অলিগুৰিয়া

অলিগুৰিয়া বা হাইপ'ইউৰেচিছ হৈছে প্ৰস্ৰাৱৰ কম উৎপাদন বিশেষকৈ দিনে ৮০ মিলিলিটাৰকৈ অধিক কিন্তু ৪০০ মিলিলিটাৰতকৈ কম।^১ প্ৰস্ৰাৱৰ উৎপাদন হ্ৰাস পোৱাটো পানীলগা, বৃক্ক বিকলতা, হাইপ’ভ’লেমিক শ্বক, হাইপাৰঅস্মোলাৰ হাইপাৰগ্লাইচেমিক ননকেটটিক চিনড্ৰম (HHNS), মাল্টিপল অৰ্গেন ডিছফংচন চিনড্ৰম, প্ৰস্ৰাৱৰ বাধা/প্ৰস্ৰাৱ ধৰি ৰখা, ডায়েবেটিক কেট’এচিড’ছিছ (DKA), প্ৰি-এক্লেম্পচিয়া, আৰু প্ৰস্ৰাৱৰ সংক্ৰমণৰ লক্ষণ হ’ব পাৰে।

অলিগুৰিয়াৰ বাহিৰেও এনুৰিয়া আছে, যিয়ে প্ৰস্ৰাৱ প্ৰায় কমকৈ হোৱাটো বুজায়, ক্লিনিকেলভাৱে দিনে ৮০ বা ১০০ মিলিলিটাৰকৈ কম বুলি শ্ৰেণীভুক্ত কৰা হয়।^১

অলিগুৰিয়া শব্দটো অলিগোৰ পৰা উদ্ভৱ হৈছে যাৰ অৰ্থ হৈছে “সৰু, কম’’ + -uria, গ্ৰীক শব্দ ouron ৰ পৰা, যাৰ অৰ্থ হৈছে “প্ৰস্ৰাৱ।’’^২

সংজ্ঞা

অলিগুৰিয়া কেঁচুৱাৰ ক্ষেত্ৰত ১ মিলিলিটাৰ/কিলোগ্ৰাম/ঘণ্টাতকৈ কম,^৩ শিশুৰ ক্ষেত্ৰত ০.৫ মিলিলিটাৰ/কিলোগ্ৰাম/ঘণ্টাতকৈ কম,^৩ আৰু প্ৰাপ্তবয়স্কৰ প্ৰতি ২৪ ঘণ্টাত ৪০০ মিলিলিটাৰ^৩ বা ৫০০ মিলিলিটাৰ^৪তকৈ কম প্ৰস্ৰাৱৰ উৎপাদন হিচাপে সংজ্ঞায়িত কৰা হয় - ই ১৭ বা ২১ মিলিলিটাৰ/ঘণ্টাৰ সমান। উদাহৰণস্বৰূপে, ৭০ কিলোগ্ৰাম ওজনৰ প্ৰাপ্তবয়স্কৰ ক্ষেত্ৰত ই ০.২৪ বা ০.৩ মিলিলিটাৰ/কিলোগ্ৰাম/ঘণ্টাৰ সমান। কিন্তু বিকল্পভাৱে প্ৰাপ্তবয়স্কৰ ক্ষেত্ৰতো অলিগুৰিয়াৰ সংজ্ঞা দিবলৈ ০.৫ মিলিলিটাৰ/কিলোগ্ৰাম/ঘণ্টাৰ মান সাধাৰণতে ব্যৱহাৰ কৰা হয়।^৪

কেঁচুৱাৰ ক্ষেত্ৰত

কেঁচুৱাৰ ক্ষেত্ৰত অলিগুৰিয়াক ১ মিলিলিটাৰ/কিলোগ্ৰাম/ঘণ্টাতকৈ কম বুলি সংজ্ঞায়িত কৰিলে ই বৃক্কৰ বিকলতাৰ বাবে নহয়।^৫