কেৰালাৰ মুছলমানসকলৰ মাজত বাল্য বিবাহ

কেৰালাৰ শাসকীয় দল সংযুক্ত প্ৰগতিশীল মৰ্চাৰ অংশ ইণ্ডিয়ান ইউনিয়ন মুছলিম লীগে ২০১৩ চনৰ ১৪ জুনৰ দিনা এখন চাৰ্কুলাৰৰ যোগেৰে কেৰালাৰ মুছলমানৰ মাজত বাল্য বিবাহৰ বিষয়টোৰ ওপৰত দৃষ্টিপাত কৰিছিল। বাল্য বিবাহ আইনে নিৰ্দিষ্ট কৰি দিয়া বয়স নোপোৱাকৈয়েই মুছলমান শিশুসকলৰ বিবাহ পঞ্জীয়ন কৰিবলৈ সেই চাৰ্কুলাৰখনৰ যোগেদি নিৰ্দেশ দিয়া হৈছিল। এনে নিৰ্দেশে বাল্যবিবাহ বৃদ্ধি কৰিব বুলি ৰাজনৈতিক দল আৰু মুছলমান মহিলা সংগঠনসমূহে মত প্ৰকাশ কৰিছিল। পিছলৈ এক সংশোধনীৰ জৰিয়তে কেৱল ২০১৩চনৰ ২৮জুনলৈ হোৱা বাল্য বিবাহসমূহহে পঞ্জীয়ন কৰিব পৰা যাব বুলি ঘোষণা কৰিছিল।^১২ কেৰালাৰ নটা বিখ্যাত মুছলিম সংগঠনে বিবাহৰ বয়স ক্ষেত্ৰত ৰেহাই বিচাৰি আইনৰ কাষ চাপিছিল।^৩৪ তেওঁলোকে এইবুলি কৈছিল যে মহিলাৰ বাবে ধাৰ্য কৰা ন্যূনতম বয়সে (১৮ বছৰ) মুছলিম আইন উলঙ্ঘন কৰিছে।^৫

আঁৰৰ কথা

ইণ্ডিয়ান মুছলীম লীগে বাল্য বিবাহ আইনে মুছলিম পাৰ্ছনেল আইনৰ উলঙ্ঘা কৰা বুলি বাল্য বিবাহ আইনৰ বিৰোধিতা কৰি আহিছিল।^৬৭ ইণ্টিগ্ৰেটেড চাইল্ড ডেভেলপমেণ্ট স্কীমৰ দ্বাৰা চলোৱা এটা সমীক্ষা অনুসৰি ২০১২ বৰ্ষত কেৰালাৰ মালাপ্পুৰম জিলাত ১৩ৰ পৰা ১৮বছৰ বয়সৰ ভিতৰত বিয়া হোৱা ৩৪০০ গৰাকী ছোৱালীৰ ভিতৰত ২৮০০ গৰাকীয়েই আছিল মুছলমান। ২০০৮ চনত বাল্যবিবাহ হোৱা ৪৯৫৫ গৰাকী কইনাৰ ভিতৰত ৪২৪৯ গৰাকীয়েই আছিল মহিলা।^৮ যদিও মুছলমানৰ ধৰ্মীয় সংগঠনসমূহে উপৰোক্ত চাৰ্কুলাৰখন সমৰ্থন কৰিছিল কিন্তু মুছলমান মহিলাসকলে তাৰ বিৰোধ কৰিছিল।^৯

উদাহৰণ

২০১৩ চনৰ ১৩ জুনৰ দিনা জেচিম মহম্মদ আব্দুল কৰিম আব্দুলাহমেদ নামৰ সংযুক্ত আৰৱ আমিৰাত (UAE)ৰ নাগৰিক এজনে মালাপ্পুৰমৰ এখন অনাথ আশ্ৰমৰ পৰা এগৰাকী ১৭ বছৰীয়া ছোৱালী বিয়া কৰায়। কিন্তু তাৰ দুসপ্তাহ পাছতেই তেওঁ সেই ছোৱালীজনীক টেলিফোনৰ জৰিয়তে তিনি তালাক দি ভাৰতৰ পৰা গুচি যায়।^১০ এই ঘটনাটোৰ পাছতেই সকলোৱেই বাল্য বিবাহৰ বিৰুদ্ধে সোচ্চাৰ হৈ পৰে^১১ আৰু তাৰ পাছত কেৰালা উচ্চ ন্যায়ালয়ে কন্নুৰৰ এগৰাকী ১৪ বছৰীয়া নাবালিকাৰ বাল্য বিবাহত হস্তক্ষেপ কৰি বন্ধ কৰিছিল।^১২

চলচ্চিত্ৰ

আৰ্যদান চৌকথৰ এই বিষয়ত নিৰ্মাণ কৰা পাদাম অন্নুঃঅৰু বিলাপম নামৰ চলচ্চিত্ৰখন ৰাষ্ট্ৰীয় পৰ্য্যায়ত চৰ্চিত হৈছিল।^১৩

বিৰোধিতা

মুছলিম সংগঠনে ছোৱালীৰ বিবাহৰ ন্যূনতম বিবাহক আইনৰ ওচৰত প্ৰত্যাহ্বান জনোৱাৰ পাছত ষ্টুডেণ্ট ফেডেৰেচন অৱ ইণ্ডিয়াই ৰাজ্যজুৰি সেই কাৰ্যৰ প্ৰতিবাদ জনাইছিল।^১৪১৫ কমিউনিষ্ট পাৰ্টি অৱ ইণ্ডিয়া (মাৰ্ক্সিষ্ট)ৰ ৰাজ্যিক সম্পাদক পিনাৰায় বিজয়নে কৈছিল যে মুছলম লীগে আগন্তুক লোকসভা নিৰ্বাচনত ভোটৰ মেৰুবিভাজন ঘটাবলৈ তথা মুছলিম ছোৱালীসকলক শিক্ষাৰ পৰা বঞ্চিত কৰিবলৈ ছোৱালীসকলৰ বিবাহৰ ন্যূনতম বয়স কমাব বিচাৰি আছিল।^১৬ বিৰোধী নেতা আৰু কেৰালাৰ প্ৰাক্তন মুখ্যমন্ত্ৰী ভি এছ অচুথানন্দনেও এই কাৰ্যক নিন্দা কৰিছিল।^১৭ লগতে কেৰালাৰ মহিলা আয়োগেও ইয়াৰ বিৰোধিতা কৰিছিল।^১৮