ক্ৰীষ্টিন লাগাৰ্ড

ক্ৰীষ্টিন মেডেলিন অডেট লাগাৰ্ড ( Christine Madeleine Odette Lagarde; জন্ম ১ জানুৱাৰী ১৯৫৬) এগৰাকী ফৰাচী ৰাজনীতিবিদ আৰু অধিবক্তা যিয়ে ২০১৯ চনৰ পৰা ইউৰোপীয় কেন্দ্ৰীয় বেংকৰ সভানেত্ৰী হিচাপে কাৰ্যনিৰ্বাহ কৰিছিল। ইয়াৰ পূৰ্বে ২০১১ চনৰ পৰা ২০১৯ চনলৈকে আন্তঃৰাষ্ট্ৰীয় মুদ্ৰা নিধিৰ (আই এম এফ) ১১ সংখ্যক পৰিচালন সঞ্চালক হিচাপে কাৰ্যনিৰ্বাহ কৰিছিল। লাগাৰ্ডে ২০০৭ চনৰ পৰা ২০১১ চনলৈকে ফ্ৰান্স চৰকাৰতো কাৰ্যনিৰ্বাহ কৰিছিল, য’ত আটাইতকৈ বিশিষ্টভাৱে অৰ্থনীতি, বিত্ত আৰু উদ্যোগ মন্ত্ৰী হিচাপে কাৰ্যনিৰ্বাহ কৰিছিল। সেই প্ৰতিটো পদতে তেওঁ প্ৰথম মহিলা।^১

২০১৯, ২০২০, ২০২২, ২০২৩, ২০২৪, আৰু ২০২৫ চনত ফৰ্বছে তেওঁক বিশ্বৰ ১০০ গৰাকী শক্তিশালী মহিলাৰ তালিকাত দ্বিতীয় স্থানত স্থান দিছিল।^২৩৪৫

প্ৰাথমিক জীৱন আৰু শিক্ষা

ক্ৰীষ্টিন লাগাৰ্ড ফ্ৰান্সৰ পেৰিছত^৬ শিক্ষক পৰিয়ালত জন্মগ্ৰহণ কৰিছিল। তেওঁৰ পিতৃ ৰবাৰ্ট লেল'ৱেট (ফৰাচী পিতৃ আৰু মাতৃ ইহুদী)^৭ এজন ইংৰাজী শিক্ষক আছিল; তেওঁৰ মাতৃ নিকোল (কেৰে)^৮ এগৰাকী লেটিন, গ্ৰীক আৰু ফৰাচী সাহিত্যৰ শিক্ষয়িত্ৰী আছিল। লাগাৰ্ড আৰু তেওঁৰ তিনিজন সৰু ভাতৃয়ে শৈশৱ লে হাভ্ৰেত কটায়। তাত তেওঁলোকে লাইচি ফ্ৰান্সোৱা ১এৰ (য'ত তেওঁৰ পিতৃয়ে অধ্যাপনা কৰিছিল) আৰু লাইচি ক্ল'ড মনেটত অধ্যয়ন কৰে।^{৯১০১১}

পেছাদাৰী কেৰিয়াৰ

১৯৮১ চনত লাগাৰ্ডে চিকাগোৰ এটা বৃহৎ আন্তঃৰাষ্ট্ৰীয় আইন সংস্থা বেকাৰ এণ্ড মেকেঞ্জীত যোগদান কৰে। তেখেতে টেক্স হেবনত থকা ফাৰ্মখনৰ দুটা সহযোগী কোম্পানীত পৰিচালিকা আছিল।^১২ তেখেতে ডাঙৰ ডাঙৰ এণ্টিট্ৰাষ্ট আৰু শ্ৰম গোচৰ চম্ভালিছিল, ছয় বছৰৰ পিছত অংশীদাৰ কৰা হৈছিল আৰু পশ্চিম ইউৰোপৰ প্ৰতিষ্ঠানটোৰ মুৰব্বী হিচাপে নিযুক্তি দিয়া হৈছিল। ১৯৯৫ চনত তেওঁ কাৰ্যবাহী সমিতিত যোগদান কৰে আৰু ১৯৯৯ চনৰ অক্টোবৰ মাহত কোম্পানীটোৰ প্ৰথমগৰাকী মহিলা অধ্যক্ষ নিৰ্বাচিত হয়।^{১৩১৪ ১৫১৬} তিনি বছৰৰ পাছত তেওঁ পুনৰ নিৰ্বাচিত হয়। বেকাৰ এণ্ড মেকেঞ্জীত লাগাৰ্ডে "ক্লায়েণ্ট-ফাৰ্ষ্ট" পদ্ধতি ৰূপায়ণ কৰিছিল, যাৰ অধীনত উকীলসকলে জৰুৰীকালীন অৱস্থাত কেৱল প্ৰতিক্ৰিয়া প্ৰকাশ নকৰি ক্লায়েণ্টৰ প্ৰয়োজনীয়তাসমূহ আগতীয়াকৈ অনুমান কৰে।^১৭

২০০৪ চনত লাগাৰ্ডে গ্ল'বেল ষ্ট্ৰেটেজিক কমিটিৰ সভাপতি হয়।^১৮

ব্যক্তিগত জীৱন

লাগাৰ্ডৰ প্ৰথমজন স্বামী হৈছে ফৰাচী বিত্তীয় বিশ্লেষক উইলফ্ৰাইড লাগাৰ্ড, যাৰ সৈতে তেওঁৰ দুজন পুত্ৰ আছে, পিয়েৰ-হেনৰী লাগাৰ্ড (জন্ম ১৯৮৬) আৰু থমাছ লাগাৰ্ড (জন্ম ১৯৮৮); ১৯৮২ চনত তেওঁলোকৰ বিবাহ হয় আৰু ১৯৯২ চনত বিবাহ বিচ্ছেদ হয়।^১৯২০ দ্বিতীয়জন হৈছে ব্ৰিটিছ ব্যৱসায়ী আচেৰন গিলম’ৰ; তেওঁ কেতিয়াবা বিবাহিত হৈছিল নে নাই সেই সম্পৰ্কে সূত্ৰসমূহৰ মাজত পাৰ্থক্য আছে।^২১ ২০০৬ চনৰ পৰা তেওঁৰ অংশীদাৰ হৈছে মাৰ্চেইলৰ উদ্যোগী জেভিয়াৰ জিঅ'কান্টি,^২২ পেৰিছ এক্স বিশ্ববিদ্যালয়ৰ সহপাঠী।^২৩২৪ কিছুমান সূত্ৰই কয় যে তেওঁলোকে বিয়া হৈছিল, কিন্তু কেতিয়া বিয়া হৈছিল সেইটো নিৰ্দিষ্ট কৰা হোৱা নাই।^২৫২৬

তেওঁ এগৰাকী স্বাস্থ্য সচেতন নিৰামিষভোজী,^২৭২৬ আৰু তেওঁৰ চখসমূহৰ ভিতৰত নিয়মীয়াকৈ জিমলৈ যোৱা, চাইকেল চলোৱা আৰু সাঁতোৰ আদি অন্তৰ্ভুক্ত।^১১

তেওঁ ফৰাচী ভাষা, ইংৰাজী ভাষা আৰু স্পেনীছ ভাষা ভাষা ক'বলৈ জানে।^২০ ইউৰোপীয় কেন্দ্ৰীয় বেংকৰ সভানেত্ৰী হিচাপে কাৰ্যভাৰ গ্ৰহণ কৰাৰ পিছত তেওঁ জাৰ্মান ভাষা শিকিবলৈ মনস্থ কৰা বুলি খবৰ ওলাইছিল।^২৮