আতাউল্লা খোছৰাৱানী

আতাউল্লা খোছৰাৱানী ( Ataollah Khosravani ) (জন্ম, ১৯১৯ –মৃত্যু, ছেপ্টেম্বৰ ২০০৫) আছিল এজন ইৰাণী ৰাজনীতিবিদ। ইৰাণ নভিন পাৰ্টিৰ সচিব প্ৰধান হিচাপে কাৰ্যনিৰ্বাহ কৰাৰ লগতে ১৯৬০ চনত কেইবাটাও কেবিনেট পদত কাৰ্যনিৰ্বাহ কৰিছিল।

প্ৰাথমিক জীৱন আৰু শিক্ষা

খোছৰাৱানীৰ জন্ম হৈছিল ১৯১৯ চনত তেহৰাণত। ^১ পিতৃৰ প্ৰথম বিবাহৰপৰাই তেওঁৰ ছয়জন সতীয়া ভাতৃ আছিল। ^১ তেওঁ আদাব প্ৰাথমিক বিদ্যালয় আৰু থাৰভাট জুনিয়ৰ হাইস্কুলৰপৰা স্নাতক ডিগ্ৰী লাভ কৰে।^২ তাৰ পিছত তেওঁ তেহৰাণৰ আলবৰ্জ কলেজত পঢ়িছিল।^২ পাছত তেওঁ ফ্ৰান্সত পঢ়ি সমাজ বিজ্ঞানত স্নাতক ডিগ্ৰী লাভ কৰে ^২

কৰ্মজীৱন

ইৰানলৈ উভতি অহাৰ পাছত খোছৰাৱানীয়ে ভাতৃৰ সৈতে আফকাৰ ইৰাণ শীৰ্ষক এখন আলোচনী আৰম্ভ কৰে। ^২ cabinets starting from তাৰ পিছত তেওঁক পেৰিছত থকা ইৰাণৰ দূতাবাসৰ সংযুক্ত সচিব নিযুক্তি দিয়া হয়। ^২ ১৯৬১ চনৰ ৯ মে’ৰপৰা তেওঁ একেৰাহে তিনিটা মন্ত্ৰীসভাত শ্ৰম মন্ত্ৰী হিচাপে কাৰ্যনিৰ্বাহ কৰিছিল। ^৩ ইয়াৰ পূৰ্বে তেওঁ প্ৰধানমন্ত্ৰী আলী আমিনিৰ নেতৃত্বত মন্ত্ৰীসভাত কাৰ্যনিৰ্বাহ কৰিছিল আৰু আহমদ আলী বাহৰমীৰ পিছত এই পদত অধিষ্ঠিত হৈছিল। ^৩ ১৯৬৩ চনৰ ফেব্ৰুৱাৰীৰপৰা ১৯৬৪ চনৰ মাৰ্চ মাহৰ ভিতৰত প্ৰধানমন্ত্ৰী আছাদোল্লাহ আলমৰ মন্ত্ৰীসভাতো কাৰ্যনিৰ্বাহ কৰিছিল। ^৪৫ ১৯৬৪ চনৰ ৭ মাৰ্চৰপৰা হাছান আলী মনছুৰৰ নেতৃত্বত পৰৱৰ্তী মন্ত্ৰীসভাত ^৬ আৰু ১৯৬৫ চনৰ জানুৱাৰী মাহৰপৰা আমিৰ আব্বাছ হোৱেইদাৰ মন্ত্ৰীসভাতো তেওঁ নিজৰ পদ অক্ষুণ্ণ ৰাখিছিল। ^৭

১৯৬৫ চনত ইৰাণ নভিন পাৰ্টিৰ প্ৰধানমন্ত্ৰী হাছান আলী মনছুৰক হত্যা কৰাৰ সময়ত খোছৰাভানীক ইৰাণ নভিন পাৰ্টিৰ সচিব প্ৰধান হিচাপে নিযুক্তি দিয়া হৈছিল ^৮১৯৬৮ চনত তেওঁৰ শ্ৰম মন্ত্ৰী হিচাপে কাৰ্যকাল শেষ হয় আৰু সেই বছৰতে তেওঁক প্ৰধানমন্ত্ৰী আমিৰ আব্বাছ হোভেইদাৰ নেতৃত্বত মন্ত্ৰীসভাৰ স্বৰাজ মন্ত্ৰী হিচাপে নিযুক্তি দিয়া হয় ^১৮১৯৬৯ চনত ইৰাণ নভিন পাৰ্টিৰ মহাসচিব হিচাপে খোছৰাৱানীৰ কাৰ্যকাল শেষ হয়। ^৯ তেওঁৰ পিছত মনোচেহৰ কালালিয়ে এই পদত অধিষ্ঠিত হয়।^৯ ১৯৭১ চনত খোছৰাভানীক স্বৰাজ মন্ত্ৰীৰ পদৰপৰা অপসাৰণ কৰা হয়। ১৯৭৬ চনৰ ফেব্ৰুৱাৰী মাহৰ চিআইএৰ প্ৰতিৱেদনত কোৱা হৈছে যে ১৯৭৪ চনৰ মাজভাগত শ্বাহ মহম্মদ ৰেজা পাহলৱীয়ে গোপনে খোছৰোৱানীক ইৰাণ নভিন পাৰ্টিৰ অৱস্থা বিশ্লেষণ কৰি পুনৰ সংগঠিত কৰাৰ দায়িত্ব দিছিল।^১০ তদন্তৰ শেষত খোছৰৱানীয়ে এটা প্ৰতিৱেদন লিখিছিল যাৰ ফলত ১৯৭৫ চনত দলটো বন্ধ হৈ পৰে।^১০

ব্যক্তিগত জীৱন

পেৰিছত পঢ়ি থকাৰ সময়তে খোছৰাৱানীয়ে এগৰাকী ফৰাচী মহিলাক বিয়া কৰাইছিল আৰু এজন পুত্ৰ সন্তান জন্ম দিছিল।^২ ১৯৭৯ চনত ইৰাণত পাহলৱী শাসনৰ অন্ত পৰাৰ পাছত তেওঁ পেৰিছত বসতি স্থাপন কৰে আৰু ২০০৫ চনৰ ছেপ্টেম্বৰ মাহত তেওঁৰ মৃত্যু হয়।^২