আদৱা আবোয়া

আডৱোৱা কেটলিন মাৰিয়া আবোয়া ^১২এগৰাকী ব্ৰিটিছ ফেশ্বন মডেল আৰু অভিনেত্ৰী। ২০১৭ চনৰ ডিচেম্বৰ মাহত তেওঁ ব্ৰিটিছ ভ'গৰ কভাৰত দেখা যায়।^৩ ইয়াৰ উপৰিও তেওঁ আমেৰিকান ভোগ, ভোগ ইটালিয়া, ভোগ পোলেণ্ড আৰু আই-ডিৰ কভাৰত অংশগ্ৰহণ কৰিছে।^৪৫৬ ২০১৭ চনত ফেশ্বন উদ্যোগে তেওঁক models.comৰ বাবে বছৰৰ মডেল হিচাপে ভোট দিয়ে।^৭ তেওঁ গাৰ্লছ টক নামৰ এখন মঞ্চৰ প্ৰতিষ্ঠাপক যি যুৱতী আৰু কিশোৰীসকলক মানসিক স্বাস্থ্যৰ বিষয়ে আলোচনা কৰিবলৈ সমল আৰু নিৰাপদ স্থান প্ৰদান কৰে।^৮

চমু জীৱনী

ইংলেণ্ডৰ লণ্ডনৰ ৱেষ্টমিনিষ্টাৰত চাৰ্লছ আবোয়া আৰু কেমিলা ল'থাৰৰ ঘৰত আবোয়াই জন্মগ্ৰহণ কৰিছিল৷^৯ ঘানাৰ আকান জনগোষ্ঠীৰ আকান ভাষাত আডৱোৱা নামৰ অৰ্থ হৈছে "সোমবাৰে জন্ম" (তেওঁৰ জন্ম এটা সোমবাৰে হৈছিল৷)^১০

আবোয়াৰ পিতৃ-মাতৃ দুয়োগৰাকীয়েই ফেশ্বন উদ্যোগৰ সৈতে জড়িত।^{১১১২১৩} তেওঁৰ ভনীয়েক কেছেৱা আবোয়াও এগৰাকী মডেল। মিলফিল্ডত শিক্ষা গ্ৰহণ কৰা আবোয়ায়ে পিছলৈ ২০১৩ চনত ব্ৰুনেল বিশ্ববিদ্যালয়ৰ পৰা আধুনিক নাটকত স্নাতক ডিগ্ৰী লাভ কৰে।^১৪

নিজৰ ব্যক্তিগত সংগ্ৰাম আৰু যুৱতীসকলৰ বাবে মানসিক-স্বাস্থ্য সম্পদৰ অভাৱৰ বাবে উদ্বেগ প্ৰকাশ কৰাৰ পিছত ২০১৭ চনত আবোৱাহে যুৱতীসকলৰ বাবে গাৰ্লছ টক নামৰ এটা সংস্থা আৰম্ভ কৰে।^{১৫১৬১৭} কৰ'নাভাইৰাছ ৰোগ ২০১৯ মহামাৰীৰ সময়ত আবোয়াহে '#CreativeTogether' পদক্ষেপৰ সৃষ্টি কৰিছিল, এই আশাৰে যে সৃষ্টিশীলতা মানুহক সংযোগ কৰাৰ এটা উপায় হ'ব পাৰে আৰু লকডাউনক কেন্দ্ৰ কৰি থকা কিছুমান উদ্বেগৰ বিৰুদ্ধে যুঁজিব পাৰে।^১৮