এলেনা ভেলেৰিয়েভনা মিলাছিনা

এলেনা ভেলেৰিয়েভনা মিলাছিনা (: Elena Valeryevna Milashina, ৰাছিয়ান: Елена Валерьевна Милашина, ৰোমানীকৃত: য়েলেনা ভেলেৰিয়েভনা মিলাছিনা; জন্ম ১৯৭৭) ^১২ নোভায়া গাজেটাৰ এগৰাকী ৰাছিয়ান তদন্তকাৰী সাংবাদিক। তেওঁৰ কৰ্মৰাজিৰ বাবে একাধিক বঁটা লাভ কৰিছে।

এক দশকৰো অধিক সময়ৰ ভিতৰত মিলাছিনাক তেওঁৰ কামক লৈ একাধিকবাৰ ভাবুকি আৰু আক্ৰমণৰ সন্মুখীন হৈছে। ২০২৩ চনত চেচেনিয়াত হোৱা এটা বিচাৰৰ বাতৰি পৰিৱেশন কৰি থকাৰ সময়তে তেওঁক গুৰুতৰভাৱে প্ৰহাৰ কৰা হৈছিল।

প্ৰাৰম্ভিক জীৱন আৰু শিক্ষা

১৯৭৭ চনত জন্মগ্ৰহণ কৰা এলেনা মিলাছিনাই ১৯৯৪–৯৫ চনত FLEX বিনিময় কাৰ্যসূচীত অংশগ্ৰহণ কৰে; এই অভিজ্ঞতাই তেওঁক মস্কো ৰাজ্যিক বিশ্ববিদ্যালয়ত প্ৰৱেশ কৰিবলৈ সহায় কৰিছিল।^৩

কৰ্ম জীৱন

1997 চনত, মিলাশিনাই নোভায়া গেজেটাৰ বাবে এজন প্ৰতিবেদক আৰু সাংবাদিক হিচাপে কাম কৰিবলৈ আৰম্ভ কৰিছিল, একে সময়তে পঢ়িও আছিল। তেওঁৰ এজন মেণ্টৰ আছিল আন্না পলিটকোভস্কায়া। 2001 চনত, তেওঁ মস্কো ৰাজ্যিক বিশ্ববিদ্যালয়ৰ সাংবাদিকতা অনুস্থানৰ পৰা স্নাতক হয়।

মিলাশিনাৰ পেছাদাৰী ক্ষেত্ৰৰ আগ্ৰহৰ অঞ্চলসমূহৰ ভিতৰত অন্তৰ্ভুক্ত হৈছে দুৰ্নীতি, উত্তৰ ককেশাস বিশেষকৈ চেচনিয়াত হোৱা মানৱ অধিকাৰ লংঘনৰ ঘটনা। বিশেষকৈ, তেওঁ 2004 চনৰ বেছলান বিদ্যালয় অবৰোধ, 2006 চনত আন্না পলিটকোভস্কায়াৰ হত্যাকাণ্ড, 2008 চনৰ দক্ষিণ অছেটিয়াৰ সংঘৰ্ষ, আৰু 2009 চনৰ নাটালিয়া এষ্টেমিৰোভার অপহৰণ আৰু হত্যাৰ তদন্তত কৰ্মৰত আছিল।^৪ তেওঁ চেচনিয়াত সমকামী জনগোষ্ঠীৰ ওপৰত হোৱা নিৰ্যাতনৰ ক্ষেত্ৰতো প্ৰতিবেদন দাখিল কৰিছিল।^৫৬

তেওঁ নিজৰ সহকৰ্মী আন্না পলিটকোভস্কায়াৰ আৰম্ভ কৰা অনুসন্ধানসমূহ অব্যাহত ৰাখিছিল। পলিটকোভস্কায়াক ২০০৬ চনত মস্কোত হত্যা কৰা হৈছিল। লগতে, তেওঁ উত্তৰ ককেশাসত সংঘটিত ঘটনাসমূহৰ ওপৰত নিজৰ স্বাধীন অনুসন্ধানো চলাই গৈছিল।^৭

আক্ৰমণ আৰু ভাবুকি

২০১২ চনৰ ৫ এপ্ৰিলৰ পুৱাৰ ভাগত মস্কোৰ বালাশিখা চুবুৰীত বন্ধু এলা আছ'য়ানৰ সৈতে মিলাছিনাক দুজন অজ্ঞাত আক্ৰমণকাৰীয়ে আক্ৰমণ কৰে।^৮

২০২০ চনৰ ৬ ফেব্ৰুৱাৰী তাৰিখে, চেচনিয়াৰ গ্ৰোজনীলৈ এটা মামলাৰ শুনানিত অংশগ্ৰহণ কৰিবলৈ গৈ থাকোঁতে, মিলাশিনা আৰু মানৱ অধিকাৰ বিষয়ক আইনজীবী মাৰিনা ডুব্ৰোভিনাক অজ্ঞাত মহিলা আক্ৰমণকাৰীসকলে কণ্টিনেণ্টেল হোটেলৰ লবীত আক্ৰমণ কৰি প্ৰহাৰ কৰিছিল।^৯

নোভায়া গাজেটাই ২০২২ চনৰ ৮ ফেব্ৰুৱাৰীত ৰিপ'ৰ্ট কৰিছিল যে মিলাছিনাই তেওঁৰ বিৰুদ্ধে ভাবুকি দিয়াৰ বাবে ৰাছিয়া এৰি যাবলৈ বাধ্য হৈছে।^১০১১

২০২৩ চনৰ জুলাই মাহত চেচেনিয়াত এটা সশস্ত্ৰ গোটে আক্ৰমণ কৰা বুলি কোৱাৰ পিছত মিলাছিনা আৰু জাৰেমা মুছায়েভাৰ অধিবক্তা আলেকজেণ্ডাৰ নেমভক চিকিৎসালয়ত ভৰ্তি কৰা হয়, যাৰ বিচাৰ মিলাছিনাই প্ৰতিবেদন প্ৰস্তুত কৰি আছিল।^৫৬ মেম'ৰিয়েল মানৱ অধিকাৰ সংস্থাৰ মতে, আক্ৰমণকাৰীসকলে মিলাছিনাৰ মূৰৰ চুলি কাটি চেলিয়নকা আক্ৰমণ বুলি জনাজাত সেউজীয়া ৰংৰে ঢাকি দিছিল, একে সময়তে তাইক গুচি যাবলৈ আৰু কোনো প্ৰবন্ধ লিখিব নালাগে বুলি কৈছিল।^৫৬ মিলাছিনা আৰু নেমভক বিমানেৰে মস্কোলৈ লৈ যোৱা হয়, য'ত মিলাছিনাক মগজুৰ আঘাতজনিত কাৰনত, হাতৰ অসংখ্য ফ্ৰেকচাৰ আৰু ঘাঁৰ বাবে চিকিৎসালয়ত ভৰ্তি কৰা হয়।^{১২১৩১৪}

বঁটা আৰু সন্মান

• ২০০১ চনত ৰাছিয়াৰ গোল্ডেন পেন [ru] তদন্তকাৰী সাংবাদিকতা বিভাগত ৰাছিয়াৰ চাবমেৰিন কুৰ্স্ক (K-141)ৰ বিষয়ে ধাৰাবাহিকভাৱে সামগ্ৰীৰ বাবে^১৫১৬
• হিউমেন ৰাইটছ ৱাচৰ এলিছন ডেছ ফৰ্জেছ বঁটা অসাধাৰণ সক্ৰিয়তাৰ বাবে (২০০৯)^১৭৪
• নাইট-ৱালেছ ফেল'শ্বিপ ফৰ জাৰ্নেলিষ্ট (২০০৯-২০১০)
• আন্তৰ্জাতিক সাহসী মহিলা বঁটা (২০১৩)^১৮
• বিনামূলীয়া মিডিয়া বঁটা (২০১৬)^১৯