ইৰিনা ষ্টাৰচেনবাম

ইৰিনা ভ্লাদিমিৰোভনা ষ্টাৰচেনবাম (ইংৰাজী: Irina Vladimirovna Starshenbaum; জন্ম: ৩০ মাৰ্চ ১৯৯২) এগৰাকী ৰাছিয়ান অভিনেত্ৰী। টি-৩৪ (চলচ্চিত্ৰ)|টি-৩৪ চলচ্চিত্ৰত কৰা অভিনয়ৰ বাবে তেওঁ শ্ৰেষ্ঠ অভিনেত্ৰীৰ টিইএফআই (TEFI) বঁটা লাভ কৰাৰ লগতে শ্ৰেষ্ঠ অভিনেত্ৰী শিতানত গ’ল্ডেন ইগল বঁটা (ৰাছিয়া)|গ’ল্ডেন ইগল বঁটাৰ বাবে মনোনীত হৈছিল।^১

জীৱনী

তেওঁ মস্কো ষ্টেট ইউনিভাৰ্ছিটি অফ প্ৰিণ্টিং আৰ্টছৰ মিডিয়া বিজনেছ আৰু পাব্লিক ৰিলেচন বিভাগৰপৰা স্নাতক ডিগ্ৰী লাভ কৰে। ২০১৩ চনৰপৰা তেওঁ অভিনয় জীৱন আৰম্ভ কৰে। ২০১৭ চনত তেওঁ ফিচাৰ ফিল্মত আত্মপ্ৰকাশ কৰে। তেওঁ ফিঅ'ডৰ বোনডাৰচুকৰ কল্পবিজ্ঞান ভিত্তিক চলচ্চিত্ৰ এট্ৰাকচনত মুখ্য চৰিত্ৰত অভিনয় কৰিছিল। ২০১৮ চনত ভিক্টৰ চই আৰু মাইক নৌমেংকোৰ জীৱনৰ ওপৰত ভিত্তি কৰি নিৰ্মিত কিৰিল চেৰেব্ৰেনিকভৰ ছবি লেটো মুক্তি পায়, য’ত ইৰিনাই মুখ্য চৰিত্ৰত অভিনয় কৰিছিল। ২০১৮ চনৰ শীতকালত অন্যান্য অভিনেতা আৰু সংগীতজ্ঞসকলৰ সৈতে মিলি তেওঁৰ নেতৃত্বত ৰাষ্ট্ৰপতি পুটিনলৈ এক সামূহিক ভিডিঅ’ বাৰ্তা প্ৰেৰণ কৰি পশু অধিকাৰ সুৰক্ষা আইন গৃহীত কৰিবলৈ অনুৰোধ জনাইছিল।^২ ২০২৩ চনত তেওঁ মাইকেল উইণ্টাৰবটমৰ ছবি শশানা ৰ জৰিয়তে প্ৰথমবাৰৰ বাবে ইংৰাজী ভাষাৰ ছবিত অভিনয় কৰে। ইয়াত তেওঁ সমাজবাদী জীয়নবাদৰ অন্যতম প্ৰতিষ্ঠাপক বেৰবোৰোচভৰ কন্যা শশানা বোৰোচভৰ চৰিত্ৰত অভিনয় কৰিছে।^৩৪

ব্যক্তিগত জীৱন

এট্ৰাকচন চলচ্চিত্ৰখনৰ দৃশ্যগ্ৰহণৰ পিছত তেওঁ অভিনেতা আলেকজেণ্ডাৰ পেট্ৰোভ (অভিনেত্ৰী)|আলেকজেণ্ডাৰ পেট্ৰোভৰ সৈতে প্ৰেমৰ সম্পৰ্কত আবদ্ধ হয়। ২০১৭ চনত তেওঁলোকে আঙঠি পিন্ধোৱা পৰ্ব সম্পন্ন হোৱা বুলি ঘোষণা কৰিছিল, কিন্তু ২০১৯ চনত তেওঁলোকৰ মাজত বিচ্ছেদ ঘটে।^৫৬ তেওঁ এগৰাকী ইহুদী ধৰ্মাৱলম্বী মহিলা।^৭