ৰামকৃষ্ণ মিচন স্বামী বিবেকানন্দৰ পৈতৃক গৃহ আৰু সাংস্কৃতিক কেন্দ্ৰ

ৰামকৃষ্ণ মিচন স্বামী বিবেকানন্দৰ পৈতৃক গৃহ আৰু সাংস্কৃতিক কেন্দ্ৰ (Ramakrishna Mission Swami Vivekananda's Ancestral House and Cultural Centre) ভাৰতৰ কলকাতাৰ ১০৫ বিবেকানন্দ ৰোডত অৱস্থিত। এই ঘৰতে স্বামী বিবেকানন্দৰ (তেতিয়া নৰেন্দ্ৰনাথ দত্ত বুলি কোৱা হৈছিল) ১৮৬৩ চনৰ ১২ জানুৱাৰীত জন্মগ্ৰহণ কৰে।^১ সমগ্ৰ শৈশৱ আৰু যুৱাৱস্থা তেওঁ ইয়াতে কটাইছিল।^২ এই গৃহটো সাংস্কৃতিক কেন্দ্ৰ ৰূপে ভাৰতৰ ৰাষ্ট্ৰপতি এ পি জে আব্দুল কালামে উদ্বোধন কৰে।^৩

ইতিহাস

১৮৮৪ চনত পিতৃ বিশ্বনাথ দত্তৰ মৃত্যুৰ পিছত সেই ঘৰত তেওঁলোকৰ সৈতে থকা নৰেন্দ্ৰনাথৰ খুৰীয়েকে সম্পত্তিৰ সম্পূৰ্ণ দখল দাবী কৰে। তেওঁ নৰেন্দ্ৰনাথৰ মাতৃ ভুৱনেশ্বৰী দেৱী আৰু তেওঁৰ পৰিয়ালৰ বিৰুদ্ধে গোচৰ তৰে।^৪ নিম্ন আদালতত বিবেকানন্দই এই গোচৰত জয়ী হয় যদিও গোচৰটোৰ বিৰুদ্ধে উচ্চ ন্যায়ালয়ত আবেদন কৰা হয়।^৫ উচ্চ ন্যায়ালয়ত বহু বছৰ ধৰি এই গোচৰ চলি থাকিল। ১৯০২ চনত বিবেকানন্দৰ মৃত্যুৰ মাত্ৰ কেইদিনমান আগতেই ইয়াৰ সামৰণি পৰে। এই গোচৰৰ চূড়ান্ত ৰায় অনুসৰি বিবেকানন্দক তেওঁৰ পূৰ্বপুৰুষৰ ঘৰৰ সম্পূৰ্ণ আইনী অধিকাৰ প্ৰদান কৰা হয়।

সংস্কাৰ

সময়ৰ লগে লগে বিবেকানন্দৰ পূৰ্বপুৰুষৰ ঘৰখন জৰাজীৰ্ণ হৈ পৰে। ১৯৬২ চনত ৰামকৃষ্ণ মিছন কৰ্তৃপক্ষই এই সম্পত্তি অধিগ্ৰহণ কৰি সংগ্ৰহালয়লৈ ৰূপান্তৰিত কৰাৰ সিদ্ধান্ত লয়। ১৯৯৯ চনৰ মে’ মাহত ৰামকৃষ্ণ মিছনে পশ্চিম বংগ চৰকাৰৰ জৰিয়তে সেই মাটি আৰু কাষৰীয়া ভূমিখণ্ড অধিগ্ৰহণ কৰে। এই প্ৰকল্পৰ বাবে এখন সমিতি গঠন কৰা হৈছিল। এই সমিতিখনে কেন্দ্ৰীয় চৰকাৰ, ৰাজ্য চৰকাৰ আৰু ৰাজহুৱা দানৰ পৰা ২০ কোটি ₹ (২৩ লাখ মাৰ্কিন ডলাৰ) ধন সংগ্ৰহ কৰিবলৈ সক্ষম হয় আৰু ইয়াৰে ৯৯ মিলিয়ন ₹ (১১ লাখ মাৰ্কিন ডলাৰ) কেন্দ্ৰীয় চৰকাৰে প্ৰদান কৰে। ২০০৪ চনত সংস্কাৰৰ পিছত ঘৰটোক সংগ্ৰহালয় আৰু সাংস্কৃতিক কেন্দ্ৰলৈ ৰূপান্তৰিত কৰা হয়।^৬

গেলাৰী