শান্তা আপ্তে

শান্তা আপ্তে (১৯১৬–১৯৬৪) এগৰাকী ভাৰতীয় অভিনেত্ৰী-গায়িকা৷ তেওঁ মাৰাঠী আৰু হিন্দী ছবিত কাম কৰিছিল।^১ প্ৰভাত ফিল্মছৰ বেনাৰত দুনিয়া না মানে/কুংকু (১৯৩৭) আৰু অমৰ জ্যোতি (১৯৩৬)ৰ দৰে ছবিত অভিনয়ৰ বাবে বিখ্যাত তেওঁ ১৯৩২ চনৰ পৰা ১৯৫৮ চনলৈকে ভাৰতীয় ছবি জগতত সক্ৰিয় আছিল। কানন দেৱীৰ সৈতে আপ্তেক নেপথ্য গায়ক যুগৰ^২ আগৰ অন্যতম "মহান গায়ক তাৰকা" হিচাপে উল্লেখ কৰা হৈছে।^৩ মাৰাঠী চলচ্চিত্ৰ শ্যামসুন্দৰ (১৯৩২)ত এগৰাকী যুৱতী ৰাধাৰ চৰিত্ৰত অভিনয় কৰি আপ্তেই ছবিত কেৰিয়াৰ আৰম্ভ কৰে। (১৯৩৪) চনত তেওঁৰ প্ৰথম হিন্দী ভাষাৰ ছবি অমৃত মন্থনত অভিনয় কৰে।^৪

প্ৰাৰম্ভিক জীৱন

১৯১৬ চনত ভাৰতৰ মহাৰাষ্ট্ৰৰ দুধনীত^৫ মহাৰাষ্ট্ৰীয় ব্ৰাহ্মণ পৰিয়ালত জন্মগ্ৰহণ কৰা আপ্তে এজন ষ্টেচন মাষ্টাৰৰ কন্যা আছিল।^৬ পিতৃৰ গান গোৱাৰ প্ৰতি থকা প্ৰৱণতাক অনুসৰণ কৰি যুৱতী আপ্তে পুনেৰ স্থানীয় গণেশ উৎসৱত ভজন প্ৰদৰ্শন কৰি সংগীতৰ পৰম্পৰা আগবঢ়াই নিছিল। তেওঁ পান্ধৰপুৰৰ মহাৰাষ্ট্ৰ সংগীত বিদ্যালয়ত সংগীতৰ শিক্ষা গ্ৰহণ কৰিছিল।^৭

৯ বছৰ বয়সত শিশু শিল্পী হিচাপে শ্যামসুন্দৰ নামৰ ছবিত তেওঁ আত্মপ্ৰকাশ কৰিছিল।^৮

মৃত্যু

১৯৬৪ চনৰ ২৪ ফেব্ৰুৱাৰীত মহাৰাষ্ট্ৰৰ মুম্বাইৰ আন্ধেৰীত থকা তেওঁৰ নিজা বাসগৃহত হৃদৰোগত আক্ৰান্ত হৈ আপ্তেৰ মৃত্যু হয়।^৫