সোৰয়া বাহগত

সোৰয়া বাহগাত (Soraya Bahgat) ১৯৮৩ চনত জন্মগ্ৰহণ কৰা ফিনলেণ্ড-ইজিপ্তৰ এগৰাকী সামাজিক উদ্যোগী, লিংগ সমতা কৰ্মী আৰু মহিলা অধিকাৰৰ সমৰ্থক।^১ তেওঁ মূলতঃ ইজিপ্তত সক্ৰিয়৷ তেওঁ শৈশৱৰ কিছু অংশ ফিনলেণ্ডত কটায়৷^২

২০১২ চনত ইজিপ্তৰ ২০১১ চনৰ বিপ্লৱৰ পিছত তাহৰিৰ চ'কত মহিলাসকলক গোটৰ যৌন নিৰ্যাতনৰ পৰা ৰক্ষা কৰিবলৈ ইউনিফৰ্ম পৰিহিত স্বেচ্ছাসেৱকৰ তৃণমূল পৰ্যায়ৰ আন্দোলন টাহৰিৰ বডিগাৰ্ড প্ৰতিষ্ঠা কৰে।^৩ এই আন্দোলনে ১০০ গৰাকীতকৈও অধিক মহিলা আৰু ছোৱালীক উদ্ধাৰ কৰিবলৈ সফলতাৰে হস্তক্ষেপ কৰে আৰু কায়ৰোৰ কেইবাটাও স্থানত মহিলাসকলৰ বাবে বিনামূলীয়া আত্মৰক্ষাৰ ক্লাছৰ ব্যৱস্থা কৰে।^৪৫

তেওঁ প্ৰায়ে অনুষ্ঠান আৰু সংবাদ মাধ্যমত মহিলাৰ বিষয়ত কথা কয় আৰু মন্তব্য কৰে।^৬ ২০১৯ চনত ফিনলেণ্ড চৰকাৰে লিংগভিত্তিক হিংসাৰ বিৰুদ্ধে যুঁজ দিয়া আৰু লিংগ সমতাক প্ৰসাৰিত কৰা কামৰ বাবে তেওঁক হান সন্মান প্ৰদান কৰে।^৭

শিক্ষা

সোৰয়া কায়ৰোৰ আমেৰিকান বিশ্ববিদ্যালয় আৰু ছৰবন বিশ্ববিদ্যালয়ৰ স্নাতক।^৮ তেওঁ হেলচিংকি বিশ্ববিদ্যালয়তো অধ্যয়ন কৰিছিল৷^৯

মহিলাৰ ওকালতি আৰু সম্প্ৰদায়ৰ লগত সংযোগ

তেওঁ আফ্ৰিকাৰ নেতৃত্বত চলা আন্দোলন দ্য গাৰ্ল জেনেৰেচনৰ ষ্ট্ৰেটেজিক এডভাইজাৰী গ্ৰুপৰ সদস্য।^১০ ইটালীয়-ইজিপ্তৰ মডেল, অভিনেত্ৰী আৰু দানবীৰ এলিছা চেডনাউইয়ে তেওঁক তেওঁৰ ফাউণ্ডেশ্যনৰ ৱেবছাইটত বন্ধু আৰু সহযোগী হিচাপে নিযুক্তি দিছে।^১১ ২০১৪ চনত সোৰয়া ইজিপ্ত আৰু অন্যান্য দেশৰ বঞ্চিত যুৱক-যুৱতীসকলৰ বাবে বিদ্যালয়ৰ পিছৰ বিশেষ কাৰ্যসূচীৰ জৰিয়তে সৃষ্টিশীল শিক্ষণৰ প্ৰসাৰ কৰা অলাভজনক সংস্থাটোৰ অন্যতম ট্ৰাষ্টী হিচাপে পৰিগণিত হয়।^১২ ২০০৮ চনৰ পৰা ২০১২ চনৰ ভিতৰত গেজিৰা যুৱ কেন্দ্ৰৰ ব’ৰ্ডত কাৰ্যনিৰ্বাহ কৰিছিল।