এলনাজ নৌৰুজি

এলনাজ নৌৰুজি ( Elnaaz Norouzi); জন্ম: ৯ জুলাই ১৯৯২)^১২৩ এগৰাকী ইৰানীমূলীয় জাৰ্মান অভিনেত্ৰী।

প্ৰাৰম্ভিক জীৱন আৰু শিক্ষা

এলনাজ নৌৰুজীৰ জন্ম হৈছিল ইৰানৰ তেহৰাণত।^৪ জন্মৰ কিছুসময়ৰ পাছতে তেওঁৰ পৰিয়ালটো জাৰ্মানীৰ হানোভাৰলৈ গুচি যায়। নোৰুজীয়ে জাৰ্মান নাগৰিকত্ব লাভ কৰিছে।^৫ চৈধ্য বছৰ বয়সৰপৰাই অভিনেত্ৰী হিচাপে কাম কৰিবলৈ আৰম্ভ কৰে। স্কুলত পঢ়াৰ সময়ত ছুটিৰ দিনত ফটোশ্বুট কৰাটো দৈনন্দিন কাম হৈ পৰিছিল। ১৯ বছৰ বয়সলৈকে তাই সমগ্ৰ এছিয়া আৰু ইউৰোপ ভ্ৰমণ কৰিছিল। হেনোভাৰৰ গ’থেছচুলৰপৰা স্নাতক ডিগ্ৰী লাভ কৰাৰ পাছত তাই ভাৰতলৈ যোৱাৰ সিদ্ধান্ত লয়। ^৬

কৰ্মজীৱন

১৪ বছৰ বয়সত জাৰ্মানীত মডেল হিচাপে নিজৰ কেৰিয়াৰ আৰম্ভ কৰে।^৭ ২০১৭ চনত তেওঁ পাকিস্তানী ছবি মান জাও নাত এগৰাকী কণমানি ছোৱালী ৰানিয়াৰ চৰিত্ৰত অভিনয় কৰে। ^৮ নেটফ্লিক্স বলীউডৰ ৱেব ধাৰাবাহিক ছেক্ৰেড গেমছত জোয়াৰ চৰিত্ৰত অভিনয় কৰি তেওঁ ভাৰতীয় চলচ্চিত্ৰ জগতত প্ৰৱেশ কৰে।^৯ পিছলৈ নোৰুজীয়ে হেলো চাৰ্লি, চুট্জপাহ, তেহৰাণ, অভয়, খিডো খুণ্ডি আৰু মেড ইন হেভেন আদি বহুতো চিনেমা আৰু ধাৰাবাহিকত কাম কৰে।^১০১১

কৰণ জোহৰৰদ্বাৰা প্ৰযোজিত ৰাষ্ট্ৰ কাৱচ ওম আৰু জগ জগ জীয়ো ছবিত তেওঁ নৃত্যৰ সংখ্যা পৰিৱেশন কৰিছিল।^১২ ২০২২ চনৰ জুলাই মাহত তেওঁ "লা লা লাভ" গীতটোৰ জৰিয়তে গীতৰ অভিষেক ঘটায়।^১৩ ২০২২ চনৰ মিলিন্দ কাভাডেৰ পৰিচালনাত নিৰ্মিত টাকাটক ২ ছবিৰ আইটেম নম্বৰ মাৰাঠী গীত "হৃদয়ী বসন্ত ফুলতানা"ত তেওঁ বিশেষভাৱে অংশগ্ৰহণ কৰে।^১৪

২০২৫ চনৰ জুন মাহত প্ৰাইম ভিডিঅ' শ্ব' "দ্য ট্ৰেইটাৰ্ছ"ত প্ৰতিযোগী হিচাপে অংশগ্ৰহণ কৰে; ৭ম দিনত বাহিৰ হৈ ১১ নম্বৰ স্থান লাভ কৰে। ^১৫

ব্যক্তিগত জীৱন

এলনাজ নৰুজীৰ জন্ম হৈছিল ইৰানত।^১৬ তেওঁৰ পৰিয়াল জাৰ্মানীলৈ স্থানান্তৰিত হয়, য'ত তেওঁ ডাঙৰ হয় আৰু কিশোৰ বয়স তাতেই কটায়। ^১৭ ২০১৫ চনত ভাৰতত নতুন ঘৰ বিচাৰি পায়।^১৮ নৌৰুজীয়ে ইংৰাজী ভাষা, জাৰ্মান, ফৰাচী ভাষা, পাৰ্চী, হিন্দী ভাষা, পঞ্জাবী ভাষা আৰু উৰ্দু ভাষা ভাষা ক'ব পাৰে, যাৰ ফলত তেওঁ বিভিন্ন চলচ্চিত্ৰ উদ্যোগত অভিনয় কৰাত সহায় কৰিছে।^১৯

২০১৮ চনত তেওঁ পৰিচালক বিপুল শ্বাহৰ বিৰুদ্ধে যৌন নিৰ্যাতনৰ অভিযোগ উত্থাপন কৰে।^২০২১

২০২২ চনত মাহছা আমিনিৰ প্ৰতিবাদৰ সময়ত নোৰুজীয়ে বলপূৰ্বক মূৰ ঢাকি ৰখাৰ বিৰুদ্ধে হোৱা প্ৰতিবাদৰ সমৰ্থন জনাইছিল।^২২ ২০২৬ চনৰ জানুৱাৰী মাহত তেওঁ ২০২৫–২০২৬ চনৰ ইৰাণৰ প্ৰতিবাদ আৰু ৰেজা পাহলৱীৰ সমৰ্থনত তেওঁৰ গীত "জাভিদ শ্বাহ" ^২৩ মুকলি কৰে।

ফিল্মগ্ৰাফী

দূৰদৰ্শন

মিউজিক ভিডিঅ'