হিন্দুস্তান জিন্দাবাদ

হিন্দুস্তান জিন্দাবাদ (Hindustan Zindabad) হৈছে এটা হিন্দুস্তানী ব্যাকাংশ বা খণ্ড-বাক্য আৰু যুদ্ধকালীন হুংকাৰ (battle cry)৷ ভাৰতৰ প্ৰতি প্ৰদৰ্শন কৰা দেশপ্ৰেমমূলক বক্তব্য আৰু যোগাযোগৰ ক্ষেত্ৰত ভাৰতত এইটো ব্যাকাংশ সততে ব্যৱহৃত হয়৷ ইয়াৰ অৰ্থ হৈছে-ভাৰত দীৰ্ঘায়ু হওক৷^১ এইটো এটা ৰাষ্ট্ৰীয়তাবাদী শ্ল'গান৷ ^২প্ৰাক্-ঔপনিৱেশিক ভাৰতৰ কৃষক বিদ্ৰোহৰ কিছুমান ৰাষ্ট্ৰীয়তাবাদী আন্দোলনত এই শ্লোগান সততে দিয়া হৈছিল৷^৩ শ্লোগানৰ আন কিছুমান বিবিধতা হৈছে জয় হিন্দ আৰু ভাৰত জিন্দাবাদ৷^৪ এনেধৰণৰ শ্লোগানসমূহ ভাৰতে ক্ৰিকেট খেলত অংশ লোৱাৰ মুহূৰ্ততো শুনিবলৈ পোৱা যায়৷^৪৫

ব্যুৎপত্তি

হিন্দুস্তান শব্দটোৱে ১৯৪৭ চনৰ পৰৱৰ্তী ভাৰত গণতন্ত্ৰক বুজাইছে৷ ইয়াক পুৰণি পাৰ্চী শব্দ "হিন্দু"ৰ পৰা গ্ৰহণ কৰা হৈছে বুলি বিশ্বাস কৰা হৈছে৷ যিটো শব্দৰ আকৌ উৎপত্তিস্থল হৈছে সংস্কৃত ভাষাৰ সিন্ধু৷ সিন্ধুৱে সিন্ধু নদীক বুজায়৷^৬ প্ৰাচীন পাৰ্চিয়ানসকলে সিন্ধু নদীৰ বাহিৰত থকা লোকসকলক "Hinduš" বুলি অভিহিত কৰিছিল৷ এই শব্দটোৰ পাছত এভেষ্টানীয় শব্দ ''stān (সংস্কৃত মূলৰ "sthān"ৰ একগোত্ৰীয়, যাৰ অৰ্থ হৈছে-ঠাই) সংযুক্ত হৈ হিন্দুস্তান হৈ পৰিল৷ ^৭ অৰ্থাৎ হিন্দুস্তানৰ অৰ্থ হৈছে-সিন্ধুৰ সিপাৰে (পাৰ্ছিয়াৰ পৰা) থকা ভূমি৷

জিন্দাবাদ হৈছে উৰ্দু আৰু পাৰ্চী অনুসৰ্গ, যাক সাধাৰণতে মানুহ বা দেশৰ নামৰ পিছত সংযুক্ত কৰা হয়৷ ইয়াৰ দ্বাৰা বিজয়, দেশভক্তি আৰু কোনোবা সময়ত প্ৰাৰ্থনাক বুজোৱা হয়৷^৮