কমল খাৰাজী

ছৈয়দ কমল খাৰাজী (Sayed Kamal Kharazi) (জন্ম, ১ ডিচেম্বৰ ১৯৪৪ – মৃত্যু, ৯ এপ্ৰিল ২০২৬) আছিল এজন ইৰাণী সংস্কাৰবাদী ৰাজনীতিবিদ আৰু কূটনীতিবিদ যিয়ে ১৯৯৭ চনৰ ২০ আগষ্টৰপৰা ২০০৫ চনৰ ২৪ আগষ্টলৈকে ইৰাণৰ বৈদেশিক মন্ত্ৰী হিচাপে কাৰ্যনিৰ্বাহ কৰিছিল। ^১

মাহমুদ আহমদিনেজাদ নিৰ্বাচিত হোৱাৰ পিছত খাৰাজীৰ ঠাইত বিদেশ মন্ত্ৰী হিচাপে মনোচেহৰ মত্তকীক নিযুক্তি দিয়ে। পিছলৈ তেওঁ উচ্চতম নেতা আয়াতুল্লাহ আলী খামেনেইৰ উপদেষ্টা হিচাপে কাৰ্যনিৰ্বাহ কৰিছিল, এক্সপিডিয়েন্সি ডিচাৰ্নমেণ্ট কাউন্সিলৰ সদস্য আছিল, কাউন্সিল অন ষ্ট্ৰেটেজিক ফৰেইন ৰিলেচনৰ অধ্যক্ষ আছিল আৰু ২০১৬ চনত ইনষ্টিটিউট ফৰ কগনিটিভ ছায়েন্স ষ্টাডিজৰ সহ-প্ৰতিষ্ঠাপক আছিল। ^২৩৪৫২০২৬ চনৰ ইৰাণ যুদ্ধৰ সময়ত বিমান আক্ৰমণত আঘাতপ্ৰাপ্ত হৈ ২০২৬ চনৰ ৯ এপ্ৰিলত তেওঁৰ মৃত্যু হয়।

প্ৰাথমিক জীৱন আৰু শিক্ষা

১৯৪৪ চনত তেহৰাণত জন্মগ্ৰহণ হৈছিল খাৰাজীৰ। ^৬ তেহৰাণ বিশ্ববিদ্যালয়ৰপৰা আৰবী অধ্যয়নত বি এ আৰু পিছলৈ এম.এড° ডিগ্ৰী। ১৯৭৫-৭৬ চনত তেওঁ হিউষ্টন বিশ্ববিদ্যালয়ত শিক্ষক সহযোগী হিচাপে কাম কৰিছিল আৰু তাৰপৰাই তেওঁ ঔদ্যোগিক মনোবিজ্ঞানত পি এইচ ডি লাভ কৰিছিল। ^৭

কৰ্মজীৱন

১৯৮৩ চনৰপৰা তেহৰাণ বিশ্ববিদ্যালয়ৰ পৰিচালনা আৰু শিক্ষা মনোবিজ্ঞানৰ অধ্যাপক হিচাপে কৰ্মৰত খাৰাজীয়ে লণ্ডনৰ ইছলামিক ৰিচাৰ্চ ইনষ্টিটিউটৰ প্ৰতিষ্ঠাপক সদস্য আছিল।

তেওঁ বহুতো চৰকাৰী, কূটনৈতিক আৰু প্ৰতিষ্ঠানিক পদবীত অধিষ্ঠিত হৈছে আৰু ইৰাণৰ প্ৰতিনিধি দলৰ নেতৃত্বত বহু আন্তঃৰাষ্ট্ৰীয় সন্মিলন, বিশেষকৈ ১৯৯২ চনত ৰিঅ’ ডি জেনেইৰ’ত অনুষ্ঠিত হোৱা পৃথিৱী শীৰ্ষ সন্মিলনলৈ। বহু বছৰ ধৰি খাৰাজীয়ে আমেৰিকা আৰু ইউৰোপৰ টেলিভিছন আৰু বিশ্ববিদ্যালয় চৌহদত ইৰাণ চৰকাৰৰ স্থিতি উপস্থাপন কৰি আহিছে, আৰু বৈদেশিক নীতিৰ বিভিন্ন বিষয়ত বিস্তৃতভাৱে লিখিছে। ইৰাণী বিপ্লৱৰ প্ৰাৰম্ভিক দিনত সংবাদ মাধ্যমক পথ প্ৰদৰ্শন কৰাৰ তেওঁৰ বিস্তৃত অভিজ্ঞতা আছিল।

১৯৮০ চনৰ জুলাইৰপৰা ১৯৮৯ চনৰ ছেপ্টেম্বৰ মাহলৈকে ইছলামিক ৰিপাব্লিক নিউজ এজেন্সীৰ অধ্যক্ষ হিচাপে কাৰ্যনিৰ্বাহ কৰিছিল। যুদ্ধৰ বেছিভাগ সময় (১৯৮০ চনৰ ছেপ্টেম্বৰৰপৰা ১৯৮৮ চনৰ ছেপ্টেম্বৰলৈকে) সামৰিক মুখপাত্ৰ হিচাপে কাৰ্যনিৰ্বাহ কৰিছিল। ^৬

ইৰাণী বিপ্লৱৰ পিছৰ প্ৰথম মাহকেইটাত খাৰাজীয়ে নতুন ইছলামিক ৰাষ্ট্ৰৰ অধীনত ইৰাণৰ ৰাষ্ট্ৰীয় টেলিভিছনৰ উপ-সভাপতি হিচাপে কাৰ্যনিৰ্বাহ কৰিছিল (১৯৭৯ চনৰ মাৰ্চৰপৰা আগষ্টলৈকে)। ইয়াৰ পিছত তেওঁ বৈদেশিক পৰিক্ৰমা মন্ত্ৰ্যালয়ত ৰাজনৈতিক পৰিক্ৰমা বিভাগৰ উপ-মন্ত্ৰী হিচাপে (১৯৭৯ চনৰ আগষ্টৰপৰা ১৯৮০ চনৰ মাৰ্চলৈকে) আৰু চেণ্টাৰ ফৰ ইনটেলেকচুৱেল ডেভেলপমেণ্ট অৱ চিলড্ৰেন এণ্ড ইউথৰ পৰিচালন সঞ্চালক হিচাপে (১৯৭৯ চনৰ আগষ্টৰপৰা ১৯৮১ চনৰ জুলাইলৈকে) কাৰ্যনিৰ্বাহ কৰিছিল। ইয়াৰ পূৰ্বে ১৯৮৯ চনৰপৰা ১৯৯৭ চনলৈকে ৰাষ্ট্ৰসংঘত ইৰাণক প্ৰতিনিধিত্ব কৰিছিল। ^৬

২০০৬ চনত ইৰাণৰ সৰ্বোচ্চ নেতা আলী খামেনেয়ে বৈদেশিক সম্পৰ্ক পৰিচালনা পৰিষদ গঠন কৰি খাৰাজীক অধ্যক্ষ হিচাপে নিযুক্তি দিয়ে ^৩৮৪৯

ব্যক্তিগত জীৱন

খৰাজীৰ বিয়া হৈছিল আৰু তেওঁৰ দুটা সন্তান আছিল। ২০২৬ চনৰ এপ্ৰিল মাহত তেওঁৰ পত্নী গুৰুতৰভাৱে আহত হোৱা একেটা বিমান আক্ৰমণতে নিহত হৈছিল। তেওঁৰ ভতিজা ছাদেক খাৰাজী পেৰিছত ইৰাণৰ ৰাষ্ট্ৰদূত আৰু তথাকথিত ৰোডমেপ বা "ছুইছ মেমো" নিৰ্মাণত গুৰুত্বপূৰ্ণ ভূমিকা পালন কৰিছিল। ^১০

হত্যাকাণ্ড

২০২৬ চনৰ ১ এপ্ৰিলত ইৰাণৰ সংবাদ মাধ্যম নুৰনিউজে প্ৰকাশ কৰে যে ২০২৬ চনৰ ইৰাণ-ইৰাক যুদ্ধৰ সময়ত তেহৰাণৰ ঘৰত আমেৰিকা-ইজৰাইলৰ লক্ষ্য নিৰ্ধাৰিত বিমান আক্ৰমণত খাৰাজী গুৰুতৰভাৱে আহত হৈছিল আৰু তেওঁৰ পত্নী নিহত হৈছিল। ৯ এপ্ৰিলত ইৰাণৰ সংবাদ মাধ্যমে প্ৰকাশ কৰিছিল যে তেওঁৰ আঘাতৰ ফলত ৮১ বছৰ বয়সত মৃত্যু হৈছে। ^১১১২

প্ৰকাশিত ৰচনা

খাৰাজীয়ে শিক্ষা আৰু পৰিচালনা সম্পৰ্কীয় কেইবাখনো পাঠ্যপুথি আৰু প্ৰবন্ধ লিখি অনুবাদ কৰিছিল ^১৩

তথ্যৰ উৎস

|-

|-

|-