰ বাবে উপলব্ধ কৰা হয়।
• ২০১৭ চনৰ পৰা ট্ৰেন্সইউনিয়ন চিবিলে সূক্ষ্ম, ক্ষুদ্ৰ আৰু মজলীয়া উদ্যোগত ঋণ প্ৰৱেশ বৃদ্ধি কৰিবলৈ আৰু ঋণদাতাসকলক বিপদাশংকা ভালদৰে মূল্যাঙ্কন কৰাত সহায় কৰিবলৈ চিবিল এমএছএমই ৰেংক মুকলি কৰে ^৮৯
• ২০১৭ চনত বেঙ্ক অফ ইণ্ডিয়াই কোম্পানীটোত ইয়াৰ ৫% অংশ ১৯০.৬ কোটি টকাত বিক্ৰী কৰে, যাৰ অৰ্থ হৈছে ট্ৰেন্সইউনিয়ন চিবিলৰ বাবে ৫৯২ নিযুত আমেৰিকান ডলাৰ।^১০