অলগা ৰুডনিয়েভা

অলগা ৰুডনিয়েভা (: Olga Rudnieva,জন্ম ১৯৭৭, ডনেটস্ক) ইউক্ৰেইনৰ ছুপাৰহিউমেনছ চেণ্টাৰৰ সহ-প্ৰতিষ্ঠাপক আৰু মুখ্য কাৰ্যবাহী বিষয়া যিয়ে প্ৰথম দুবছৰত ৰাছিয়া-ইউক্ৰেইন সংঘাতৰ ফলত ১০০০ৰো অধিক আহত অংগচ্ছেদ হোৱা লোকৰ চিকিৎসা কৰিছে।

২০২৪ চনৰ ডিচেম্বৰ মাহত তেওঁ আনক অনুপ্ৰাণিত কৰা কামৰ বাবে বিবিচিৰ ১০০ গৰাকী মহিলাৰ ভিতৰত স্থান লাভ কৰে।^১

জীৱনী

ৰুডনিয়েভা ইউক্ৰেইনত এইচ আই ভি/এইডছৰ বিৰুদ্ধে যুঁজিবলৈ কাম কৰা অলেনা পিঞ্চুক ফাউণ্ডেশ্যনৰ পৰিচালক আছিল। ৰাছিয়াৰ আক্ৰমণ আৰম্ভ হোৱাৰ পিছত তেওঁ বিদেশত আছিল আৰু পোলেণ্ডত মানৱীয় সাহায্য কেন্দ্ৰৰ সমন্বয়কৰ কাম কৰিছিল। তাৰ পিছত তেওঁ ইউক্ৰেইনলৈ উভতি যায় আৰু এণ্ড্ৰি ষ্টাভনিটছাৰে প্ৰতিষ্ঠা কৰা ছুপাৰহিউমেনছ চেণ্টাৰৰ সৈতে জড়িত হয়।^২৩

"কিছুমান লোকৰ ডাবল, ট্ৰিপল, কোৱাড্ৰপল অংগচ্ছেদ কৰা হৈছে। এই সকলো লোকক কৃত্ৰিম অংগৰ প্ৰয়োজন হ’ব, বা কিছুমানে হুইল চেয়াৰ ব্যৱহাৰ কৰিব...প্ৰথম লাইনত ১০ লাখতকৈ অধিক লোক থকাৰ বাবে... ইউক্ৰেইন "অক্ষম লোকৰ দেশ" হৈ পৰিব।”^২</blockquote>

“আমি অক্ষমতাক স্বাভাৱিক কৰিব বিচাৰো। ঠিক আছে, দেশখন এনেকুৱাই হ’ব... ইয়াত চেণ্টাৰত থকা বেছিভাগ মানুহ জীয়াই থকা উচিত নহয়। তেওঁলোক যে আছে সেয়া নিজৰ বাবেই এক অলৌকিক... আমি সঁচাকৈয়ে বিশ্বাস কৰোঁ যে আপুনি আঘাতৰ দ্বাৰা শক্তিশালী হ’ব পাৰে। আঘাতে আপোনাক ধ্বংস কৰিব পাৰে বা ই আপোনাৰ মনত মহাশক্তি গঢ়ি তুলিব পাৰে"। - অলগা ৰুডনিয়েভা।^২

ইয়াৰ বাবে ছুপাৰহিউমেনছ টিমে লভিভত ছুপাৰহিউমেনছ চেণ্টাৰ স্থাপন কৰাত সহায় কৰিবলৈ ধন সংগ্ৰহ কৰে^২ - আহতসকলক কৃত্ৰিম অংগৰ সহায়ত আৰু তেওঁলোকক প্ৰয়োজনীয় সকলো পুনৰ্বাসন চিকিৎসা প্ৰ^১দান কৰিবলৈ। ২০২৩ চনৰ এপ্ৰিল মাহত মুকলি কৰা এই কেন্দ্ৰটোক "যুদ্ধত আক্ৰান্ত লোকসকলৰ বাবে মানসিক সহায়, কৃত্ৰিম অংগ, পুনৰ্গঠনমূলক অস্ত্ৰোপচাৰ আৰু পুনৰ্বাসনৰ বাবে এখন ক্লিনিক" বুলি বৰ্ণনা কৰা হৈছে।^৩

ইয়াৰ প্ৰথম দুবছৰত এই কেন্দ্ৰটোৱে ১,০০০তকৈ অধিক ৰোগীৰ চিকিৎসা আগবঢ়াইছে আৰু ইউক্ৰেইনৰ ৩,২০০ কিলোমিটাৰ দীঘলীয়া ফ্ৰণ্টলাইনৰ কাষত থকা অতিমাত্ৰাই ভিৰ কৰা চিকিৎসা কেন্দ্ৰ আৰু হাস্পতালসমূহক সহায়ক চিকিৎসা সেৱা প্ৰদান কৰিছে।^১৩ চিকিৎসা লাভ কৰা লোকসকলৰ ভিতৰত সৈনিক আৰু অসামৰিক নাগৰিক, প্ৰাপ্তবয়স্ক আৰু শিশুসকল অন্তৰ্ভুক্ত।^৩

বহুতো আঘাত লেণ্ডমাইন আৰু বিস্ফোৰকৰ ফলত হোৱা, সেয়ে কেন্দ্ৰটোত ৰোগীৰ প্ৰথম পদক্ষেপ হ’ল এজন মনোবিজ্ঞানীৰ সৈতে সাক্ষাৎ কৰা।^৪ সংক্ৰমণ নিয়ন্ত্ৰণো এটা ডাঙৰ প্ৰত্যাহ্বান, কাৰণ উদ্ধাৰৰ সময়ত ৬–৭খন ভিন্ন হাস্পতাল ঘূৰি অহাৰ পিছত ৰোগীসকল প্ৰায়ে কেইবাটাও সংক্ৰমণ লৈ আহে।^৪

ৰুডনিয়েৱাই কয়, “প্ৰত্যাহ্বান বহু আছে, কিন্তু এটাও সমাধান কৰিব নোৱাৰা নহয়।”^৪

দ্বিতীয়টো ছুপাৰহিউমেনছ চেণ্টাৰ ড্নিপ্ৰ'ত মুকলি কৰা হয় আৰু ২০২৬ চনৰ বাবে অডেছাত তৃতীয়টো চেণ্টাৰৰ পৰিকল্পনা কৰা হৈছে।^৪

আঘাতে শক্তিশালী কৰিব পাৰে বুলি ৰুডনিভাৰ দৰ্শনে বহু খ্যাতনামা ব্যক্তিৰ সমৰ্থন লাভ কৰিছে, যাৰ ভিতৰত দুঃসাহসিক কৰ্মী বিয়াৰ গ্ৰীলছ, ৰিচাৰ্ড ব্ৰেনছন, গায়িকা ষ্টিং আৰু অভিনেত্ৰী ট্ৰুডি ষ্টাইলাৰকে ধৰি বহুতো চেলিব্ৰিটি আছে।^২

“সহনশীলতা হ’ল প্ৰতিদিনে চাইৰেনৰ শব্দত সাৰ পাই উঠিও নিজৰ দেশৰ বাবে সংগ্ৰাম অব্যাহত ৰখা। ই হৈছে ‘মই কিয়?’ বুলি নিজকে সুধি থকাৰ পৰিৱৰ্তে মোৰ জীৱন ‘কিহৰ বাবে?’ক পুনৰ আৱিষ্কাৰ কৰা। কম সামগ্ৰী থাকিও প্ৰতিদিনে অধিক কাম কৰাৰ পথ বিচাৰি উলিওৱা।”

বিবিচি নিউজ-ৰ সৈতে সাক্ষাৎকাৰত, অলগা ৰুডনিয়েভা