কিৰণ মহেশ্বৰী

কিৰণ মহেশ্বৰী (Kiran Maheshwari, ২৯ অক্টোবৰ ১৯৬১ – ৩০ নৱেম্বৰ ২০২০) আছিল ৰাজস্থান ৰাজ্যৰ এজন ভাৰতীয় ৰাজনীতিবিদ৷ তেওঁ ভাৰতীয় জনতা পাৰ্টীৰ প্ৰতিনিধি আছিল।

জীৱনী

কিৰণ মহেশ্বৰীয়ে ১৪ নং লোকসভা (২০০৪–২০০৯)ত উদয়পুৰ সমষ্টিৰ পৰা সংসদৰ সদস্য হিচাপে নিৰ্বাচিত হৈ সদনত কাৰ্যনিৰ্বাহ কৰিছিল। ২০০৯ চনৰ মে' মাহৰ নিৰ্বাচনত আজমেৰ লোকসভা সমষ্টিৰ পৰা তেওঁ ভাৰতীয় জাতীয় কংগ্ৰেছৰ শচীন পাইলটৰ বিৰুদ্ধে যুঁজ দি ১৫ নং লোকসভাত পৰাস্ত হয়। ইয়াৰ পিছত তেওঁ ৰাজস্থান বিধানসভা নিৰ্বাচনত ৰাজসামন্দ বিধানসভাৰ আসনৰ পৰা ডিচেম্বৰ ২০১৩ নিৰ্বাচনত প্ৰতিদ্বন্দ্বিতা কৰে আৰু ৩০,০০০ৰো অধিক ভোটৰ ব্যৱধানত জয়ী হয়। ২০১৮ চনৰ বিধানসভা নিৰ্বাচনত তেওঁ এই আসনখন অক্ষুণ্ণ ৰাখিছিল।^১২

২০২০ চনত তেওঁ কভিড-১৯ত আক্ৰান্ত হয়৷ পৰীক্ষাত কভিড-পজিটিভ পোৱা গৈছিল৷ এমাহৰ পিছত ৩০ নৱেম্বৰত, হাৰিয়ানাৰ গুৰুগ্ৰামৰ মেদান্তা চিকিৎসালয়ত চিকিৎসাধীন হৈ থকা অৱস্থাত তেওঁৰ মৃত্যু হয়৷ তেওঁ ২১ দিন চিকিৎসালয়ত ভৰ্তি হৈ আছিল৷^৩৪