সানজিদা ইছলাম

সানজিদা ইছলাম (জন্ম: ১ এপ্ৰিল ১৯৯৬) এগৰাকী বাংলাদেশী মহিলা ক্ৰিকেটাৰ, যিগৰাকীয়ে বাংলাদেশৰ মহিলা ৰাষ্ট্ৰীয় ক্ৰিকেট দলৰ হৈ খেলে।^১২৩ তেওঁ এগৰাকী সোঁহতীয়া বেটছমেন। সানজিদাৰ জন্ম হৈছিল বাংলাদেশ ৰংপুৰত।^৪

ব্যক্তিগত জীৱন

২০২০ চনৰ ২১ অক্টোবৰত তেওঁ বাংলাদেশৰ প্ৰথম শ্ৰেণীৰ ক্ৰিকেটাৰ মিম মোছাডেকৰ সৈতে বিবাহপাশত আৱদ্ধ হয়।^৫৬

কেৰিয়াৰ

সানজিদাই ২০১২ চনৰ ২৮ আগষ্টত আয়াৰলেণ্ডৰ মহিলা ক্ৰিকেট দলৰ বিৰুদ্ধে খেলা টি-২০ আন্তঃৰাষ্ট্ৰীয় ক্ৰিকেটৰ যোগেদি‍ নিজৰ কেৰিয়াৰ আৰম্ভ কৰিছিল। ২০১৮ চনৰ জুন মাহত বাংলাদেশ মহিলা ক্ৰিকেট দলে প্ৰথমবাৰৰ বাবে মহিলা এছিয়া কাপ খিতাপ জয় কৰিছিল আৰু ২০১৮ চনৰ মহিলা টুৱেণ্টি-২০ এছিয়া কাপ প্ৰতিযোগিতা জয় কৰা দলটোৰ সানজিদা আছিল এগৰাকী সদস্যা।^৭৮৯ সেই মাহৰ শেষৰ ফালে, তেওঁক ২০১৮ চনৰ আইচিচি মহিলা বিশ্ব টুৱেণ্টি-২০ যোগ্যতা অৰ্জন প্ৰতিযোগিতাৰ বাবে বাংলাদেশৰ দলত স্থান দিয়া হৈছিল।^১০

২০১৮ চনৰ অক্টোবৰ মাহত তেওঁক ৱেষ্ট ইণ্ডিজত অনুষ্ঠিত ২০১৮ আইচিচি মহিলা বিশ্ব টুৱেণ্টি-২০ প্ৰতিযোগিতাৰ বাবে বাংলাদেশৰ দলৰ বাবে মনোনীত কৰা হৈছিল।^১১১২ ২০১৯ চনৰ আগষ্ট মাহত স্কটলেণ্ডত অনুষ্ঠিত হোৱা ২০১৯ আইচিচি মহিলা বিশ্ব টুৱেণ্টি-২০ যোগ্যতা অৰ্জন প্ৰতিযোগিতাৰ বাবে তেওঁক বাংলাদেশৰ দলত স্থান দিয়া হৈছিল।^১৩ পাঁচখন খেলত 156 ৰান সংগ্ৰহ কৰি তেওঁ প্ৰতিযোগিতাখনত বাংলাদেশৰ হৈ সৰ্বাধিক ৰান সংগ্ৰহ কৰা খেলুৱৈ হিচাপে চিহ্নিত হৈছিল।^১৪ ২০১৯ চনৰ নৱেম্বৰ মাহত তেওঁক ২০১৯ দক্ষিণ এছিয়ান গেমছৰ ক্ৰিকেট প্ৰতিযোগিতাৰ বাবে বাংলাদেশৰ দলত স্থান দিয়া হৈছিল।^১৫ বাংলাদেশৰ দলটোৱে ফাইনেলত শ্ৰীলংকাক দুই ৰানত পৰাস্ত কৰি স্বৰ্ণ পদক লাভ কৰিছিল।^১৬ ২০২০ চনৰ জানুৱাৰীত অষ্ট্ৰেলিয়াত অনুষ্ঠিত হোৱা ২০২০ আইচিচি মহিলা টি-২০ বিশ্বকাপৰ বাবে তেওঁক বাংলাদেশৰ দলত স্থান দিয়া হৈছিল।^১৭