এৰিকা ফণ্টেছ

এৰিকা ফণ্টেছ (ইংৰাজী ভাষা: Erica Fontes; জন্ম: ১৪ মে' ১৯৯১) লিবছবনৰ এগৰাকী পৰ্তুগীজ ভাষা পৰ্ণগ্ৰাফিক চলচ্চিত্ৰৰ অভিনয় শিল্পী। ২০১৩ চনত ২১ বছৰ বয়সত এৰিকা ফণ্টেছে 'ফৰেইন ফিমেল পাৰ্ফৰ্মাৰ অৱ দ্য ইয়াৰ' শিতানত এক্সবিআইজেড বঁটা লাভ কৰা প্ৰথম আৰু একমাত্ৰ পৰ্তুগীজ ভাষা মহিলা হিচাপে পৰিগণিত হয়।^১ তেওঁৰ কাল্পনিক উপাধি 'ফণ্টেছ' তেওঁ আৰু তেওঁৰ সংগী এঞ্জেলো ফেৰোৱে বাছনি কৰিছিল। এঞ্জেলো ফেৰো এজন পৰ্ণগ্ৰাফিক অভিনেতা আৰু ফুটবলাৰ। লিবছবনৰ বেনফিকাৰ এখন দন্ত চিকিৎসালয়ত তেওঁলোকৰ প্ৰথম পৰ্ণ ছবিৰ শ্বুটিংলৈ যোৱাৰ সময়ত তেওঁলোকে এই নামটো স্থিৰ কৰিছিল।^২৩৪৫

তেওঁৰ গ্ৰন্থ "ডি কৰ্পো ই আলমা: দোজ ফিল্মছ আ ভিডা ৰিয়েল। এজ কনফিছোজ দা এষ্ট্ৰেলা ডি ফিল্মছ পাৰা এডাল্টোজ কি কনকুইষ্টৌ অ’ মুণ্ডো" (দেহ আৰু আত্মা: চিনেমাৰ পৰা প্ৰকৃত জীৱনলৈ। বিশ্ব জয় কৰা প্ৰাপ্তবয়স্ক চিনেমাৰ তাৰকাগৰাকীৰ স্বীকাৰোক্তি) (২০১৩) ত তেওঁ ব্যক্ত কৰিছে যে "আজিও দৃশ্যটো শেষ হ'লে মই সদায় সকাহ অনুভৱ কৰোঁ"। ইতিহাসবিদ এণ্টনিঅ' আৰাউজোৰ মতে, প্ৰতিটো দৃশ্যৰ শেষত এৰিকাই অনুভৱ কৰা সকাহে বিখ্যাত আৰু বিশাল 'মিছ ৰিপৰ্ট'ৰ শীতল অনুচ্ছেদসমূহক আংশিকভাৱে হ'লেও সমৰ্থন কৰে। ১৯৬০ তকৈও অধিক পৃষ্ঠাৰ এই প্ৰতিবেদনখনত স্পষ্ট যৌন সমল প্ৰদৰ্শন কৰা শিল্পীসকলৰ চৰিত্ৰ বৰ্ণনা কৰা হৈছিল: ভাঙি যোৱা পাৰিবাৰিক পটভূমি, ড্ৰাগছৰ ব্যৱহাৰ, মঞ্চৰ ভিতৰত আৰু বাহিৰত শোষণ ইত্যাদি।^৪৫৬৭

তেওঁ বহুতো পৰ্ণগ্ৰাফিক ছবিত অংশগ্ৰহণ কৰিছে, যাৰ ভিতৰত নিম্নলিখিতবোৰ উল্লেখযোগ্য: ২০০৯ চনত মুক্তি পোৱা তেওঁৰ প্ৰথম ছবি মাৰিয়াছ চেক্সুৱেল ডায়েৰী; কমেডী ছবি বিম্বি, দ্য চেক্স মেচিন, যিখন বিশ্বৰ প্ৰথম থ্ৰীডি পৰ্ণ ছবি; ৰেড চোফা ১ আৰু ৰেড চোফা ৩; এৰিকা ইন দ্য মেনচন অৱ অৰজিছ আৰু টমাছ টাভেইৰাৰ জীৱনৰ দ্বাৰা অনুপ্ৰাণিত টাভাৰেছ, দ্য বেৰেল-ব্ৰেকিং আৰ্কিটেক্ট। এই আটাইবোৰ ছবি হট গোল্ড কোম্পানীয়ে প্ৰযোজনা কৰিছিল।^৪৫

পৰ্ণ অভিনেত্ৰী এৰিকা ফণ্টেছ, ৰিয়েলিটি শ্ব’ কাছা ডোজ চেগ্ৰেডোজ, ক্ৰীড়া ক্লাব বেনফিকা আৰু চকোলেট কেকৰ ৰেচিপি আছিল ২০১৩ চনত পৰ্তুগীজসকলে গুগলত আটাইতকৈ বেছি বিচাৰা শব্দ। সেই বছৰত পৰ্তুগালত এৰিকা ফণ্টেছ আছিল আটাইতকৈ বেছি সন্ধান কৰা চেলিব্ৰিটি, যিয়ে আমেৰিকাৰ ছচিয়েল মিডিয়া তাৰকা কিম কাৰ্দাশিয়ানক চেৰ পেলাইছিল আৰু পৰ্তুগীজ ফুটবলাৰ ক্ৰিষ্টিয়ানো ৰোনাল্ডোক তৃতীয় স্থানলৈ ঠেলি দিছিল।^৮