ইংগ্ৰিড জেন পিকাৰিং

ইংগ্ৰিড জেন পিকাৰিং এফ আৰ এছ চি এগৰাকী ভূ-বিজ্ঞানী। তেওঁ এগৰাকী অধ্যাপিকা আৰু ছাস্কাচেৱান বিশ্ববিদ্যালয়ত কানাডা আণৱিক পৰিৱেশ বিজ্ঞানৰ গৱেষণা অধ্যক্ষ। ২০১৮ চনত পিকাৰিং আছিল কানাডা ফাউণ্ডেশ্যন ফৰ ইনোভেচন ব’ৰ্ড অৱ ডাইৰেক্টৰৰ অধ্যক্ষ নিযুক্তিপ্ৰাপ্ত প্ৰথমগৰাকী মহিলা।

প্ৰাথমিক জীৱন আৰু শিক্ষা

পিকাৰিঙে ইংলেণ্ডত জন্মগ্ৰহণ কৰে আৰু ডাঙৰ-দীঘল হয়।^১ তেওঁ কেম্ব্ৰিজ বিশ্ববিদ্যালয় আৰু ইম্পেৰিয়েল কলেজ লণ্ডনত পঢ়িছিল।^২ পি এইচ ডি সম্পূৰ্ণ কৰাৰ পাছত উত্তৰ আমেৰিকালৈ যোৱাৰ পূৰ্বে গ্ৰেট ব্ৰিটেইনৰ ৰয়েল ইনষ্টিটিউচনত গৱেষণা কৰে। আমেৰিকাত থকাৰ সময়ত পিকাৰিঙে এক্সন ৰিচাৰ্চ এণ্ড ইঞ্জিনিয়াৰিং কোম্পানীত দুবছৰ পোষ্ট ডক্টৰেট ফেলো হিচাপে কাম কৰাৰ পাছত ষ্টেনফৰ্ড বিশ্ববিদ্যালয়ৰ ষ্টেনফৰ্ড চিনক্ৰ'ট্ৰন ৰেডিয়চন লাইটছ'ৰ্চ (SSRL)লৈ গুচি যায়।^৩

কেৰিয়াৰ

২০০৩ চনত পিকাৰিং আৰু তেওঁৰ স্বামী গ্ৰেহাম জৰ্জ দুয়োকে স্কুলৰ চিনক্ৰ'ট্ৰন পোহৰৰ উৎস ব্যৱহাৰ কৰি গৱেষণা অব্যাহত ৰাখিবলৈ ছাস্কাচেৱান বিশ্ববিদ্যালয়ত টায়াৰ ২ কানাডা গৱেষণা অধ্যক্ষৰ পদৰ প্ৰস্তাৱ দিয়া হয়।^১ যদিও তেওঁলোকে প্ৰথমে ষ্টেনফৰ্ড বিশ্ববিদ্যালয়ৰ অধ্যাপক পদ এৰিবলৈ আংশিক আছিল, জৰ্জে কানাডাৰ পোহৰৰ উৎসৰ সৈতে কাম কৰিবলৈ ছাস্কাচেৱানলৈ গুচি যাবলৈ পতিয়ন গৈছিল।^৪ ছাস্কাচেৱানত উপস্থিত হোৱাৰ লগে লগে তেওঁলোকে এছ এছ আৰ এলৰ গৱেষকৰ সৈতে সহযোগিতা কৰি জেব্ৰাফিছ, মচুৰ দাইলৰ উদ্ভিদ, কনটেক্ট লেন্স আৰু কেটাৰপিলাৰে মিথাইলমাৰ্চাৰী চিষ্টাইনৰ প্ৰতি কেনে প্ৰতিক্ৰিয়া কৰে সেই বিষয়ে অধ্যয়ন কৰে।^৫ ২০১২ চনৰ ভিতৰত হাইয়াৰ এডুকেচন ষ্ট্ৰেটেজি এছ'চিয়েটছৰ সমীক্ষাৰদ্বাৰা পিকাৰিঙক কানাডাৰ শীৰ্ষ তিনিজন ভূবিজ্ঞানীৰ ভিতৰত অন্যতম হিচাপে স্থান দিয়া হয় আৰু কানাডা ফাউণ্ডেশ্যন ফৰ ইনোভেচন ব'ৰ্ড অৱ ডাইৰেক্টৰত নিযুক্তি দিয়া হয়।^৬

কানাডাৰ পোহৰৰ উৎসত চিনক্ৰ'ট্ৰন পোহৰ ব্যৱহাৰ কৰি কৰা শৈক্ষিক গৱেষণাৰ ফলত পিকাৰিঙক আণৱিক পৰিৱেশ বিজ্ঞানৰ টায়াৰ ১ কানাডা গৱেষণা অধ্যক্ষ হিচাপে নিযুক্তি দিয়া হয় আৰু কানাডা ফাউণ্ডেশ্যন ফৰ ইনোভেচন সঁজুলিৰ পুঁজি লাভ কৰে।^৭ ২০১৫ চনত পিকাৰিং আৰু তেওঁৰ স্বামীয়ে বাংলাদেশত চেলেনিয়ামৰ পৰিপূৰকে মানুহক আৰ্ছেনিক বিষক্ৰিয়াৰপৰা ৰক্ষা কৰিব পাৰে নেকি সেই বিষয়ে পৰীক্ষা কৰিবলৈ এক অধ্যয়নৰ সহ-নেতৃত্ব প্ৰদান কৰে।^৮ এই অধ্যয়নে অৱশেষত ছাস্কাচেৱান হেল্থ ৰিচাৰ্চ ফাউণ্ডেশ্যনৰদ্বাৰা ২০১৮ চনৰ এচিভমেণ্ট বঁটা লাভ কৰে।^৯

২০১৮ চনত পিকাৰিং কানাডা ফাউণ্ডেশ্যন ফৰ ইনোভেচনৰ পৰিচালনা সমিতিৰ অধ্যক্ষ নিযুক্তি পোৱা প্ৰথমগৰাকী মহিলা।^১০ "চিনক্ৰ'ট্ৰন কৌশলৰ ক্ষেত্ৰত তেওঁৰ অগ্ৰণী কামৰ বাবেও তেওঁক ৰয়েল ছ'চাইটি অৱ কানাডাৰ ফেলো হিচাপে নিৰ্বাচিত কৰা হয় যিয়ে পৰিৱেশ আৰু মানুহৰ স্বাস্থ্যৰ ওপৰত গধুৰ ধাতুৰ প্ৰভাৱৰ ওপৰত অতি উল্লেখযোগ্য তথ্যৰ সূচনা কৰিছে।"^১১

২০২৪ চনৰ আগষ্ট মাহত পিকাৰিঙক কানাডাৰ পোহৰৰ উৎসৰ মুখ্য বিজ্ঞান বিষয়া হিচাপে নিযুক্তি দিয়া হয়।^১২