ইউলিয়া পলিয়াচিখিনা

ইউলিয়া চাৰ্গেয়েভনা পলিয়াচিখিনা (ইংৰাজী ভাষা: Yulia Sergeyevna Polyachikhina; জন্ম: ৬ ফেব্ৰুৱাৰী ২০০০) এগৰাকী ৰুছ ভাষা মডেল আৰু সৌন্দৰ্য প্ৰতিযোগিতাৰ খিতাপধাৰী যিয়ে মিছ ৰাছিয়া ২০১৮-ৰ মুকুট লাভ কৰিছিল। তেওঁ মিছ ইউনিভাৰ্ছ ২০১৮ ত ৰাছিয়াক প্ৰতিনিধিত্ব কৰিছিল যদিও কোনো স্থান লাভ কৰিবলৈ সমৰ্থ নহ’ল।

প্ৰাৰম্ভিক জীৱন

ৰাছিয়ান পিতৃ চাৰ্গেই পলিয়াচিখিন আৰু চুভাশ মাতৃ ওলগা পলিয়াচিখিনাৰ ঘৰত চেবোকচাৰীত পলিয়াচিখিনাৰ জন্ম হৈছিল।^১২ মিছ ৰাছিয়া হোৱাৰ পূৰ্বে পলিয়াচিখিনাই চুভাশ ষ্টেট ইউনিভাৰ্ছিটীত সাংবাদিকতা অধ্যয়ন কৰি আছিল।^৩ তেওঁ পেৰিছ আৰু ওছাকাত এগৰাকী পেছাদাৰী মডেল হিচাপে কাম কৰিছে।^৪৫

সৌন্দৰ্য প্ৰতিযোগিতা

পলিয়াচিখিনাই ২০১৫ চনৰ মিছ চুভাশিয়া প্ৰতিযোগিতাত অংশগ্ৰহণ কৰি প্ৰথম ৰানাৰ্ছ-আপ হৈ নিজৰ কেৰিয়াৰ আৰম্ভ কৰিছিল। পিছৰ বছৰত তেওঁ জয়ী হয় আৰু মিছ চুভাশিয়া ২০১৬ ৰ মুকুট পিন্ধিবলৈ সক্ষম হয়। ইয়াৰ পিছত তেওঁ মিছ গ্ল’ব ২০১৬ ত ৰাছিয়াক প্ৰতিনিধিত্ব কৰি শীৰ্ষ দহগৰাকীৰ ভিতৰত স্থান লাভ কৰে।^১ পৰৱৰ্তী সময়ত পলিয়াচিখিনাই মস্কোত অনুষ্ঠিত হোৱা মিছ ৰাছিয়া ২০১৮ ত চুভাশিয়াক প্ৰতিনিধিত্ব কৰে।^৬২ এই প্ৰতিযোগিতাত তেওঁ স্ভাৰ্ডলভস্ক ওব্লাষ্টৰ পোলিনা পোপোভাৰ উত্তৰাধিকাৰী হিচাপে জয়লাভ কৰে।^৭ বেলগোৰোডৰ ভায়োলেটা টিউৰ্কিনা আৰু য়াকুটিয়াৰ নাটালিয়া ষ্ট্ৰোয়েভা ক্ৰমে ৰানাৰ্ছ-আপ হয়।^৮ পুৰস্কাৰ হিচাপে তেওঁ এখন নতুন গাড়ী আৰু ৩ নিযুত ৰাছিয়ান ৰুবল লাভ কৰে।^৯ মিছ ৰাছিয়া হিচাপে তেওঁ মিছ ইউনিভাৰ্ছ ২০১৮ ত ৰাছিয়াক প্ৰতিনিধিত্ব কৰিছিল যদিও কোনো স্থান লাভ কৰিব নোৱাৰিলে।^৫

২০১৯ চনৰ ১৩ এপ্ৰিলত পলিয়াচিখিনাই আজভৰ আলিনা চাংকোক মিছ ৰাছিয়া ২০১৯ ৰ মুকুট পিন্ধাই তেওঁৰ উত্তৰাধিকাৰী হিচাপে ঘোষণা কৰে।^{১০১১১২}

বাহ্যিক সংযোগ

• মিছ ৰাছিয়াৰ আনুষ্ঠানিক ৱেবছাইট