শ্ববনাম কোলিখানি

শ্ববনাম কোলিখানি (জন্ম: ৯ নৱেম্বৰ, ১৯৭৭) হৈছে এগৰাকী ইৰানীয় টেলিভিছন আৰু চলচ্চিত্ৰ অভিনেত্ৰী, পৰিচালক তথা লেখিকা।

কৰ্মজীৱন

শ্ববনাম কোলিখানি হৈছে এগৰাকী ইৰানীয় অভিনেত্ৰী, পৰিচালক আৰু অভিনয় প্ৰশিক্ষক। ১৯৯৭ চনত এণ্টিগনে নাটকত অভিনয়েৰে তেওঁ অভিনয় জীৱনৰ আৰম্ভণি কৰে আৰু ২০০৪ চনত তেওঁৰ প্ৰথমখন চুটি ছবি ৰিয়েলিটি অৱ এ ষ্ট্ৰীট চেলাৰ পৰিচালনা কৰে। তেওঁ কেইবাখনো নাটক আৰু চুটি ছবি ৰচনা তথা পৰিচালনা কৰিছে, যাৰ ভিতৰত তথ্যচিত্ৰ আৰু পূৰ্ণদৈৰ্ঘ্য ছবি দুয়োবিধেই অন্তৰ্ভুক্ত। ২০০৪ চনৰপৰা তেওঁ নাট্য বিদ্যালয়সমূহত শিক্ষাদান কৰি আহিছে। তেওঁ কেইবাবছৰো ধৰি তেহৰান আজাদ বিশ্ববিদ্যালয়ৰ অনুষদৰ সদস্য হিচাপে কাৰ্যনিৰ্বাহ কৰি অভিনয় আৰু নাটকৰ মূল নীতিসমূহৰ শিক্ষাদান কৰিছিল। তেওঁ ২০০৩ চনত ইৰানৰ তেহৰানৰ আজাদ বিশ্ববিদ্যালয়ৰপৰা ড্ৰামেটিক আৰ্টচ (থিয়েটাৰ পৰিচালনা) বিষয়ত স্নাতকোত্তৰ ডিগ্ৰী লাভ কৰে আৰু ২০০০ চনত একেখন বিশ্ববিদ্যালয়ৰপৰাই ড্ৰামেটিক আৰ্টচ (ষ্টেজ ডিজাইন) বিষয়ত স্নাতক ডিগ্ৰী লাভ কৰে ^{১২৩৪৫}।

চলচ্চিত্ৰপঞ্জী

উৎস: ^৬৭৮

টেলিভিছন ধাৰাবাহিক

চলচ্চিত্ৰসমূহ

নাট্যশালা/থিয়েটাৰ

বঁটা আৰু সন্মান

• চেইণ্ট মেৰী চলচ্চিত্ৰত অভিনয় কৰাৰ বাবে আৰ্টিষ্ট ইচলামিক এছ’চিয়েচনৰ তৰফৰপৰা স্বীকৃতি ফলক।
• চেইণ্ট মেৰী ছবিত কৰা অভিনয়ৰ বাবে জামে-জাম ৱৰ্ল্ড নেটৱৰ্কৰপৰা "বিশিষ্ট অভিনেত্ৰী"ৰ স্বীকৃতি পত্ৰ।
• চেইণ্ট মেৰী চৰিত্ৰৰ বাবে আইআৰআইবি (ইচলামিক ৰিপাব্লিক অৱ ইৰান ব্ৰডকাষ্টিং)ৰ মুখ্য কাৰ্যবাহী বিষয়াৰদ্বাৰা প্ৰদত্ত স্বীকৃতি পত্ৰ।
• ৰাছিয়াৰ গোল্ডেন প্লেটফৰ্ম মহোৎসৱত শ্ৰেষ্ঠ অভিনেত্ৰীৰ বঁটা, ২০০৫ চন।
• লোনলী মি নামৰ চুটি ছবিখন নিৰ্মাণ কৰাৰ বাবে ইৰানিয়ান ষ্টুডেণ্ট ফিল্ম ফেষ্টিভেল জুৰীৰ বিশেষ প্ৰশংসা, এপ্ৰিল ২০০৬ চন।
• প্ৰথম ইৰানীয়ান কনচাম্পচন অপ্টিমাইজেশ্যন ফিল্ম ফেষ্টিভেলৰপৰা কৃতিত্বৰ প্ৰমাণ-পত্ৰ, নৱেম্বৰ ২০১০ চন।
• জামে-জাম টিভি নেটৱৰ্ক দৰ্শকৰ পছন্দৰ "শ্ৰেষ্ঠ অভিনেত্ৰী"ৰ বঁটা, জানুৱাৰী ২০০৪ চন।
• দ্বিতীয় কানাডাৰ ইৰানীয় চলচ্চিত্ৰ মহোৎসৱৰপৰা কৃতিত্বৰ প্ৰমাণ-পত্ৰ, ছেপ্টেম্বৰ ২০১০ চন।
• লেডাৰ অৱ দ্য স্কাই টেলিভিছন ধাৰাবাহিকত অভিনয় কৰাৰ বাবে আইআৰআইবিৰ পৰিচালনা সমিতিৰ তৰফৰপৰা স্বীকৃতি ফলক।
• ফাইভ কিলোমিটাৰ্চ টু পেৰাডাইজ ধাৰাবাহিকত অভিনয় কৰাৰ বাবে আইআৰআইবি ৩ ৰ পৰিচালনা সমিতিৰপৰা স্বীকৃতি ফলক।

বাহ্যিক সংযোগ

• Shabnam Qolikhani on SourehCinema (in Persian)