কেথেৰিন শ্ব’ৱাৰ্জেনেগাৰ

কেথেৰিন ইউনিচ শ্ব'ৱাৰ্জেনেগাৰ প্ৰাট (শ্ব’ৱাৰ্জেনেগাৰ; জন্ম: ১৩ ডিচেম্বৰ, ১৯৮৯)^১ এগৰাকী আমেৰিকান লেখিকা।^২

প্ৰাৰম্ভিক জীৱন আৰু পৰিয়াল

কেথেৰিন ইউনিচ শ্ব’ৱাৰ্জেনেগাৰ হৈছে অষ্ট্ৰিয়াত জন্মগ্ৰহণ কৰা আমেৰিকান দেহগঠনকাৰী-অভিনেতা-ৰাজনীতিবিদ আৰ্নল্ড শ্ব’ৱাৰ্জেনেগাৰ আৰু আমেৰিকান সাংবাদিক তথা লেখিকা মাৰিয়া শ্ৰীভাৰৰ জ্যেষ্ঠ সন্তান।^৩

তেওঁ ১৯৮৯ চনৰ ১৩ ডিচেম্বৰত লছ এঞ্জেলছ, কেলিফৰ্ণিয়া, আমেৰিকা যুক্তৰাষ্ট্ৰত জন্মগ্ৰহণ কৰে।^১

মাতৃৰফালৰপৰা তেওঁৰ আইতাক-দেউতাক আছিল ইউনিচ কেনেডি শ্ৰীভাৰ আৰু চাৰ্জেণ্ট শ্ৰীভাৰ।^৪

তেওঁৰ এজন কনিষ্ঠ ভনী ক্ৰিষ্টিনা, দুজন কনিষ্ঠ ভাতৃ পেট্ৰিক আৰু ক্ৰিষ্ট’ফাৰ আছে,^৫ আৰু পিতৃৰফালৰপৰা তেওঁৰ এজন সতীয়া ভাতৃ জোচেফ বায়েনা আছে।^৬

তেওঁ ২০১২ চনত দক্ষিণ কেলিফৰ্ণিয়া বিশ্ববিদ্যালয়ৰপৰা স্নাতক ডিগ্ৰী লাভ কৰে।^৭

কেৰিয়াৰ

২০১০ চনত কেথেৰিন শ্ব’ৱাৰ্জেনেগাৰে ৰক হোৱাট ইউ’ভ গট: ছিক্ৰেটছ টু লাভিং ইউৰ ইনৰ এণ্ড আউটাৰ বিউটি ফ্ৰম সামৱান হু’জ বিন দেৰ এণ্ড বেক শীৰ্ষক এখন গ্ৰন্থ ৰচনা কৰে।^৮

২০১৪ চনত তেওঁ আই জাষ্ট গ্ৰেজুৱেটেড ... নাও হোৱাট? শীৰ্ষক দ্বিতীয় গ্ৰন্থ প্ৰকাশ কৰে।^৯

২০১৭ চনত তেওঁ শিশু-পাঠ্য গ্ৰন্থ মেভেৰিক এণ্ড মি ৰচনা কৰে।^১০

তেওঁৰ আন এখন গুৰুত্বপূৰ্ণ গ্ৰন্থ হৈছে দ্য গিফ্ট অৱ ফৰ্গিভনেছ: ইনস্পাইৰিং ষ্টৰিজ ফ্ৰম দোজ হু হেভ অ’ভাৰকাম দ্য আনফৰ্গিভেবল।^২

ব্যক্তিগত জীৱন

শ্ব’ৱাৰ্জেনেগাৰে ২০১৮ চনত অভিনেতা ক্ৰিছ প্ৰেটৰ সৈতে সম্পৰ্ক আৰম্ভ কৰে। ২০১৯ চনৰ জানুৱাৰী মাহত তেওঁলোকে বাগদানৰ ঘোষণা কৰে আৰু একে বছৰৰ জুন মাহত বিবাহ সম্পন্ন কৰে।^১১১২

তেওঁলোকৰ দুগৰাকী কন্যা আৰু এজন পুত্ৰ আছে।^{১৩১৪১৫}

শ্ব’ৱাৰ্জেনেগাৰ আমেৰিকান ছ’চাইটি ফৰ দ্য প্ৰিভেনচন অৱ ক্ৰুয়েলটি টু এনিমেলছৰ এজন এম্বেছাডৰ।^১০ তেওঁ বেষ্ট ফ্ৰেণ্ডছ এনিমেল ছ’চাইটিকো সমৰ্থন কৰে।^১৬ তেওঁ আৰু তেওঁৰ স্বামী স্পেচিয়েল অলিম্পিক্সৰ গ্ল’বেল এম্বেছাডৰ হিচাপে কাৰ্যনিৰ্বাহ কৰে।^১৭

গ্ৰন্থপঞ্জী

• কেথেৰিন শ্ব’ৱাৰ্জেনেগাৰ. (২০১০-০৯-১৪). ৰক হোৱাট ইউ’ভ গট: ছিক্ৰেটছ টু লাভিং ইউৰ ইনৰ এণ্ড আউটাৰ বিউটি ফ্ৰম সামৱান হু’জ বিন দেৰ এণ্ড বেক. হেচেট বুকছ. ISBN ৯৭৮-১-৪০১৩-৪১৪৩-৫
• কেথেৰিন শ্ব’ৱাৰ্জেনেগাৰ. (২০১৪-০৪-০১). আই জাষ্ট গ্ৰেজুৱেটেড .. নাও হোৱাট?: অনেষ্ট আন্সাৰ্ছ ফ্ৰম দোজ হু হেভ বিন দেৰ. ক্ৰাউন পাব্লিছিং. ISBN ৯৭৮-০৩৮৫৩৪৭২০৪
• কেথেৰিন শ্ব’ৱাৰ্জেনেগাৰ. (২০১৭-০৯-০৫). মেভেৰিক এণ্ড মি. ৱৰ্থি পাব্লিছিং. ISBN ৯৭৮-০৮২৪৯৫৬৮৭৫
• কেথেৰিন শ্ব’ৱাৰ্জেনেগাৰ প্ৰাট. (২০২০-০৩-১০). দ্য গিফ্ট অৱ ফৰ্গিভনেছ: ইনস্পাইৰিং ষ্টৰিজ ফ্ৰম দোজ হু হেভ অ’ভাৰকাম দ্য আনফৰ্গিভেবল. পামেলা ডৰ্মান বুকছ. ISBN ৯৭৮-১৯৮৪৮৭৮২৫০
• কেথেৰিন শ্ব’ৱাৰ্জেনেগাৰ প্ৰাট. (২০২৩-০২-০৭). গুড নাইট, চিষ্টাৰ. পেংগুইন ৱৰ্কশ্বপ. ISBN ৯৭৮-০৫৯৩৩৮৫৮১৪