ৰুমা দেৱী

ৰুমা দেৱী (: Ruma Devi; জন্ম: ১৬ নৱেম্বৰ ১৯৮৮), এগৰাকী ভাৰতীয় পৰম্পৰাগত হস্তশিল্পৰ ফেশ্বন ডিজাইনাৰ আৰু সমাজকৰ্মী।^১ ৰুমা দেৱীয়ে ভাৰতৰ মহিলাৰ বাবে সৰ্বোচ্চ অসামৰিক সন্মান “নাৰী শক্তিপুৰস্কাৰ ২০১৮” লাভ কৰে। তেওঁ ৫০,০০০ৰো অধিক গ্ৰাম্য মহিলাৰ নেটৱৰ্কৰ সৈতে জড়িত,^২ তেওঁলোকক প্ৰশিক্ষণ দিছিল আৰু জীৱিকাৰ সৈতে সংযোগ কৰিছিল।

প্ৰাৰম্ভিক আৰু ব্যক্তিগত জীৱন

১৯৮৮ চনত জন্মগ্ৰহণ কৰা ৰমা দেৱীয়ে ৰাজস্থানৰ বাৰ্মাৰৰ ৰাৱাটসৰত ডাঙৰ-দীঘল হৈছিল। ৮ম শ্ৰেণীত পঢ়ি থাকোঁতে তেওঁ স্কুল এৰি দিছিল।^৩ সৰুতে তেওঁ আইতাকৰ পৰা এম্ব্ৰয়ডাৰী শিকিছিল। ১৭ বছৰ বয়সত তেওঁৰ বিবাহ হয় আৰু জন্মৰ ৪৮ ঘণ্টাৰ ভিতৰতে প্ৰথম পুত্ৰক হেৰুৱাই পেলায়।^৪

কৰ্ম জীৱন

উপাৰ্জনৰ বাবে তেওঁ কিছু কাম কৰিবলৈ ধৰিলে। ২০০৬ চনত তেওঁৰ গাঁৱৰ প্ৰায় ১০ গৰাকী মহিলাক পতিয়ন নিয়াবলৈ সক্ষম হয় আৰু ইয়াৰ পিছত তেওঁ এটা আত্মসহায়ক গোট আৰম্ভ কৰে।প্ৰতিগৰাকী মহিলাৰ পৰা ১০০ টকা বৰঙণিৰে তেওঁলোকে কুশ্বন আৰু বেগ নিৰ্মাণৰ বাবে ছেকেণ্ড হেণ্ড চিলাই মেচিন, কাপোৰ, সূতা আৰু প্লাষ্টিকৰ ৰেপাৰ কিনিলে।^৫

তেওঁৰ সফলতাৰ সন্ধানে তেওঁক বাৰ্মেৰৰ গ্ৰামীন বিকাশ ইভাম চেতনা সংস্থাৰ দুৱাৰমুখলৈ লৈ যায়^৬ আৰু ২০০৮ চনত তেওঁ সদস্য হিচাপে যোগদান কৰে আৰু ২০১০ চনত বেচৰকাৰী সংস্থাটোৰ সভানেত্ৰী হয়।^৭ ২০১০ চনত দিল্লীৰ ৰফি মাৰ্গত প্ৰথম প্ৰদৰ্শনী আৰু ২০১৬ চনৰ ৰাজস্থান হেৰিটেজ উইকত প্ৰথম ফেশ্বন শ্ব' কৰে।^৮ তেওঁ এতিয়া সমগ্ৰ ভাৰতৰ জনজাতীয় শিল্পী আৰু সংখ্যালঘুসকলৰ শিল্পকলাৰ প্ৰচাৰৰ দিশত কাম কৰি আছে যাতে তেওঁলোকৰ শিল্পকলা আৰু শিল্পৰ আঁৰৰ কৰ্মী সকলক স্বীকৃতি দিয়া হয়।^৯

বঁটা আৰু সন্মান

• ভাৰতৰ ৰাষ্ট্ৰপতি শ্ৰী.ৰামনাথ কোবিন্দৰ দ্বাৰা উপস্থাপন কৰা নাৰী শক্তিপুৰস্কাৰ (২০১৮)।
• অমিতাভ বচ্চন আৰু সোনাক্ষী সিনহাৰ সৈতে কন বানেগা কোৰপতি শ্ব'ত মঞ্চ ভাগ কৰিছিল (২০ ছেপ্টেম্বৰ ২০১৯)।^১০১১
• হাৰ্ভাৰ্ড বিশ্ববিদ্যালয়, বষ্টন, আমেৰিকাৰ ১৭ সংখ্যক সৰ্বভাৰতীয় সন্মিলনত (১৫-১৬ ফেব্ৰুৱাৰী ২০২০) পেনেলিষ্ট হিচাপে আমন্ত্ৰিত।^১২
• খালিজ টাইমছ, ডুবাইত বৈশিষ্ট্যযুক্ত ^১৩
• মহিলা দিৱসৰ বিশেষ খণ্ডত ভাৰতীয় গায়ক ৰিয়েলিটি শ্ব' 'ইণ্ডিয়ান আইডল'ত বৈশিষ্ট্যযুক্ত (১০ জুলাই ২০২১)।^১৪১৫
• '২০১৯ চনৰ বছৰৰ টিএফআই ডিজাইনাৰ' খিতাপ লাভ কৰে।^১৬১৭
• ২০১৮ চনত ইণ্ডিয়া টুডে আলোচনীৰ বৰ্ষপূৰ্তি সংস্কৰণত 'নতুন ভাৰত' শীৰ্ষক সংস্কৰণৰ কভাৰ পেজত প্ৰকাশ কৰা হৈছে।^১৮
• ট্ৰাইবছ ইণ্ডিয়াৰ সদিচ্ছা ৰাষ্ট্ৰদূত আৰু মুখ্য ডিজাইনাৰ।^১৯
• ৰাজ্যিক ব্ৰেণ্ড এম্বেছাদৰ, ৰাজীৱিকা^২০২১
• জয়পুৰ মহাত্মা জ্যোতি ৰাও ফুলে বিশ্ববিদ্যালয়ৰ দ্বাৰা শিল্প আৰু বস্ত্ৰশিল্পৰ ক্ষেত্ৰত ডক্টৰেট ডিগ্ৰীৰে সন্মানিত।
• শ্ৰীলংকা চৰকাৰৰ শিল্পা অভিমানী বঁটা: হস্তশিল্পৰ প্ৰচাৰ
• নেদাৰলেণ্ডৰ ওপৰত মহিলাৰ দ্বাৰা সন্মান (২০১৬)