শীতল আমতে

শীতল আমতে (Sheetal Amte); জন্ম: ২৬ জানুৱাৰী ১৯৮১ – মৃত্যু: ৩০ নৱেম্বৰ ২০২০), বিবাহৰ পিছত শীতল আমতে-কাৰাজগী নামেৰেও পৰিচিত, এগৰাকী ভাৰতীয় জনস্বাস্থ্য বিশেষজ্ঞ, অক্ষমতা বিশেষজ্ঞ আৰু সামাজিক উদ্যোগী আছিল। কুষ্ঠ ৰোগত বঞ্চিত লোকসকলক সহায় কৰাত মনোনিৱেশ কৰা মহাৰোগী সেৱা সমিতি নামৰ অলাভজনক সংস্থা এটাৰ মুখ্য কাৰ্যবাহী বিষয়া আৰু ব’ৰ্ডৰ সদস্য আছিল।^১২৩

জীৱনী

শীতল বিকাশ আমতে আৰু ভাৰতী আমতেৰ কন্যা আৰু বাবা আমতেৰ নাতিনী,^৪ যিয়ে মহাৰাষ্ট্ৰ ৰাজ্যৰ আনন্দৱানত কুষ্ঠ ৰোগত আক্ৰান্ত ব্যক্তিৰ বাবে পুনৰ্বাসন কেন্দ্ৰ প্ৰতিষ্ঠা কৰিছিল, সেই কেম্পাছতে শীতল বাস কৰিছিল।^৪৫৬ ইয়াৰ উপৰিও শীতলে মহাৰোগী সেৱা সমিতি (MSS), ৱাৰোৰা প্ৰতিষ্ঠা কৰিছিল আৰু ইয়াৰ মুখ্য কাৰ্যবাহী বিষয়া আৰু ব'ৰ্ডৰ সদস্য হিচাপেও কাৰ্যনিৰ্বাহ কৰিছিল,^৭ যিয়ে স্বাস্থ্যসেৱা, পুনৰ্বাসন, শিক্ষা, কৃষি আৰু অৰ্থনৈতিক সবলীকৰণৰ এক পৰিসৰৰ কাৰ্যসূচী প্ৰদান কৰিছিল।^৮৯ মহাৰোগী সেৱা সমিতিয়ে জনজাতীয় জনসাধাৰণৰ লগতে হাজাৰ হাজাৰ প্ৰান্তীয় ব্যক্তিৰ জীৱিকাৰ ক্ষমতা সৃষ্টি কৰাত যথেষ্ট অৰিহণা যোগাইছে, বিশেষকৈ কুষ্ঠ, শাৰীৰিক অক্ষমতা, সংবেদনশীলতাৰ সীমাবদ্ধতাৰ দৰে অৱস্থাত জীয়াই থকাসকলৰ বাবে। ১৯৪৯ চনৰ পৰা তেওঁ মধ্য ভাৰতৰ অন্যতম পিছপৰা জিলা চন্দ্ৰপুৰৰ পৰা কাম কৰিছিল।^৭

চিকিৎসা বিজ্ঞান অধ্যয়ন কৰি চিকিৎসক^৭ আৰু টাটা ইনষ্টিটিউট অৱ ছ'চিয়েল চাইন্সেছ (টিআইএছএছ)ৰ পৰা সামাজিক উদ্যোগীকৰণ^৪ ত স্নাতকোত্তৰ ডিগ্ৰীও সম্পূৰ্ণ কৰে,^৭ আৰু ককাৰ দৃষ্টিভংগী অব্যাহত ৰাখিবলৈ আনন্দৱানত কাম কৰি পৰিয়ালত যোগদান কৰে^৭; তেওঁৰ ভাতৃ কৌস্তুভ আনন্দৱানৰ একাউণ্টেণ্ট আৰু তেওঁৰ খুৰাক প্ৰকাশ আমতে আৰু খুৰী মন্দাকিনি আমতেও এই সম্প্ৰদায়ৰ চিকিৎসক।^৩১০ শীতলে হাৰ্ভাৰ্ড কেনেডি স্কুলৰ পৰাও নেতৃত্বৰ শিক্ষা গ্ৰহণ কৰিছিল।^৪

স্বীকৃতি

২০১৬ চন:

• বিশ্ব অৰ্থনৈতিক মঞ্চই এজন যুৱ গ্ল'বেল লিডাৰ হিচাপে নিযুক্তি দিয়ে।^৭৪২
• মানৱীয় সঁহাৰিৰ ওপৰত বিশ্ব অৰ্থনৈতিক মঞ্চৰ বিশেষজ্ঞ নেটৱৰ্কৰ সদস্য হিচাপে নিৰ্বাচিত।^৭
• ৰাষ্ট্ৰসংঘৰ উদ্ভাৱন ৰাষ্ট্ৰদূত আৰু i4P (শান্তিৰ বাবে উদ্ভাৱন)ৰ উপদেষ্টা হিচাপে নিৰ্বাচিত।^৫১১
• আই এন কে ফেল'শ্বিপ আৰু ৰটাৰী বৃত্তিমূলক উৎকৰ্ষ বঁটা প্ৰদান কৰা হৈছে।^৭

মৃত্যু

২০২০ চনৰ ৩০ নৱেম্বৰত আত্মহত্যা কৰি তেওঁৰ মৃত্যু হয়।^১২ তেওঁ এগৰাকী চিত্ৰশিল্পীও আছিল আৰু ইহসংসাৰত স্বামী গৌতম কাৰাজগী আৰু এজন সাত বছৰীয়া পুত্ৰ শ্বাৰভিলক ইহসংসাৰত এৰি থৈ যায়।^৪