ৰাধ্যা আল-মুতাৱাকেল

ৰাধ্যা আল-মুতাৱাকেল (Radhya Al-Mutawakel; জন্ম:- ১২ এপ্ৰিল ১৯৭৬)^১ এগৰাকী মানৱ অধিকাৰ কৰ্মী আৰু য়েমেনত মানৱ অধিকাৰ ৰক্ষা আৰু সুৰক্ষাৰ বাবে কাম কৰা এটা স্বতন্ত্ৰ সংস্থা মৱাটানা অৰ্গেনাইজেচন ফৰ হিউমেন ৰাইটছৰ সহ-প্ৰতিষ্ঠাপক আৰু অধ্যক্ষ। আল-মুতাৱাকেল আৰু মৱাটানাৰ শেহতীয়া কামত আমেৰিকা, চৌদি আৰৱ নেতৃত্বাধীন মিত্ৰজোঁট আৰু হাউথী বাহিনীকে ধৰি য়েমেনত বৰ্তমান সংঘাতৰ সকলো পক্ষই কৰা কথিত মানৱ অধিকাৰ উলংঘাৰ নথিভুক্তকৰণৰ ওপৰত গুৰুত্ব আৰোপ কৰা হৈছে।^২ ৰাষ্ট্ৰসংঘৰ নিৰাপত্তা পৰিষদক য়েমেনৰ মানৱীয় সংকটৰ বিষয়ে অৱগত কৰিছে, তেনে কৰা প্ৰথম ব্যক্তি হিচাপে তেওঁ বহুলভাৱে লিখিছে আৰু ভাইচ নিউজ,^৩ গাৰ্ডিয়ান,^৪ আৰু দ্য নিউ ইণ্টাৰনেশ্যনেলিষ্টকে ধৰি বিভিন্ন সংবাদ মাধ্যমত প্ৰকাশ পাইছে,^৫ সংঘাতৰ সময়ত মানৱ অধিকাৰ উলংঘাৰ বিষয়ে কয়।

আল-মুতাৱাকেলক টাইম আলোচনীৰ ২০১৯ চনৰ ১০০ জন আটাইতকৈ প্ৰভাৱশালী লোকৰ ভিতৰত অন্যতম হিচাপে নিৰ্বাচিত কৰা হয়।^৬

কৰ্মজীৱন

২০০০ চনৰ পৰা ২০০৪ চনৰ ভিতৰত আল-মুটাৱাকেলে য়েমেনত মহিলাৰ বাবে ৰাষ্ট্ৰীয় আয়োগৰ বাবে কাম কৰিছিল, য'ত তেওঁ জনসংযোগ আৰু ৰাজনৈতিক প্ৰক্ৰিয়াত মহিলাৰ অংশগ্ৰহণৰ বাবে দায়বদ্ধ আছিল।^৭

২০০৪ চনত তেওঁ য়েমেনৰ মানৱ অধিকাৰৰ দিশত কাম আৰম্ভ কৰে৷ তেওঁ প্ৰথমতে অৰ্গেনাইজেচন ফৰ দ্য ডিফেন্স অৱ ৰাইটছ এণ্ড ফ্ৰিডমছৰ সৈতে কাম কৰে।^৮

আল-মুতাৱাকেল আৰু তেওঁৰ স্বামী^৯ আব্দুল ৰছিদ আল-ফাকিহে ২০০৭ চনত মৱাটানা প্ৰতিষ্ঠা কৰিছিল। ইয়াৰ উল্লেখিত লক্ষ্য হৈছে-"মানৱ অধিকাৰ উলংঘা ধৰা পেলোৱা আৰু বন্ধ কৰাৰ বাবে ইয়াৰ মিছন সম্পৰ্কীয় তথ্যৰ সঠিক আৰু বস্তুনিষ্ঠ বিৱৰণ প্ৰস্তুত কৰিবলৈ ক্ষেত্ৰভিত্তিক তদন্ত আৰু গৱেষণাৰ জৰিয়তে মানৱ অধিকাৰ ৰক্ষা আৰু সুৰক্ষা কৰা।"^১০

২০১৩ চনত আল-মুতাৱাকেল আৰু মৱাটানাই Open Society Foundationsৰ সৈতে সহযোগিতা কৰি "ড্ৰ'নৰ দ্বাৰা মৃত্যু" শীৰ্ষক এক যৌথ প্ৰতিবেদন প্ৰস্তুত কৰে৷^১১য'ত ২০১২ চনৰ মে'ৰ পৰা ২০১৪ চনৰ এপ্ৰিল মাহৰ ভিতৰত য়েমেনৰ পাঁচখন গভৰ্ণৰেটত আমেৰিকাৰ ৯টা ড্ৰ'ন আক্ৰমণৰ ফলত হোৱা ক্ষতি আৰু অসামৰিক লোকৰ মৃত্যুৰ গৱেষণা আৰু নিৰীক্ষণ অন্তৰ্ভুক্ত কৰা হৈছিল।^১২