সিৰীষা বাণ্ডলা

সিৰীষা বাণ্ডলা:Sirisha Bandla (তেলেগু: బండ్ల శిరీష; প্ৰায় ১৯৮৮) এগৰাকী ভাৰতীয়-আমেৰিকান বিমান অভিযন্তা আৰু বাণিজ্যিক মহাকাশচাৰী।^১ ভাৰ্জিন গেলেক্টিকৰ চৰকাৰী পৰিক্ৰমা আৰু গৱেষণা অভিযানৰ উপ-সভানেত্ৰী।^২ তেওঁ ভাৰ্জিন গেলেক্টিক ইউনিটি ২২ অভিযানত উৰা মাৰিছিল যাৰ ফলত তেওঁ মহাকাশলৈ যোৱা ভাৰতত জন্মগ্ৰহণ কৰা দ্বিতীয়গৰাকী মহিলা আৰু ৰাকেশ শৰ্মা, কল্পনা চাওলা আৰু সুনীতা উইলিয়ামছৰ পিছত মহাকাশ ৰেখা অতিক্ৰম কৰা ভাৰতীয় বংশৰ চতুৰ্থজন ব্যক্তি হিচাপে পৰিগণিত হৈছিল।^৩৪৫

প্ৰাৰম্ভিক জীৱন আৰু শিক্ষা

বান্দলাৰ জন্ম হৈছিল ভাৰতৰ অন্ধ্ৰ প্ৰদেশৰ গুন্টুৰ জিলাৰ এটা তেলেগু হিন্দু পৰিয়ালত।^৬৭ জন্মৰ পিছত বান্দলাৰ পৰিয়াল অন্ধ্ৰ প্ৰদেশৰ তেনালিলৈ গুচি যায়। পাঁচ বছৰ বয়সলৈকে বান্দলাই হায়দৰাবাদৰ নিজৰ ককাকৰ ঘৰ আৰু টেনালিৰ আইতাকৰ ঘৰৰ মাজত লৰালিৰ সময় পাৰ কৰিছিল।^৮৯ পিছলৈ বাণ্ডলা পিতৃ-মাতৃৰ সৈতে আমেৰিকাৰ হিউষ্টনলৈ গুচি যায়।^৮১০

বাণ্ডলাই পাৰডিউ বিশ্ববিদ্যালয়ৰ পৰা বিমান অভিযান্ত্ৰিকীত স্নাতক ডিগ্ৰী লাভ কৰে। ইয়াৰ পিছত তেওঁ জৰ্জ ৱাশ্বিংটন বিশ্ববিদ্যালয়ৰ পৰা ব্যৱসায় প্ৰশাসনত স্নাতকোত্তৰ ডিগ্ৰী লাভ কৰে।^১১

কৰ্ম জীৱন

বাণ্ডলাই নাছাৰ মহাকাশচাৰী হোৱাৰ আশা কৰিছিল যদিও চকুৰ দৃষ্টিশক্তিৰ বাবে চিকিৎসাৰ আধাৰত তেওঁক বাদ দিয়া হৈছিল।^১০ ইয়াৰ পূৰ্বে তেওঁ কমাৰ্চিয়েল স্পেচফ্লাইট ফেডাৰেচনত মেথিউ ইছাকোভিচৰ সৈতে মহাকাশ অভিযন্তা হিচাপে কাম কৰিছিল।^১১ পিছলৈ তেওঁৰ সন্মানত তেওঁ মেথিউ ইছাকোভিচ ফেল'শ্বিপৰ সহ-প্ৰতিষ্ঠাপক হয়।^১২

২০১৫ চনত বাণ্ডলাই ভাৰ্জিন গেলেক্টিকত যোগদান কৰে, য'ত তেওঁ চৰকাৰী বিষয়ৰ উপ-সভানেত্ৰী হিচাপে কাম কৰে।^৪ ২০২১ চনৰ ১১ জুলাই দেওবাৰে বাণ্ডলাই ভাৰ্জিন গেলেক্টিক ইউনিটি ২২ পৰীক্ষামূলক বিমানত ছাৰ ৰিচাৰ্ড ব্ৰেনছন, ডেভ মেকে, মাইকেল মাছুচি, বেথ মোজেছ, কলিন বেনেটৰ সৈতে উৰা মাৰে। ৰকেট বিমানখনে পৃথিৱীৰ পৰা ৮৫ কিলোমিটাৰ (৫৩ মাইল) উৰিছিল,^৩ যাৰ ফলত ক্ৰুসকলক এফ এ এৰ বাণিজ্যিক মহাকাশচাৰী হিচাপে যোগ্যতা অৰ্জন কৰাৰ স্বীকৃতি দিয়া হৈছিল।^১৩ উৰণৰ সময়ত বাণ্ডলাই ফ্ল'ৰিডা বিশ্ববিদ্যালয়ৰ পৰা এটা পৰীক্ষা চলাইছিল যাতে মাধ্যাকৰ্ষণ শক্তিৰ পৰিৱৰ্তনৰ প্ৰতি উদ্ভিদে কেনে প্ৰতিক্ৰিয়া কৰে সেই বিষয়ে অনুসন্ধান কৰিব পাৰে।^১৪ তেওঁৰ উৰণৰ বিষয়ে বাণ্ডলাৰ দাদা ডাঃ বাণ্ডলা ৰাগাইয়াই কয় যে, “অতি কম বয়সৰ পৰাই তেওঁৰ আকাশ, চন্দ্ৰ আৰু তৰাবোৰ অন্বেষণ কৰাৰ এই উচ্চাকাংক্ষা আছিল। সিৰীষাই মহাকাশৰ ওপৰত চকু ৰাখিছিল আৰু মই একেবাৰেই আচৰিত নহয় যে তেওঁ নিজৰ সপোন বাস্তৱায়িত কৰিবলৈ সাজু হৈছে।"^৮ মহাকাশ যাত্ৰাৰ সময়ত তেওঁ পৃথিৱীৰ পৃষ্ঠৰ পৰা ৮৯.৯ কিলোমিটাৰ উচ্চতাত উপনীত হয় বুলি ফেডাৰেল এভিয়েচন কৰ্তৃপক্ষৰ দ্বাৰা প্ৰকাশ পায়।^১৫

২০২২ চনৰ ডিচেম্বৰ মাহত তেওঁক বিবিচি ১০০ মহিলাৰ অন্যতম হিচাপে সন্মানিত কৰা হয়।^১৬

লগতে চাওক

• এছিয়ান আমেৰিকান মহাকাশচাৰীৰ তালিকা
• মহিলা মহাকাশ যাত্ৰীসকলৰ তালিকা
• তেলেগু আমেৰিকানসকল

বাহ্যিক সংযোগসমূহ

সিৰীষা বাণ্ডলা: “আমোদজনক কথাটো হ’ল যেতিয়া মানুহে নিজৰ সম্পৰ্ক স্থাপন কৰিব নোৱাৰা কোনোবা এজনে, তেওঁলোকে বিচৰা ধৰণে কামটো কৰি আছে,তেতিয়া কিমান মানসিক বাধা ওলায়, সেইটো বৰ আচৰিত।”- ভোগ ইণ্ডিয়া, নৱেম্বৰ ২০২১।