আমেৰিকা যুক্তৰাষ্ট্ৰৰ সময়াঞ্চল

আমেৰিকা যুক্তৰাষ্ট্ৰৰ সময়ক আইন অনুসৰি নটা সময় অঞ্চলত ভাগ কৰা হৈছে। দেশখনৰ বেছিভাগ অঞ্চলতে দিবালোক সংৰক্ষণ সময় মানি চলা হয়। এই সময় অঞ্চলসমূহৰ সীমা আৰু দিবালোক সংৰক্ষণ সময়ৰ নীতি-নিয়ম আমেৰিকা যুক্তৰাষ্ট্ৰৰ পৰিবহণ বিভাগৰ আধিনত পৰিচালিত হয়।

সময় অঞ্চলসমূহ

আমেৰিকা যুক্তৰাষ্ট্ৰৰ নটা সময় অঞ্চল হৈছে: পূবৰ পৰা পশ্চিমলৈ আটলান্টিক মান সময় (Atlantic Standard Time, AST), পূব মান সময় (Eastern Standard Time, EST), কেন্দ্ৰীয় মান সময় (Central Standard Time, CST), পৰ্বতীয় মান সময় (Mountain Standard Time, MST), প্ৰশান্ত মান সময় (Pacific Standard Time, PST), আলাস্কা মান সময় (Alaskan Standard Time, AKST), হাৱাই-অলুয়েছিয়ন মান সময় (Hawaii-Aleutian Standard Time, HST), চামোৱা মান সময় (Samoa standard time, ইউ টি চি −১১) আৰু চামাৰো মান সময় (Chamorro Standard Time, ইউ টি চি +১০)। সময় অঞ্চলবোৰৰ সীমা ইয়াত চাব পাৰে।

আমেৰিকাৰ মূল ভূ-খণ্ডত ব্যৱহৃত সময় অঞ্চলসমূহ

পূবৰ পৰা পশ্চিমলৈ, আমেৰিকাৰ মূল ভূ-খণ্ডত ব্যৱহাৰ কৰা সময় অঞ্চলসমূহ:

• পূব মান সময় অঞ্চল: (EST; ইউ টি চি −০৫; Zone R), আটলান্টিক উপকূল আৰু অ’হাঅ’ উপত্যকাৰ পূব ফালৰ তিনিভাগৰ দুভাগ এই সময় অঞ্চলৰ অন্তৰ্গত।
• কেন্দ্ৰীয় মান সময় অঞ্চল: (CST; ইউ টি চি −০৬; Zone S), আমেৰিকা উপসাগৰৰ উপকূল, মিছিছিপি উপত্যকা, আৰু গ্ৰেট প্লেইনচ্ এই সময় অঞ্চলৰ অন্তৰ্গত।
• পৰ্বতীয় মান সময় অঞ্চল: (MST; ইউ টি চি −০৭; Zone T), ৰকি পৰ্বতমালাৰ অঞ্চল ইয়াৰ অন্তৰ্গত।
• প্ৰশান্ত মান সময় অঞ্চল: (PST; ইউ টি চি −০৮; Zone U), প্ৰশান্ত উপকূল আৰু নেভাডা এই সময় অঞ্চলৰ অন্তৰ্গত।

মূল ভূ-খণ্ডৰ বাহিৰৰ ৰাজ্যত ব্যৱহৃত সময় অঞ্চলসমূহ

• আলাস্কা মান সময় অঞ্চল: (AKST; ইউ টি চি −০৯; Zone V), আলাস্কা ৰাজ্যৰ বেছিভাগ অঞ্চল এই সময় অঞ্চলৰ অন্তৰ্গত।
• হাৱাই-অলুয়েছিয়ন মান সময় অঞ্চল: (বা আধিকাৰিক ভাবে হাৱাই মান সময়, Hawaii Standard Time: HST) (HAST; ইউ টি চি −১০; zone W), হাৱাই ৰাজ্য আৰু অলুয়েছিয়ন দ্বীপপুঞ্জৰ অধিকাংশ এই সময় অঞ্চলৰ অন্তৰ্গত।

ৰাজ্যৰ বাহিৰৰ সময় অঞ্চলসমূহ

• আটলান্টিক মান সময় অঞ্চল: (AST; ইউ টি চি −০৪; Zone Q), পুয়েৰ্তো ৰিকো আৰু আমেৰিকা যুক্তৰাষ্ট্ৰৰ ভাৰ্জিনিয়া দ্বীপপুঞ্জ ইয়াৰ অন্তৰ্গত।
• চামোৱা মান সময় অঞ্চল (SST; ইউ টি চি −১১; Zone X), আমেৰিকান চামোৱা এই সময় অঞ্চলৰ অন্তৰ্গত।
• চামাৰো মান সময় অঞ্চল: (ChST; ইউ টি চি +১০; Zone K), গুৱাম আৰু উত্তৰ মাৰিয়ানা দ্বীপপুঞ্জ ইয়াৰ অন্তৰ্গত।

ক্ষুদ্ৰ দূৰবৰ্তী দ্বীপসমূহ

আমেৰিকা যুক্তৰাষ্ট্ৰৰ কিছুমান ক্ষুদ্ৰ দূৰবৰ্তী দ্বীপে উপৰত বহিৰে আন বেলেগ সময় অঞ্চল ব্যৱহাৰ কৰে। বেকাৰ দ্বীপ আৰু হাউলেণ্ড দ্বীপ ইউ টি চি −১২-ৰ অন্তৰ্গত, আনহাতে ৱেক দ্বীপ ইউ টি চি +১২-ৰ অন্তৰ্গত। উদাহৰণ স্বৰূপে বেকাৰ দ্বীপ আৰু হাউলেণ্ড দ্বীপত বুধবাৰৰ দুপৰীয়া ১২ বাজিলে ৱেক দ্বীপ বৃহস্পতি বাৰৰ দুপৰীয়া ১২ বাজিব। আন্তৰাষ্ট্ৰীয় তাৰিখ ৰেখাৰ পৰস্পৰ বিপৰীত ফালে এই দ্বীপকেইটাই কৰা অৱস্থানেই হৈছে ইয়াৰ কাৰণ। আন দূৰবৰ্তী দ্বীপসমূহ হৈছে: জাৰ্ভিচ দ্বীপ, মিডৱে এটোল, পালম্যৰা এটোল আৰু কিংমেন ৰীফ (ইউ টি চি −১১); জনষ্টোন এটোল (ইউ টি চি −১০); আৰু নাভাচা দ্বীপ, বাজ’ নুৱেভ’ বেঙ্ক আৰু চেৰানিলা বেঙ্ক (ইউ টি চি −০৫)।

দিবালোক সংৰক্ষণ সময়

আমেৰিকা যুক্তৰাষ্ট্ৰত দিবালোক সংৰক্ষণ সময় প্ৰথম বাৰৰ বাবে পালন কৰা হয় ১৯১৮ চনত। বৰ্তমান দেশখনৰ অধিকাংশ অঞ্চলতে দিবালোক সংৰক্ষণ সময় মানি চলা হয়। ইয়াৰ ব্যতিক্ৰম হৈছে আৰিজোনা আৰু হাৱাই ৰাজ্য, লগতে পুয়েৰ্তো ৰিকো, আমেৰিকান চামোৱা, গুৱাম, উত্তৰ মাৰিয়ানা দ্বীপপুঞ্জ, আৰু আমেৰিকা যুক্তৰাষ্ট্ৰৰ ভাৰ্জিনিয়া দ্বীপপুঞ্জ।

১৯৮৭ ৰ পৰা ২০০৬ চনলৈ, আমেৰিকা যুক্তৰাষ্ট্ৰত দিবালোক সংৰক্ষণ সময় এপ্ৰিল মাহৰ প্ৰথম দেওবাৰৰ পৰা আৰম্ভ হৈ অক্টোবৰ মাহৰ অন্তিম দেওবাৰত শেষ হৈছিল। শক্তি সঞ্চয়ৰ উদেশ্য, শক্তি নীতি আইন, ২০০৫ অনুসৰি ২০০৭ চনৰ পৰা দিবালোক সংৰক্ষণ সময় এমাহৰ বাবে বঢ়াই দিয়া হয়। তেতিয়াৰে পৰা ই মাৰ্চ মাহৰ দ্বিতীয় দেওবাৰৰ পৰা আৰম্ভ হৈ নৱেম্বৰ মাহৰ প্ৰথম দেওবাৰত শেষ হয়।^১ স্থানীয় সময়ৰ পূৱা ২ বজাত দিবালোক সংৰক্ষণৰ বাবে সময় সলনি কৰা হয়।

সময় আগুৱাই দিয়াৰ দৃশ্য]]

ৰাজ্যসমূহত ব্যৱহৃত সময় অঞ্চলসমূহৰ তালিকা