ক্ৰিষ্টিয়ান ছেৰাট’চ

ক্ৰিষ্টিয়ান মেৰী ছেৰাট’চ^১ (জন্ম: ২১ ছেপ্টেম্বৰ, ১৯৯০) এগৰাকী আমেৰিকা যুক্তৰাষ্ট্ৰন অভিনেত্ৰী। একে নামৰ কমিক বুকৰ আধাৰত নিৰ্মিত এএমচিৰ ধাৰাবাহিক দ্য ৱাকিং ডেডত ৰ’জিতা এস্পিনোজাৰ চৰিত্ৰত কৰা অভিনয়ৰ বাবে তেওঁ বিশেষভাৱে পৰিচিত। ইয়াৰ উপৰিও তেওঁ নিকেলোডিয়ানৰ ধাৰাবাহিক নেডছ ডিক্লাচিফাইড স্কুল চাৰ্ভাইভেল গাইডত ছুজি ক্ৰেবগ্ৰাছ আৰু দ্য টোৱাইলাইট চাগা চলচ্চিত্ৰ শৃংখলাত এঞ্জেলা ৱেবাৰৰ চৰিত্ৰত অভিনয়ৰ বাবে জনাজাত। ২০২০ চনৰ পৰা ২০২১ চনলৈকে তেওঁ নেটফ্লিক্সৰ ধাৰাবাহিক চেলেনা: দ্য চিৰিজত তেজানো গায়িকা চেলেনাৰ ভূমিকাত অভিনয় কৰিছিল।^২

প্ৰাৰম্ভিক জীৱন

ছেৰাট’চৰ জন্ম কেলিফৰ্ণিয়াৰ পাছাদেনাত হৈছিল আৰু তেওঁ কেলিফৰ্ণিয়াৰে বাৰবেংকত ডাঙৰ-দীঘল হৈছিল। তেওঁৰ মাতৃ আলিচিয়া ছেৰাট’চ মেক্সিকান মূলৰ আৰু পিতৃ ইটালীয়ান মূলৰ। তেওঁ দ্য ড্ৰিউ কেৰী শ্ব’ আৰু কোচৰ দৰে ধাৰাবাহিকত অতিৰিক্ত শিল্পী (extra) হিচাপে কাম কৰিছিল।

তিনি বছৰ বয়সৰ পৰাই তেওঁ ফিকাৰ স্কেটিং আৰম্ভ কৰিছিল আৰু ইয়াৰ প্ৰতিযোগিতাসমূহতো অংশগ্ৰহণ কৰিছিল। এই বিষয়ে তেওঁ কয়, "মোৰ প্ৰশিক্ষকসকলে অলিম্পিকৰ কথা পাতিছিল আৰু সেয়া সঁচাকৈয়ে আচৰিত আছিল। এতিয়া মই কেৱল আমোদৰ বাবেহে স্কেটিং কৰোঁ।" সাত বছৰ বয়সত তেওঁ 'ফৰ্ড মডেলিং এজেন্সি'ৰ সৈতে চুক্তিবদ্ধ হয়।

কেৰিয়াৰ

ছেৰাট’চে নিকেলোডিয়ানৰ ধাৰাবাহিক নেডছ ডিক্লাচিফাইড স্কুল চাৰ্ভাইভেল গাইডত ছুজি ক্ৰেবগ্ৰাছৰ চৰিত্ৰত অভিনয় কৰিছিল, যিখন ২০০৪ চনত আৰম্ভ হৈ তিনিটা ছিজনৰ পিছত ২০০৭ চনত সমাপ্ত হৈছিল।

টোৱাইলাইট (২০০৮) ছবিত এঞ্জেলা ৱেবাৰৰ চৰিত্ৰত কৰা অভিনয়ৰ বাবে তেওঁ ৩০ সংখ্যক ইয়ং আৰ্টিষ্ট বঁটাত "শ্ৰেষ্ঠ সহযোগী অভিনেত্ৰী"ৰ বঁটা লাভ কৰে। তেওঁ ইয়াৰ পৰৱৰ্তী খণ্ড দ্য টোৱাইলাইট চাগা: নিউ মুন আৰু দ্য টোৱাইলাইট চাগা: এক্লিপছতো একেটা চৰিত্ৰতে অভিনয় কৰিছিল। ২০১১ চনত তেওঁ 'দ্য ব্লেক কীজ'ৰ গীত "হাউলিন ফৰ ইউ"ৰ ভিডিঅ'ত অভিনয় কৰিছিল।

ছেৰাট’চে এএমচিৰ ধাৰাবাহিক দ্য ৱাকিং ডেডত ৰ’জিতা এস্পিনোজাৰ চৰিত্ৰত অভিনয় কৰিছিল। চতুৰ্থ ছিজনৰ পৰা তেওঁ এই ধাৰাবাহিকখনত এজনী নিয়মীয়া অভিনয় শিল্পী হিচাপে কাম কৰিবলৈ লয়। ২০২২ চনৰ ২২ ছেপ্টেম্বৰত বাতৰি প্ৰকাশ পায় যে এইচবিঅ’ মেক্সৰ ড্ৰামা ধাৰাবাহিক ম’ৰত তেওঁ লণ্ডন লৰেন্সৰ মুখ্য চৰিত্ৰত অভিনয়ৰ বাবে নিৰ্বাচিত হৈছে।

উপস্থিতি

২০১০ চনত তেওঁ মেক্সিম আলোচনীৰ "হট ১০০" তালিকাত ৬৫ নম্বৰ স্থান লাভ কৰিছিল।^৩ ২০১৫ চনৰ মাৰ্চ মাহৰ প্লেবয় আলোচনীৰ "বিকামিং এট্ৰাকচনছ" শিতানত ছেৰাট’চক প্ৰদৰ্শিত কৰা হৈছিল।

ব্যক্তিগত জীৱন

ছেৰাট’চ এগৰাকী পশু অধিকাৰ কৰ্মী আৰু তেওঁ ভিগান জীৱনশৈলীৰ প্ৰসাৰৰ বাবে 'পেটা'ৰ (PETA) কেইবাটাও অভিযানৰ বাবে ফটো তুলিছে। তেওঁ এগৰাকী ভিগান (নিৰামিষভোজী)।^৪৫৬

২০১৪ চনৰ পৰা ক্ৰিষ্টিয়ান কণ্ঠশিল্পী তথা গীতিকাৰ ডেভিড বয়ডৰ সৈতে সম্পৰ্কত আছে। তেওঁলোকৰ এগৰাকী কন্যা সন্তান (জন্ম ২০১৭) আছে।^৭

চলচ্চিত্ৰপঞ্জী

চলচ্চিত্ৰ

টেলিভিছন

মিউজিক ভিডিঅ’

বঁটা আৰু মনোনয়ন

বাহ্যিক সংযোগ

• MTV.com সাক্ষাৎকাৰ (অক্টোবৰ ২০০৮)