আম্ৰপালি ডুবে

আম্ৰপালি ডুবে (ইংৰাজী ভাষা: Amrapali Dubey; জন্ম: ১১ জানুৱাৰী ১৯৮৭) এগৰাকী ভাৰতীয় অভিনেত্ৰী যিয়ে মূলতঃ ভোজপুৰী ভাষা চিনেজাত কাম কৰে। ভোজপুৰী চলচ্চিত্ৰৰ অন্যতম সৰ্বাধিক পাৰিশ্ৰমিক পোৱা আৰু প্ৰতিষ্ঠিত অভিনেত্ৰী হিচাপে পৰিচিত ডুবেই চাৰিটা ভোজপুৰী ফিল্ম এৱাৰ্ডছ আৰু দুটা আন্তঃৰাষ্ট্ৰীয় ভোজপুৰী ফিল্ম এৱাৰ্ডছকে ধৰি কেইবাটাও সন্মান লাভ কৰিছে।^১২৩

ডুবেয়ে ২০০৯ চনত টেলিভিছন ধাৰাবাহিক সাত ফেৰে – চলোনী কা চফৰৰ জৰিয়তে অভিনয় জীৱনৰ পাতনি মেলে। ৰেহনা হায় তেৰী পালকৌ কি ছাওঁ মেঁত সুমন চৰিত্ৰত কৰা অভিনয়ৰ পিছত তেওঁ ২০১৪ চনত নিৰহুয়া হিন্দুস্তানীৰ জৰিয়তে ভোজপুৰী চলচ্চিত্ৰত আত্মপ্ৰকাশ কৰে। তেওঁ নিৰহুয়া হিন্দুস্তানী ২ (২০১৭), বৰ্ডাৰ (২০১৮), নিৰহুয়া হিন্দুস্তানী ৩ (২০১৮), নিৰহুয়া চলল লণ্ডন (২০১৯), শ্বেৰ সিং (২০১৯), আশিকী (২০২২), লাভ বিবাহ ডট কম (২০২২) আৰু ডোলী চাজা কে ৰাখনা (২০২২) আদি সফল ছবিৰ জৰিয়তে এগৰাকী আগশাৰীৰ ভোজপুৰী অভিনেত্ৰী হিচাপে নিজকে প্ৰতিষ্ঠা কৰে।^৪৫৬ তেওঁ দিনেশ লাল যাদৱৰ সৈতে তেওঁৰ অন-স্ক্ৰীণ যুটিৰ বাবেও পৰিচিত। তেওঁৰ ছবি বৰ্ডাৰ বিশ্বজুৰি চতুৰ্থখন সৰ্বাধিক উপাৰ্জন কৰা ভোজপুৰী ছবি হিচাপে পৰিগণিত হৈছে।^৭

প্ৰাৰম্ভিক জীৱন

১৯৮৭ চনৰ ১১ জানুৱাৰীত উত্তৰ প্ৰদেশৰ গোৰখপুৰ জিলাত ডুবেৰ জন্ম হৈছিল।^৮৯ তেওঁ পৰৱৰ্তী সময়ত ককাকৰ সৈতে মুম্বাইলৈ গুচি যায় আৰু তাৰ ভৱনছ কলেজৰ পৰা শিক্ষা সম্পূৰ্ণ কৰে।^৮৯

কেৰিয়াৰ

ডুবেয়ে টেলিভিছনৰ জৰিয়তে নিজৰ কেৰিয়াৰ আৰম্ভ কৰিছিল আৰু তেওঁ সাত ফেৰে – চলোনী কা চফৰত শ্বেতা সিং, মাইকাত টিনা, ৰেহনা হায় তেৰী পালকৌ কি ছাওঁ মেঁত সুমন প্ৰতাপসিং আৰু মেৰা নাম কৰেগী ৰোচনত ৰীত সিং চৰিত্ৰত অভিনয় কৰাৰ বাবে পৰিচিত।^১০

ডুবেয়ে নিৰহুয়া হিন্দুস্তানীৰ জৰিয়তে ভোজপুৰী চলচ্চিত্ৰত কেৰিয়াৰ আৰম্ভ কৰিছিল। ইয়াৰ পিছত তেওঁ পাটনা চে পাকিস্তান, নিৰহুয়া হিন্দুস্তানী ২, বৰ্ডাৰ, নিৰহুয়া হিন্দুস্তানী ৩, নিৰহুয়া চলল লণ্ডন, জয় বীৰু, শ্বেৰ সিং, আশিকী, লাভ বিবাহ ডট কম আৰু ডোলী চাজা কে ৰাখনাৰ দৰে সফল ছবিৰ জৰিয়তে এগৰাকী আগশাৰীৰ অভিনেত্ৰী হিচাপে নিজকে প্ৰতিষ্ঠা কৰে।^{১১১২১৩১৪১৫১৬}

সংবাদ মাধ্যমৰ প্ৰতিচ্ছবি

ডুবে ভোজপুৰী ছবি জগতৰ অন্যতম জনপ্ৰিয় আৰু সৰ্বাধিক পাৰিশ্ৰমিক পোৱা অভিনেত্ৰী হিচাপে গণ্য কৰা হয়।^১৭১৮ ৪.৯ নিযুততকৈও অধিক অনুগামীৰে তেওঁ ইনষ্টাগ্ৰামত আটাইতকৈ বেছি অনুসৰণ কৰা ভোজপুৰী অভিনেত্ৰীসকলৰ ভিতৰত অন্যতম।^১৯২০